انثى في عرين الاسد

تكملة 1

#التكملة :
شيرين ماكان عندها وش تشوف بيهو مجد...بيان اتفهمت موقفها...وودتها فندق قريب من شركتهم...وشالت منها رقم ابوها.
رجعت البيت وهي مستغربة كيف يكون في ام كدا ما عندها رحمه على بنتها الصغيرة.
فجأة اتذكرت انو الليلة نتيجة ناس مجد وهي ما سألت منهم...ضربت ليهو : اها نتيجتك كيف اصدمني.
مجد : عندي....عندي مادة F
ريان ادتو لبعة في ضهرو خلتو بيكحكح : كمان بتكذب؟
حسام وهو بيضحك : هشششش خليهو بيكون بيهظر مع زول ياخ 😂.
مجد بلع اللبعة في حنانو وهو بيسمع في كلام بيان : كعب كعب كعب....هسه حنقول لي اهلنا شنو ؟؟؟ كل بي سبب اهمالك ما بتقرا يا مجد الا والامتحان بكره مباري لي الكورة والطلعات والسفر ما بتنفع...انت قايل انك لمن تلعب السنه كلها في النهاية بتجيب درجة كويسة...قفلت مزاجي يا زفت الطين.
مجد : اهدي ياختي اهدي وروقي
حسام : على قول يقين انبتشي .
مجد : اي انبتشي
بسان : مجد عليك الله اعصابي براها بايظة وريني نتيجتك من دون هظار ولو بالجد جايب F الليلة ما ترجاني .
مجد :F شنو ياخ اخوك كل المواد A ماعدا مادة واحدة D😌.
بيان : ودي شنو الجبت فيها D دي ؟
مجد : يعني سبتي الA وبقيتي على D ؟
بيان : يا ولدي انت عبيط ؟؟؟
مجد : هسه انا عملت شنو ؟
بيان : ماعارفة...لكن ماشاء الله كويس ما بطال مع انو مفروض تجيبهم كلهم A ...وريني اصحابك كيف ؟
مجد : كلنا نجحنا الحمدلله ودرجاتنا كلها تمام...ورؤى جات الاولى ماف زول حصلها.
بيان : ماشاء الله ان شاء الله دايما ماعايزين تعملو حاجة ؟
مجد : احنا هسه في مطعم وبناكل .
بيان : الله يرحم ايامنا لمن كنا بننجح كنا بنمشي نصلي صلاة طويلة عريضة بعديها بنجي نقرا قرآن...بس انتو جيل فاسق فاسد عشان كدا .
مجد : خفي علينا يا ماهر المعيقلي.
بيان : طيب خلاص بعد ما تخلصو وتعملو اي شي ارجعو البيت بدوركم في موضوع.
مجد : سمح 🐸
بيان : يلا باي
مجد : باي .
قفلت منو وبدت تضرب في الرقم الادتو ليها شيرين ( رقم ابوها ) الاسمو حسين .
مارد عليها ضربت تاني بس بيديها مغلق : يا الله البت دي لمها في ابوها.
_________________________________________
جوان كانت قاعدة في اوضتها وماسكة اللاب قدامها...جاتها جلنار جارية : اتخييييلي .
جوان وهي بتقفل اللاب : اوووووووف قلت ليك مليار كرة ما تدخلي قبل ما تدقي الباب يا زفت الطين...ما معقولة كل مره مزهجاني ومطلعة زيتي اوف ياخ.
جلنار : كدي قولي بسم الله...عندي ليك خبر حلو شديد
جوان : اها خير قولي.
جلنار : حمزاوي حيخططططططب معناها في حفلة جاية علينا.
جوان : اوكي مبروك عارفة.
جلنار : لي انتي ما فرحانة ؟
جوان : اعمل شنو يعني ؟
جلنار : ارقصي غني زغرتي سوي اي شي يعبر عن فرحتك.
جوان وهي بتحرك يدينها : ياهوووووو😮...انا فرحانة شديد ايوووووووي يوووووي👌👄...اها تاني في حاجة؟
جلنار : طيب ماما قالت نشتري فساتين 😀.
جوان : انا ما محتاجة فستان عندي اصلا واحد ما لبستو ولا مره.
جلنار : ما تنسي انو دي خطوبة ولد خالنا الكيوت حمزاوي.
جوان : وما تنسي انو قبل شهر ماكنا قادرين ناكل...ماف داعي للبذار.
جيهان الكانت بتسمع لي الكلام من البداية جات داخلة : في شنو يا جوان مالك ؟
جلنار : حيرتني زاتو
جوان : ماف شي اصلا عايزة انوم لاني تعبانه 😑.
جيهان : انتي ماعايزاهو يعرس ولا شنو ؟
جلنار شهقت : هييييه بتحبيهو 😱.
جوان وهي بتضربها بالمخدة : شوف الشافعة المتخلفة دي...انتي هبلة ؟؟؟؟؟ اطلعي بره اوضتي.
جلنار : اصلا طالعة come down
جيهان : جوان بالجد في حاجة انا زي اختك ( مش تبعيين خالس 😗)
جوان : ماف شي والله...بس انتي عارفة جلنار بترفع لي كثاااااافتي .
جيهان : انا ماعارفة انتي حاسه بشنو بالظبط بس لو فيهو خير كان جاك.
جوان : والله ماف شي كدا انا بس زهجانة.
جيهان : اوكي لو كدا كويس...وبراحة على جلنار هي لسا صغيرة ما اي شي تكوركي فيها.
جوان : طيب اطلعي واقفلي الباب بس وراك.
اختها طلعت وقفلت الباب وخلتها في دامة بتاعت تفكير.
_____________________________________
ناس مجد بعد ما خلصو رجعو بيوتهم...طبعا مجد معاهو خالد وحسام طبيعي قاعدين معاه.
المهم بيان باركت ليهم كلهم وورتهم انو حمزة عايز يخطب ريان .
خالد : ريان هيونه الواحدة دي ؟
حسام : ياخ ايتنى حتكون ريان تانية.
بيان : لا لا ياها ريان زاتا المعاكم في الجامعة.
مجد وهو بيضحك : سجمك يا حمزة...ريان حتجننك 😂.
حسام : والله يا هيونه لقيتيها 😂.
خالد : حمزة هادئ وريان مجنونة بي طريقة ما طبيعية...ان شاء الله يهديها وتبقى زيو.
مجد : دي احلى حاجة اي واحد عندو حاجة بتميزو كدا حلوين .
بيان : عقبالكم 😀.
كلهم : امييييين.
مجد :خلاص لو ختخطبو لي حمزة اخطبو لي انا برضو 😌.
حسام : اها شوفو دا 😑.
مجد : انا جادي والله.
خالد : عايز منو ؟
مجد : رؤى .
خالد+حسام : رؤى 😳😳😳😳.
مجد : اي ☺.
خالد :عشان جات الاولى ولا شنو ؟
مجد : لا موضوع تاني كبير عليك.
بيان : بتهظر صح ؟؟؟
مجد : لا والله جادي ☺.
بيان : امشي قول لي ماما كدا عشان تقتلك