انثى في عرين الاسد

الفصل السابع عشر

♡ انثى في عرين الاسد ♡
         ~ الحلقة السابعة عشر ~
°• سبحان الله..الحمدلله..الله اكبر •°
•° اللهم صلي وسلم وبارك على سيدنا محمد °•
•°سبحان الله وبحمده سبحان الله العظيم •°
■□■□■□■□■□■□■□■□■□■□
صوت المنبه كان مزعج وعالي...صغطت على غفوه قبل ما تتقلب على الجهة التانية وتغطي وشها بالمخدة...نفمة المنبه علت تاني...قفلتو وكملت نومتها...شوية كدا رفعت راسها بي خلعة عاينت للوقت بي سرعة قامت من السرير وهي بتضرب في خدها وبتقول : الليلة حترفد حترفد حترفد.
دخلت الحمام اتسوكت بي سرعة واستحمت...صلت الصبح..جات وقفت قدام المراية رفعت شعرها كعكة وفي خصلات متمردة كانت طالعة...عملت ماسكرا وايلاينر وروج احمر...لبست فستان اسود سادة ومعاهو جكت قطني بيجي...لبست شبط كعبو عالي بيجي..ولبست نضارة نيرد سوداء...لبست شنطة صغيرة زهرية...شالت ليها طرحة كبيرة بنفس اللون الشنطة ولبستها...(حنزل اللبسة ) عملت ليها كباية نسكافيه قفلتها...وجرت شنطتها ونزلت تحت البواب وقف ليها امجاد...ركبت ووصلت الشركه...نزلت الشنطة وهي بتعاين في الوقت لقت نفسها متأخرة شوية...وبي سرعة جرت الشنطة ودخلت.
كانو مسافرين 7 موظفين...مستر ضياء وعثمان...ميرال..لاره..ومعاهم 3 موظفين تانيين.
دخلت المكتب...جا طالع من مكتبو وهو شايل مذكرة وقلم...كان لابس قميص اسود وبنطلون اسود...شاكي بي حزام جلدي بني غامق...ولابس جزمة جلدية بنفس لون الحزام...لابس ساعة رجالية فخمة فضية...وريحتو فايحة في المكتب...عيونو الواسعة وعدساتو البنية الجميلة ورموشو الكثيفة كانت جذابة...قال وهو بعاين ليها ببرود : اتأخرتي 10 دقايق.
كانت حتغالطو وهي بتعاين لي ساعتها لكن طلع كلامو صح...ضغطت على اسنانها بحسره وسكتت.
رما ليها المذكرة والقلم قدامها : خلي ديل معاك .
هزت ليهو راسها وشالتهم بي سرعة...طلع من المكتب وقفل الباب بي وراهو.
رجعت بي كرسيها لي ورا وهي بتتنفس بي عمق...فتحت كباية النسكافيه وبدت تشرب فيهو.
الباب اتفتح...زحت الكباية من خشمها وهي بتعاين على جهة الباب...كانت دي وهج .
وهج بي ابتسامة : صباح الخيير.
ميرال : صباح النور .
وهج : قالو مسافرين 😉.
ميرال : تخيلي بس .
وهج : الصراحة الصراحة حظك...تسافري وكمان مع مستر ضياء...لو كنت في محلك كنت حاموووت من الفرح .
ميرال : يا ريتك لو كنتي في محلي 😧.
وهج : على فكرة هو طيب ما تشوفيهو كدا .
ميرال : بتعرفيهو من وين ؟
وهج : اتكلم معاي الصباح.
ميرال  اهااا😉.
وهج : المهم كنت جايه عشان اتمنى ليك رحلة سعيدة 😀.
ميرال : شكرا 😍.
وهج : العفو 😉  Enjoy your time
ميرال : ان شاء الله .
وهج : يلا باي ✋
ميرال : باي 😀
بعد ما وهج العسولة طلعت ميرال فتحت شنطتها طلعت كتاب عرس الزين لي الطيب صالح..اتثفحت فيهو شوية : حلو حاستفيد منو في الرحلة الطويلة دي .
ضياء جا راجع ومعاهو لارا الحمارة 😸...كانت لابسة جينز فااااتح وقميص اسود مشكوك..ومعاهو جكت بدلة بيجي...وجزمة زاحفة بيجية وماسكة شعرها ضنب حصان.
*************************
مجد كان قاعد في اوضتو وعمليتو فاضل ليها دقايق معدودة..طلب من امو انها تضرب لي اصحابو وتخليهم يجو.
هدى : هم اصلا جو لكن قاعدين تحت ومانعنهم من الطلوع.
مجد: عليك الله لازم اشوفهم ضروري.
تحت الحاح مجد الطويل لبو ليهو رغبتو واصحابو جو كلهم.
مجد : كيفكم ؟
كلهم : الحمد لله .
عاين لي رؤى : انتي زعلانه مني ؟
رؤى : ابدا...حازعل في شنو ؟
مجد : انا اسف يا رؤى على الطريقة الاتكلمت بيها معاك.
رؤى : انا
مجد قاطعها : ما تحاولي تفهميني انك ما زعلتي...انا عارف نفسي اني زعلتك...والله ما كنت قاصد وقتها كنت معصب بتمنى تسامحيني .
رؤى : انت ما عملت شي عشان ازعل منك...وعموما مسامحاك.
ابتسم ليها قبل ما يعاين لي حسام : وانت برضو زعلان مني ؟ اسف على القلتو ليك .
حسام : ما تتأسف انت ما غلطت في حاجة .
مجد : عارفين انا بالجد محظوظ انو ربنا رزقني بي اصحاب زيكم...حسام اخوي القام معاي من صغري...خلودي صاحب الثانوي العاقل...رؤى الجميلة...ريان ...
ريان قاطعتو : كدي كان راجل ما تقول جميلة .
ضحك قبل ما يقول : طبعا جميلة 😉...ولؤي الحلبي المجنووون..كنت دايما بلقاكم لمن احتاج ليكم ربنا يحفظكم.
خالد : ويحفظك
مجد مكمل : انا عايزكم تعفو لي وتسامحوني لو غلطت في حقكم يوم سواء كنت قاصد ولا لا...ماعارف لو كنت حطلع من اوضة العمليات حي ولا ميت .
ريان : يا مجد ياخ حتطلع سليم بإذن الله .
مجد : ما معروف...بس حلفتكم بي الله...لو حصل لي شي ما تبكو عليكم الله ما تبكو علي وتعذبوني...في الوقت داك انا محتاج دعواتكم وبس....حلفتكن بالله ما تبكو وما تخلو زول يبكي علي...حاولو تستمرو في الشغل الكنا بنعملو للمحتاجين...وهدومي وحاجاتي كلها اتبرعو بيها لي الناس المحتاجة ليها...ما تنسوني اتذكروني دايما وادعو لي واتصدقو دي الحاجات الوحيدة الحتنفعني.
اصحابو كلهم سكتو وهم منزلين ريسانهم.