انثى في عرين الاسد

الفصل الثلاثون ج٢

♡ انثى في عرين الاسد ♡
          ~ الحلقة الاخيره ~
الجزء الثاني :
رشاد وهو بعاين للباب الطلعت منو وهج : دي مالا ؟؟؟
* حنرجع نقول ليها بيان تاني
بيان : دي اخت ضياء.
رشاد : مالا هايجة كدا ؟
بيان : انت عارف انو ضياء ماهو السبب في البلاوي الحصلت لي شركتنا...دا عمو اسمو عثمان.
رشاد : اي فاهم القصة دي.
بيان : ضياء سابعم براهم قال تعبان وعايز يبعد شوية.
رشاد : الصراحة حنيت عليهو...ربنا كريم.
بيان : انا حاسه بالذنب.
رشاد : بس انتي ما عملتي حاجة غلط عشان تحسي بالذنب...بالعكس حسي بالفخر لانك بطلة وشجاعة ولولا انتي بعد الله ماكان هسه شركتنا رجعت لينا.
ياريت لو رشاد كان فاهم انو بيان حاسة بالذنب لي؟؟؟ حاسه بالذنب عشان هو حباها وهي سابتو...كانت عارفة انو ما حيسامحها...دا لو قابلتو تاني اصلا.
_________________________________
مجد كان راقد في سريرو فتح تلفونو...والتلفون بقا يتهز كلو من كثرة الرسائل النزلت فيهو...قعد في السرير واستنى لحدي ما الحفلة العاملها تلفونو دي وقفت حتن بعدين بدا يفتح رسالة رسالة ويرد...رسائل من اصحابو وناس دفعتو واهلو ومعظم الناس البيعرفها...كان في رسائل ايام كان في الغيبوبة معظمها كان مشتاقين ليك ومستنينك تطلع وربنا يقومك بالسلامة...والتانية بتحمد ليهو السلامة بعد ما طلع....لقا ريكوردس من رؤى...فتحها وبقا بيسمع في كلامها علامات وشو اتغيرت وهو بيسمعها وهي بتقول ليهو بحبك.
قفلو وشغلو تاني عشان يتأكد انو دي هي....يعني معقولة كل السنوات دي وهو ما منتبه ليها.
جاتو الشغالة ودقت ليهو الباب : في ولد عايزك بره .
مجد : طيب جاي.
رما التلفون ونزل...اتفاجأ لمن لقاهو خالد .
مجد : جيت متين؟
خالد جا عليهو وعانقو شديد ودموعو نزلت .
مجد وهو بيربت على ضهرو : ياخ انا بقيت كويس الحمد لله بتبكي لي ؟
خالد وهو بيمسح دموعو: حمد لله على السلامة
مجد : الله يسلمك...جيت براك ؟؟؟
خالد : اي...لسا امي واختي حيقعدو زي شهر تاني.
مجد : ماكان تجي وتخليهم براهم ياخ.
خالد : لمن قالو انك فتحت وبقيت كويس ما قدرت الا احي اشوفك...حجزت لي يومين...بعد بكرة ان شاء الله حارجع.
مجد : خلاص اقعد معاي اليومين ديل.
خالد : ازعاج ياخ.
مجد : حرررررم ما بتطلع من هنا الا على المكار.
خالد وهو بيضحك : طيب ما مشكلة.
مجد : بكرة نتيجتنا .
خالد : ربنا يستر من الملاحق.
مجد : تف من خشمك من متين بنشيل ملاحق غير في سنه اولى وتانية ( بيهظر )
خالد ضحك.
مجد : انا جعان....نخلي الشغالة تجهز لينا اكل ولا نطلب دليفري ولا نتوكل وندخل المطبخ .
خالد : انا نعسان.
مجد : طيب اطلع فوق نوم شوية في اوضتي وانا حاعمل اكل وحاجيك.
خالد : لو حتعمل الاكل براك حاقعد معاك...ما بثق فيك.
مجد : مااااشي 😂.
_________________________________
رؤى كانت في اوضتها...شغالة تمشي وتجي تمشي وتجي.
جرس الباب رن....قامت جارية بسرعة وفتحت لقتها ريات جرتها معاها على الاوضة.
رؤى : الحقيني يا ريان انا خلااااااص اتفضحت.
ريان : عملتي شنو 😱.
رؤى : مجد....رسلت ليهو ريكورد في لحظة تهور....انا خايفة يسمعها.
ريان : سجمي قلتي ليهو شنو.
رؤى وهي بتديها التلفون : هاك اسمعيها براك.
ريات ختت السماعات في اضانها وبقت بتسمع في الريكورد ومنطره عيونها....بعد ما خلصت فجأة بقت بتضحك : وااااي لكن...دا كلو في قلبك وما بتتكلمي ؟ كنتي عايشة كيف ؟
رؤى : رياااان ما وقت ظرافتك ياخ.
ريان وهي لسا بتضحك : اها حاعمل شنو يعيني ؟؟؟ ارجع الزمن لي ورا ؟؟؟
رؤى : انا حيواااانه...كيف عملت كدا...هسا تاني حعاين ليهو كيف ؟
ريان وهي ماسكة نفسها : حيرتين زاتو اقول ليك شنو ؟ كل شي في يد مجد ما في يدك ؟
رؤى : نععععم مجد دا منو كمان الكل حاجة في يدو مافي يدي 😒.
ريان : مجد دا الكنتي بتبكي ليهو هسه 😂😂😂😂
رؤى : خلاص اتتتتلهي ممكن .
ريان : خلاص اتلهيت 😂.
رؤى وهي بتشيل نفس : نتيجتنا بكره 😑.
ريان : ما هو معروفة اكيد انتي حتكوني الاولى وبعديك خالد كالعادة.
رؤى : ان شاااء الله...حاسا بي نفسي ما اشتغلت كويس في اخر امتحان.
ريان : دا الكلام البتقولي في كل سنه 😑.
رؤى : يعني اطمن.
ريان : كلو على الله.
رؤى : ونعم بالله.
__________________________________
وهج كانت قاعدة في المكتب وخاتا يدها في كتفها...قدامها مجموعة من الملفات وفي لمعة دمعة في عيونها : مشيت وين يا ضياء وسبتنا برانا 💔.
طبعا كلنا عايزين نعرف سبب وجع كتف وهج شنو
Flash_back.
كانت قاعدة في اوضتها...سمعت صوت سيزار وهو بيضحك.
فتحت باب اوضتها وطلعت لقتو راكب الاسكوتر بتاعو وشغال يترتر بيهو في الفسحة الفاتحة فيها الاوض.
وهج بي نهرة : سيزار...ارجع اوضتك.
سيزار : No 😛
وهج : No 😳
سيزار ضحك بي شقاوة وحرك الاسكوتر على جهة السلم.
وهج : سيزاااار ارجع 😠.
بس سيزار ما رجع...جرت عليهو...وفي اللحظة ديك سيزار كان حيقع بالاسكوتر في السلم بس مسكتو بسرعة واتزلقت وهي ماسكاها ووقعت في السلم على كتفها ( انكفت 😂)
سيزار بي خوف :Aunty are you okay ?
وهج : اخخخ يا كتفي .قامت وهي شايلاه...ودخلتو اوضتو....بعد ما رجعت وشالت الاسكوتر ورجعتو محلو.
نرجع للواقع :
شالت التلفون وضربت لي صحبو المحامي: الو
المحامي : اهلا يا وهج .
وهج : ها ما لقيت ليهو اي خبر.
المحامي سكت شوية قبل ما يقول ليها : للأسف ما لقيت منو اي خبر.
وهج : طيب شكرا.
المحامي : انا ماعارف اقول شنو بس ربنا يجمعنا بيهو تاني.
وهج :اللهم امين.
المحامي : مع السلامة.
وهج : مع السلامة.
_____________________________________
نرجع لي بيان...
كان شعورها مؤلم مشتاقة لي ضياء...فاهمين شعور تكون بتحب زول شديد وتتعود عليهو وفجأة بلمح البصر بيختفي من قدامك ويبقى سرب ( انا ما جربت انتو جربتو 🐸)
ضربت لي رهف صحبتها وطلبت منها تقابلها في مطعم وتتغدى معاها...رهف بعد نص ساعة وصلتها.
طلبو اكلهم وبقو بيتكلمو.
بيان حكت ليها بي كل حاجة والدموع مغرقة عيونها.
رهف : والله ماعارفة اقول ليك شنو يا بيان...بس لازم تعرفي انك ما غلطانه في اي شي...انتي ما قتلتي الوه ولا قتلتي احمد او لاره...القدر ختاك في الموقف دا كنتي بتكرهيه وبقيتي بتحبيه...عايزاك تعرفي انو ضياء لو فيه خير حيجيك ولو مافيه خير ربنا حيصرفو منك.
بيان : اختو وامو اكيد مشتاقين ليه...بس نفسي اعرف حيكون مشا وين ؟
رهف : بيان ابعدي من الشر وغنيلو...ما تدخلي نفسك في مشاكل.
بيان : لازم القاهو وارجعو ليهم.
رهف : وانتي مالك ومالو ؟
بيان وهي بتمسح دموعها : على الاقل اصلح غلطتي .
رهف : انتي ما غلطتي 😠.
بيان : طيب اتحشي واكلي.
رهف : اصلا جيت عشان آكل.
بيان : اكلي وابقي بقره عرسك قرب
رهف : بلا عرس بلا غيرو المهم اكل واشبع.
بعد ما اكلو وخلصو اي واحدة رجعت بيتها...بيان فتحت دولابها وبقت بتعاين للفستان الابيض بي اسود الجابو ليها...فتحت الصندوق بتاع الجزمة الكان فيها نقش قلب.
مشت بي يدها في شكل القلب قبل ما تمسح دمعتها الجات جارية.
رقدت في السرير وفتحت صور دبي...كانت هي ومستر عثمان واقفين جمب بعض ومبتسمين : معقولة يا مستر عثمان كل البلاوي دي تطلع من تحت راسك...ربنا يسامحك على العملتو.
رمت التلفون في السرير وهي بتفكر: ياربي انت وين يا ضياء.
غمضت عيونها وهي بتفكر قبل ما تقعد بي سرعة : ياربي يكون عند اجدادو ديلك...بس اسمائهم منو وهم كانو ساكنين في ياتو منطقة اصلا...اخ هو قال اسمائهم لكن نسيتها...ما اعتقد وهج توريني لانها ما طايقاني اساسا...ياربي اسم قصرهم حيكون شنو؟ اتذكرت لوحة النمر الشافتها في السلم.
فتحت الابتوب بتاعها وبقت بتعمل سيرش بي اسم نمر القلعة جاتها صور افلام وقصص وخرافات وصور حيوانات...كتبتو تاني بالانجليزي جاتها الشركة وصور ضياء...بقت فاتحاها وبتعاين فيها قبل ما تقول : حالقاك وحارجعك .
فكت شعرها ( عشان المخ يشتغل )...بقت راقدة على ضهرها والاب خاتاهو في بطنها...فتشت كثييييييير بس مالقيت حاجة عن الجدين...لحدي مافي النهاية كتبت قصر النمر...واذا فجأة تجيها صورة القصر من بره قعدت في السرير اخيرا لقيتو 🎊🎉🎊🎉.
بدت تقرا في المعلومات المكتوبة عنو...ملكيته تعود للسير روبت واللادي كاثرين...وموجود في الريف الانجليزي.
بيان : باااااس ياهم.
رقدت بي احباط : لكن...لكن حاوصلهم كيف 😔....حمزه 😀...ياهو😮 حمزة الوحيد الحيساعدني.
شالت تلفونها وضربت ليهو : حمزة ازيك 😀.
حمزة بنعاس : اهلا يا بيان.
بيان : اسمعني انت حترجع متين ؟
حمزة : ان شاء الله بعد اسبوع.
بيان : تمام انا حارجع معاك.
حمزة : ترجعي معاي 😳.
بيان : كدي سيبك من هسه متأكد انك حترجع بعد اسبوع.
حمزة : اي والله بعد اسبوع .
بيان : كدي لحدي ما القاك بكره.
حمزة : طيب.
بيان : يلا باي
حمزة : باي.
نزلت بي سعادة تحت...لقت مجد وحسام وخالد ومنذر ولؤي قاعدين بيلعبو في كوتشينة.
بيان : قمار 😱.
منذر : تلعبي 😏.
حسام : اسمها كوشتينة.
منذر : دقيقة حدد كوشتينة ولا كوتشينة .
حسام : ياخ ما تحكحكها ما فرقت.
منذر : لا فرقت وكتير جدا 😌.
لؤي : انتو اصلا خليتوه يجينا لي ؟؟؟ الولد دا بيجيب الصداع 😣.
منذر : انا بجيب الصداع 😳👉...طييييب...اسمعي يا بيان بكره النتيجة بتاعتهم.
خالد : 😳
مجد : 😳
حسام : 😳
لؤي : 😳
بيان : بكره نتيجتكم 😈
مجد : اصلا ما مؤكد 😸
منذر : مؤككككككككد وكلهم عارفين بس اعتقد مبلطين عشان كدا ماعايزين يتكلمو.
لؤي : الولد دا ارجموه ولا سوو ليهو اي شي .
بيان وهي بتعاين للساعة : الوقت اتأخر امشو نومو بعد دا ...عشان تقدرو تستحملو نتايجكم بكره 😏...يااااا صيادلة 😏.
طلعت فوق لي اوضتها وسابت منذر الفتان مع الشباب براهم 😈.
غطت وشها بي مخدتها وغطت في نوم عميق.
________________________________________
في مكان بعيييييد كل البعد عن الخرطوم...بعيد بي الاف الاميال....وبعيد من قارة افريقيا زاتو.
كان واقف قدام الشباك بتاع اوضتو وهو بعاين للمطر الغزيرة النازلة...الجو كان بارد شديد...قعد قدام المدفأة المولعة فيها النار.
وهو بيراقب في البخار الطالع من كباية الشاي الخاتيها جمبو.
غطا نفسو بالبطانية وهو بيسترجع في ذكرياتو الاليمة.
انتبه لي صوت تلفونو..رد بهدوء : الو
طاهو صوت المحامي : ضياء انت ما عايز ترجع بعد دا ؟؟؟ اختك كل يوم بتسأل منك.
ضياء : انا وريتك انو انا تعبان شديد وما حاستحمل اقعد قي الخرطوم الفترة دي بالاضافة لي اني متابع احوال الشغل من هنا .
المحامي بي تردد : عندي ليك خبر ما سار .
ضياء وهو بيبتسم : بعد الحاصل علي دا كلو لسا تاني في خبر ماسار ؟
المحامي : كريستن رقعت عليك قضية وكسبتها...ولدك حتشوفو كل سنه 3 ايام.
ضياء وهو بيزح البطانية منو : نعم ؟؟؟؟ كيف يعني ولدي اشوفو مره كل 3 ايام.
المحامي : ضياء انت عارف انو موقفها قوي خصوصا انو الولد شايل الجنسية الامريكية وساكن هناك معاها القانون بيدعمها بي كل الطرق.
ضياء : بس دا ولدي برضو 3 ايام بس كل سنة انا كل يوم لو ما شفتو ما حاقدر اعيش
المحامي : حاحاول اخليهم يزيدو الايام.
ضياء قفل الخط وضرب لي كريستين والغضب ماليهو ملي...اول ما ردت صرخ فيها :How did you do this to me ?
(كيف فعلت هذا بي ؟)
كريستين :come down diaa...in the last period you became not care about him.
( اهدأ....في الفترة الاخيرة اصبحت لا تهتم به )
ضياء :you that i was too busy
( انت تعلمين انني كنت مشغول جدا )
كريستين : he is your son he needs you more then your job
( انه ابنك...انه يحتاجك اكثر ثم عملك )
ضياء : how i will take care of my son if i didn't work
( كيف سأعتني بابني ان لم اعمل ؟)
كريستين :I think 3 days is enough
( اعتقد ان 3 ايام تكفي )
ضياء :you aer kidding
( انت تمزحين )
كريستين :No I'm not
( لا )
ضياء :why you doing this to me .
(لماذا تفعلين هذا بي ؟ )
كريستين : I'm sorry .
( انا اسفة )
ضياء : I will not give up
( لن اتنازل )
قفل الخط ورما التلفون...لقا نفسو بيطلع بره من دون ما يشيل معاهو اي شي يدفي بيهو نفسو.
ركب العربية وبقا سياقها بسرعة جنونية ومتمني بس لو تتقلب بيهو او تنحرف بيهو عن الطريق عشان يرتاح من العذاب العايش فيهو دا....مشا بيها طويييييييييييييل...لحدي مافي النهاية لقا نفسو بيطلع منها....الجو بارد والمكرة غزيرة وصوت الرعد مخيف والبرق بيضوي المنطقة كلها.
كان زي المجنون ماشي تحت المطر وماعارف رجليهو مودياهو وين....ابوه مات وهو في عز شبابو استحمل مسؤوليات تخلي الواحد يشيب...وثق في عمو وختاهو في مكانة ابوه وفجأة يكتشف انو هو القتل ابوه ومان عايز يقتلو برضو....لارا صحبتو من زمن الجامعة...اكتشف انها برضو كانت لاعبة عليهو مع عمو...واتقتلت قدامو...ود عمو الكان زي اخوه برضو اتقتل قدامو وهو بيدافع عنو....لي هسه صوت صرخات حلا بنتو في اضانو...ميرال الحباها ووثق فيها ودخلها حياتو وبيتو لقاها اسمها بيان وجات عشان ترد ليهو الطعنة الطعنها ليهم عمهو....وحسه الشي الوحيد المنور ليهو خياتو برضو حيتشال منو 😢...خلااااص فاض بيهو ما حيقدر يستحمل اكثر من كدا...قعد في الارض وهو بيبكي بي دموع غزيرة مغرورة دايما كانو بيقولو عليه قاسي...ماف زول شاف دموعو الا في وفاة ابوه...ولا حتى في عزاء احمد ولارا ما بكا بس اي شي ليهو حدو وكل انسان فينا عندو قدرة تحمل معينه لمن تزيد عليهو ما حيقدر يكمل ...صرخ بي صوت الاتبح من شدة الوجع : يارب انا خلاص ما حاقدر استحمل اكثر من كدا يارب....انا تعبت وانت الوحيد الحاسي بي وجعي يا الله.
يا الله دي كانت من جوووووه قلبو...وقف بي تعب ودموعو مختلطة  بي قطرات المطر...مشا طويل شديد...قبل ما يدخل في مزرعة...وصل لحدي البيت الجوه ضرب الجرس وبعديها الرؤية بدت تنعدم شوية شوية الظلام اسر عيونو سمع صوت اقدام زول متوجها عليهو وبعديها غطا في نوم عميق.
_______________________________________
الشباب الكانو بايتين مع مجد كلهم صحو بدري وجهزو نفسهم للجامعة عاد الليلة النتيجة...الختم سورة ( يس) والختم سورة ( البقره ) والماسك سبحتو من باليل المهم طلعو على الجامعة.
في الوقت دا رؤى وريان برضو طلعو على الجامعة...الاولاد وصلو...ودخلو لؤي وحسام محل التفسة والزحمة عشان يجيبو ليهم النتيجة...لؤي وهو في نص الزحمة وبكورك : رؤى كل درجاتها A
وغطس فجأة في النص واختفى في ظروف غامضة قيل ما يظهر حسام : خالد كلو A ما عدا مادتين B
لؤي ظهر : نجحت يا ناااااس نجحت 💃...عندي مادة واحدة d
حسام جا طالع وهو بينطط : ريان وانا كلو Aو B ما عدا مادتين C
مجد : انا وين نتيجتي ؟
حسام : دقيقة لؤي هسه بيجيبها .
لؤي جا طالع من النص وهو منكوش : مجد كلو A مادة واحدة بسC .
A:ممتاز
B:جيد جدا
C:جيد
D: وسط
E:مقبول
F: رسوب والعياذ بالله
مجد : الف شكر وحمد ليك يارب الحمممممد لله..
لؤي وهو بيضحك : عمر 5 F
مجد : لؤي عيب.
لؤي : يا زول بلا عيب بلا غيرو كان قليل ادب وبتاع مشاكل ومتكبر الوصخ.
خالد : مالينا بالناس المهم اننا نجحنا وخلاص .
ريان ورؤى وصلو.
رؤى كانت قااااشرة ( الاولى عاد )
لابسة بنكلون جينز...ومعاهو بلوزة  طويلة فوق الركبة بشوية لونها ابيض...ومن فوقها جكت كيمونو شفون فيهو زهور كبيرة بالازرق والبصلي...محجبة بي طرحة زرقاء ولابسة جزمة بصلية وشايلة شنطة كروس زرقاء ( حنزلها ) كانت لابسة نضارة شمسية...اما ريان لابسة قميص من السيتان لونو اسود طوييييييل ومعاو جينز ازرق وشنطة كروس بنية وجزمة جلدية بنية ررضو.
اول ماشافت مجد بقت بتدعي : ياااارب ما يكون سمعها .
لؤي جاهم جاري : رؤى جيتي الاولى الوحيدة كل موادكA .
رؤى : الحمدددددلله...الف شكر وحمد ليك يا الله.
زملائها بيجو يسلمو عليها وبيباركو ليها...اما مجد استنى لحدي ما الناس كلها باركت وسلمت عليها جا بارك ليها عاااادي كأنو ما حصل شي ولا سمع حاجة.
لؤي وهو بيخت يدو في بطنو : طيب بي مناسبة النجاح المبهر دا حنحتفل وين ؟
حسام : نفسي في سمك 😀🐟.
لؤي : لا ياخ انت بتاكل سمك في غيرك ما بياكلو نشوف حاجة تانية.
حسام : 😒.
وبعد تفكير وتقليب مشو واحد من المطاعم الفاخرة عشان ياكلو هناك...اتوزعو في عرباتهم...مجد طلب من رؤى تركب معاهو.
رؤى " سجمي معناها سمعهم ياربي امشي وين ولا وين 😭 ياريت لو مسكت خشمي وما قلت ليهو اي شي "
طلعو كلهم من حرم الجامعة والفرحة ما سايعاهم كاف شي احلى من النجاح 💃💃💃💃.
المهم مجد طول الطريق كان شاكت ورؤى تدعي بي قلبها انو ما يفتح خشمو...قلبها وقع لمن سمعتو بيقول ليها : دا شنو الريكورد الرسلتي لي دا ؟
رؤى حست انها بلعت لسانها...قالت ليهو بعد تعب : انا 😳؟
مجد وهو بيقتح تلفونو وبيركبو مع المسجل بتاع العربية وبيعلب الصوت : اي انتي ؟
وجا صوتها الباكي وهي بتتكلم معاه ( الكلام دا زمن الغبيوبة او الغيبوبة كلو جاي 😀)
جرت الوصلة من المسجل وقفلت التلفون ورمتو في الكنبه الورا: ال...الكلام دا قديم وكان في لحظة حزن بس....بس كدا ما اكثر...عشان كدا انساهو .
مجد وهو بيضحك : كدا تمام اصلا من البداية عملت رايح من كلامك دا .
رؤى : يا زين ما عملت 😔.
مجد : افتح ليك غنيه ؟
رؤى :لا ما عايزة 😔.
مجد : اوكي تمام.
وصلو المطعم ونزلو وكل واحد فرحان ما عدا رؤى ( جاية الاولى وزعلانه عشان مجد 😒 غ ب ي ه )
المهم اكلو وضحكو وهيصو وكلو عملوه...وكل دقيقة واحد يضربو ليه اهلو عشان يعرفو النتيجة كيف.
_______________________________________
بيان جات بيت ناس سلمى...لفت حمزة قاعد بره في الحديقة....قعدت جمبو وبدت تحكي ليهو هي مسافره معاه لي؟
حمزة : يعني هسه انا افهم انك عايزة ترجعي الزول دا لي امو واختو الحيموتو تقريبا من دونو ؟
بيان : بالظبط كدا .
حمزة : طيب انتي ضمنك شنو يكون هناك ؟؟؟؟ مش احتمال يكون في محل تاني ؟
بيان : ما مشكلة لو ما طلع هناك تكون فسحة بالنسبة لي واتسوق اصلا عرس صحبتي قرب.
حمزة : طيب حتقولي لي اهلك شنو؟؟؟ حيخلوك تسافري عشان اسمو منو دا ؟
بيان : ما اعتقد يمانعو وزي ما قلت ليك بالمرة فرصة لي اشتري حاجاتي .
حمزة : غايتو انا ما عندي مشكلة الباقي عليك انتي واهلك.
بيان : اوكي تمام....انا اطلع بعد دا .
حمزة : استني دقيقة انا برضو عايزك في مومضوع 😊
ميرال : طيب اتفضل.
حمزة : انا عايز اخطب ريان .
بيان : ريان ؟
حمزة : اي ريان صحبة ناس مجد 😀.
بيان وهي بتضحك : شفتها وين ؟؟؟
حمزة : ياخ عسولة 😍...مرة جاتنا زيارة وكانت قايلاني سامي .
بيان بي ضحكة : اي هي عسولة شديد ومجنونة...طيب عايزني اساعدك يعني.
حمزة : لازم اخطب قبل ما ارجع.
بيان : على بركة الله...كلمت امك ؟
حمزة : اي كلمتها
بيان : وافقت ؟
حمزة : كانت عايزاني لي جوان...لكن ياخ جوان دي بشوفها هي واخواتها زي اخواتي...حتى في تعاملي معاهم بعاملهم زي اخوااي مستحيل اقدر اتصور انها تكون مرتي في يوم .
بيان : يعني هي هسه ما وافقت ؟
حمزة : لا وافقت قالت لي في النهاية دي حياتك وما بدخل فيها وريان برضو عجبتني.
بيان : معناها تمام بحاول ازبط ليك يوم معاهم.
حمزة : شكرا 😀.
بيان : العفو 😀...يلا باي انا ماشه.
حمزة : باي.
طلعت وركبت عربيتها...رهف ضربت ليها وطلبت منها تجيها في صالون تجميل...بيان طوالي مشت ليها.
رهف وهي بتمسك طرف شعر بيان الاسود الفاحم : مش كفاية اللون دا بالجد بزهج...شنو رايك نغير فيك شوية 😀.
بيان : طيب اصلا عايزة تغيير .
المهم صبغو ليها من فوق بني غامق ومن تحت اشقر فاتح....كان حلووووو شديد...بعديها عملو ساونا و حمام مغربي ومساج...المهم ظبطو نفسهم وبعديها طلعو...بيان شكلها بقا فيهو حيوية وطاقة كدا 👋.
بعديها مشت الشغل.
_______________________________________
ضياء فتح عيونو...لقا نفسو في غرفة فخمة وكبيرة...السرير فيهو اعمدة ومغطى بي ستاير من الشفون....قام بي تعب اتفاجأ لمن شاف حبوبتو قاعدة في كرسي جميو ونايمة بي عمق شديد.
عاين للبجامة الابسها وكان لونها بيجي ( واك واك واك اخير ليوسك لونك تاني غصبا عنك 😛 هع هع هع هاااااا 😛)
قعد في السرير وهو خاتي يدو في راسو...حبوبتو صحت بيهو...
عاينت ليهو بي نظرة خوف...خايفاها يهيج ويقول عايز يطلع من هنا...قالت ليهو بصوت هادئ : good morning baby
(صباح الخير يا صغير )
طيب لو ضياء بيبي احنا شنو ؟؟؟ اطفال في الحضانة ولا ما جينا لسا للحياة ؟
ضياء : good morning ...what I'm doing here?
(صباح الخير ...ماذا افعل هنا ؟ )
كاثرين ( الجده ): we found you out ..you're unconsicous
( لقد وجدناك في الخارج...كنت فاقد لوعيك )
ضياء :Ahaaaaa okay...I have to go
( اهاااا ( بصوت توم صاحب جيري ) حسنا علي الذهاب)
كاثرين:No...please my dear stay here
(لا...ارجوك يا عزيزي ابق هنا )
ضياء سكت .
الجدة : please
كانت بتعاين ليهو بعيون مترجيه ( اووو ايتها العجوز البائسة وبربس بربس بربس 💃)
ضياء استسلم لي نظراتها وفضل يقعد معاهم.
___________________________________
وهج فجأة جاها شعور انها عايزة تمشي تشوف مستر عثمان ومرتو....مستر عثمان القتل ولدو وكان السبب في مل البلاوي دي.
ركبت عربيتها واتوجهت لي المصحة واصرت بي قوة انها لازم تشوفو...مشت مع الدكتورة اشرت ليها عليهو.
كانت قاعد في كنبه تحت شجره ماسك ليهو لعبة في يدو وبيهز فيها زي الطفل وهو بيتكلم براهو : حمودي يا حمودي...حمودي يا حمودي .
عاين ليها قبل ما يمد ليها اللعبة :شوفي دا حمودي ولدي.
وهج ما قدرت تستحمل منظرو وجرت بي سرعة وطلعت بره وهي انفاسها متصاعدة...ختت يدها قلبها البيخفق بي قوة قبل ما تثول بي صوت حزين : لا حول ولا قوة الا بالله العلي العظييييم.
__________________________________
شيرين كانت قاعدة في اوضتها وبتسمع في كلام امها البتحاول توكل محامي لي رفاء عشان تطلع.
طلعت من اوضتها : ارتاحي ما حيطلعوها ماف اي دليل على برائتها.
الام : انتي تخرصي خالص صوتك ما عايزة اسمعو 😒.
شيرين : شفتي انتي وبتك وقعتو غي شر اعمالكم...كنتي بتخططي ليهم هي ومصطفى عشان يدمرو حياة اتنين ما عندهم اي ذنب في حياتهم...بس ربنا قادر على كل ظالم.
الام وهي بترمي التلفون بي غضب : انتي قاصدة شنو بكلامك دا ؟
شيرين : قاصدة انك انتي السبب في اننا انا واختي نطلع كدا من صغرنا ربيتينا على الطمع والحقد والحسد والغيرة المامبرره...ربيتينا على اننا نكون بنات كل همنا الراجل الجيبو ملان...ربيتينا نكون كلاب قروش...تصدقي اني من ما اتولدت ماف يوم شفتك راكعة بتصلي لي الله ؟ ما علمتينا نكون مهذبات وعلاقتنا قوية مع ربنا...ما علمتينا نهتم بي جوهر الناس مش مظهرهم...ما علمتينا نكون محتشمات مع اننا بناتك الوحيدات...كنتي بتخلينا نلبس اي شي ما دام حنقدر نلم في واحد عندو قروش....كنتي بتخلينا نطلع مع اي زول وفي اي وقت مهما كان...ماف يوم حسستينا بحنان الام وخوفها على بناتها...دمرتي اسر...وكنتي سبب في طلاق ازواج طل دا ولحدي هسه قلبك ما وجعك لا على الناس ولا علينا ولا حتى على نفسك...عارفة ابونا المكرهانه ليهو يادوب اكتشفت انو دايما بيضرب عشان يسمع اصواتنا وانتي ما بتدينا ليهو...وانو كل قرش بتصرفيهو علي من حر مالو...لي انتي بتعملي كدا ؟؟؟
امك وفي نظرة وحشية مرعبة في عيونها...جرتها من شعرها قبل ما تضربهاةفي وشها بي قوة : اطلعي بره يا ولادة الندامه....ماعايزة اشوف وشك هنا تاني اطلعي وعيشي في الشارع ياهو شبهك وشبه ابوك...كلمتك الف مره دي حياتي كدا عجبك اهلا وسهلا...ما عجبك بره والمره دي ما حاقول ليك من دون مطرود...اطلعي بره ومطرودة وتاني وشك ماعايزة اشوفو.
رمتها بره الشقة قبل ما ترمي ليها هدومها و حاجاتها بره.
شيرين بدت تلملم في هدومها وهي بتمسح في دموعها...شالت حاجاتها وطلعت وهي ماعارفة تضرب لي منو...اتذكرت الرقم بتاع ابوها الحفظتو من تلفون امها .
ضربت ليهو كم مره بس كان مغلق....قعدت في الرصيف وهي شفقانه على حالها...لقا نفسها بتضرب لي بيان.
يلا معظمنا عايز يعرف شيرين المره الفاتت قالت لي بيان شنو ؟
Flash_Back
شيرين سمعت كلام مصطفى مع اختها لمن حكى ليها انو بت عم ناس سامي اسمها بيان وهي اصلا في الشركة ومتنكرة وابوي ناوي ليها وعايز يبهدلها ويقتلها  وووو كلام كلو شر وشريرين كدا...المهم شيرين فجأة حست بي انها لازم تنبه بيان وتحذرها.
لمن عرفت مقر الشركة مشت ليها وشافتها من بعيد وجاتها جارية وهي بتقول ليها : اهربي وانجي بحياتك الناس ديل عارفين انتي منو وعايزين يقتلوك الحيعمل كدا اسمو عثمان وولدو اسمو مصطفى.
ومن هنا بيان اتأكدت انو ضياء ماليهو ايييي دخل في موضوع شركتهم...طلبت منها تبعد من المحلة دي....بس ما اخدت وقت عشان هي زاتا تبعد لانو بي سرعة اختطفوها.
بيان : الو ؟
جاها صوتها المخنوق : انا شيرين.
بيان : مالك في شنو حصل ليك شي 😳.
شيرين :ماما طردتني من البيت ورمتني في الشارع .
بيان وهو مخلوعة : طيب اهدي انا حاجيك.
جاتها ولقت حالتها بالبلا وساقتها معاها وفي العربية شيرين فهمتها كل القصة...وبيان وعدتها انو تلاقي ليها حل وانها حترجعها لي ابوها...كانت حتسوقها معاها البيت....بس شيرين رفضت لانها ما عندها وش تعاين بيهو لي مجد
#يتبع