انثى في عرين الاسد

الفصل الرابع عشر

♡ انثى في عرين الاسد ♡
           ~ الحلقة الرابعة عشر ~
جمان كانت راقده في سريرها اتذكرت الحصل امبارح.
Flash_back
سامي حضنها وهو بيمرر يدو على شعرها المبلول...جمان زحت منو : انت...انت القفلت علي الباب ؟ وشلت البشكير؟
سامي سكت .
جمان : يلا واو ما قادرة اصدق...انا عملت ليك شنو عشان تعمل كدا ؟
سامي : انا اسف .
جمان : اسف ؟ الاسف حيفيدني بشنو؟ عليك الله كان تريح نفسك وتشيلني وترميني في البحر ما تخاف بموت طوالي وانت كدا تكون ارتحت...انا ما قادرة احس بالامان معاك...والله لو كنت في الشارع وسط كلاب كان حاحس بالامان اكثر من هنا..وابقى لمن ماما تضرب وتسألك مني قوليها كويسة وفي عيوني..اصلكم كلكم كدا كذابين..شكرا ليك شديد يا سامي.
#نرجع_للحاضر.
قامت من السرير ووقفت شوية قدام الشباك الهواء كان منعش وهو بيتخلل في شعرها وبحركو ليها.
غيرت هدومها وطلعت بره من دون ما تتكلم مع سامي.
اتمشت طويل قبل ما تجي وتقعد جمب الموية قدام شاليهم...كانت بتكتب اسم سامي في الرمله ويجي الموج يمسحو.
سامي كان بيتكلم مع عادل صحبو وحكا ليهو بالحصل .
عادل: والله بالغت عديل يا سامي ...عيب عليك ياخ .
سامي : انا ما عارف وقتها كنت بفكر في شنو .
عادل : هسه من ما عرستها شفت منها يوم موقف كعب ؟ اسمعني يا صاحبي العرس دا ما لعبة ماف حاجة اسمها حاندمعا عشان عملت كدا وكدا...ربنا ما بيرضى ظلم النساء وما تنسى رسولنا ( عليه افضل الصلاة والسلام) وصى عليهم...عارف لو نزلت منها دمعة بس وانت ظالمها اي حاجة بتنعلك حتى التراب الماشي فيهو...والله حرام عليك...ما تنسى انك عندك اخت وحيجي يوم وتعرس حترضى زول يعاملها زي ماانت بتعامل جمان ؟؟؟ وحيكون عندك ان شاء الله بنت في المستقبل حترضى واحد يعاملها كدا ؟؟؟ اكيد لا ...فلشنو بتتعامل معاها كدا ؟ والله حرام عليك...هسه دي امشي اتصرف واعمل اي شي خليها تسامحك..عارف انت لو اديتها وردة بس حتكون اسعد انسان .    ( الكلام دا لي الرجال عموما..ما تزعلو نسوانكم..ولا وقسما عظما نعمل هجره جماعية ونخليكم براكم ما تعرفو ساسكم من راسكم 🐸)
سامي : طيب .
عادل : يلا سلام .
سامي : سلام
سامي طلع لقاها قاعدة قرب منها شافها بتكتب اسمو وبيجي الموج يمسحو....قعد جمبها وهو خاتي يدينو في فخدو...عاينت ليهو ورجعت تشخبط في الرملة بي حروف وارقام ( عملتي رايحة ؟ هسه ماكنتي بتكتبي في اسمو ).
سامي : انا اسف ...عارف نفسي غلطت بس ما عارف كنت بفكر في شنو وقتها .
جمان : كنت بتفكر انك عايز تنتقم مني عشان مصطفى .
سامي : ياريت ما نجيب سيرة مصطفى وننساهو .
جمان : وياريت تبطل الطريقة البتعاملني بيها دي .
سامي : ياريت تقبلي دعوتي على رحلة الغطس الليلة .
جمان: ياريت....دقيقة دقيقة قلت شنو ؟
سامي : يا ريت تقبلي دعوتي على رحلة الغطس الليلة.
جمان : بالجد 😳...طالعة متين ؟
سامي : بعد قرابة الساعتين .
جمان : سامي انت بتتكلم بالجد ؟
سامي : اي .
جمان وهي بتحاول بقدر الامكان تخفي فرحتها المتفرحة الفرحانية جدا : ولو ما قبلت ؟
سامي : حغير الدعوه لي عشاء  ( الناس الحابة تتعشى في محل اسمو عمك قربا للبوش والكوارع ابقو طلو عليهو معاكم بيعمل اكل فزيع فزيع🐸)
جمان : ولو رفضتها برضو .
سامي : في الحالة دي حشوف واحدة تانية تمشي معاي .
جمان : نعععم 😒
سامي وهو بيضحك : بهظر .
لحظة لحظة سامي ضحك ليها 🎉🎊🎉🎊 ظغرطي يا انشراااح💃💃💃💃 واخيرا...جمان ابتسمت مع ضحكتو المشرقة شكلو كان كيوووووت وهو بيضحك 😍💔.
جاتهم طفلة جارية ليهم وكانت شايلة سلاسل صدف .
سامي ناداها...جاتو طوالي : هاك دي ليك يا عمو انت ومرتك .
جمانه : انتي سودانية ؟
الطفلة : اي
سامي : اسمك منو يا حلوه 😍
الطفلة : اسمي ايناس
اتقدمت نحوهم ببراءة ولبستهم السلاسل..قبل ما تطبع قبلة صغيرة وبريئة في خدودهم...وقامت جارية لمن سمعت صوت امها بتناديها...الام لمن شافتهم ابتسمت واشرت ليهم ✋...وهم ردو ليها بنفس الطريقة .
سامي : ندخل ؟ حيكونو جابو لينا الفطور ( اما بئى ما وريتكم بي عبده تلوث دا بيعمل اكل انما ايه ...بس المشكلة ماف هنا...لكن ممكن نطالبهم يعملو لينا فرع في الخرطوم 🐸)
جمان : طيب 😊.
قامت معاهو وهي فرحانه من معاملتو الحلوه بتاعت الليلة...بس كان في خوف عميق انو يرجع يعاملها كعب تاني.
**********************
هدى رجعت المستشفى لي مجد والباقيين في بيت جدهم.
جلنار بي حزن : هسه حنرجع ناس بابا كيف ؟
اياد : حيرجعو عادي جدا وقريب ان شاء الله 😊
رشاد : جلنار وسالي شنو رايكم تستكشفو البيت...احتمال يكون فيهو كنز 😉.
جلنار : ارح يا سالي .
رشاد استناهم لحدي ما مشو وقبل على الباقيين: حنشوف خالتو هدى هي حتكون محامي الدفاع بتاعهم...وانا متأكد انو حيدفعونا كفالة وحتكون كبيرة جدا.
منذر : انا حابيع عربيتي .
رشاد : بقت ما بتاعتك يا فالح .
منذر سكت .
رشاد بي باقي القروش العندنا حنمشي نجيب مواد تموينية للبيت ونجيب كهربا.
ومن بكره انا و اياد حننزل نفتش على شغل.
حسام : انا حاشتغل معاكم .
جوان : وانا كمان .
جهان: انا برضو حاشتغل .
اياد : لا انتو خليكم في دراستكم وجامعتكم انا ورشاد برانا حنتصرف.
حسام : انا اجزت .
منذر : وانا برضو .
رشاد : الموضوع دا حنشوفو بعدين....عايزكم تفهمو انو احنا حنعيش ظروف صعبة هنا لحدي ما ربنا يسهل علينا ...ياريت تكونو صابرين وتستحملو .
جوان ما بين دموعها : ان شاء الله
سلمى : الفرج بيجي من رب السماء
جوان : ونعم بالله .
ماجده : جمان وسامي عرفو؟
رشاد : لا
سكتو شوية قبل ما رشاد يتلفت على بيان : جاسوستنا كيفك ؟
بيان : مستنية خطتكم لي .
رشاد : حنغير اسمك يعني حنزور اوراقك بين بيانات تانية وحنغير شكلك...ولازم نأجر ليك شقة بعيد من البيت دا ..لانو اكيد حيراقبوك ويعرفوك جاية من وين ؟
بيان : قروش الشقة انتو احوج بيها مني .
رشاد : عندي صاحبي بيأجر الشقق المفروشة واكيد حيساعدنا...هسه ماعايزك تفكري في حوجتنا احنا...حنعمل كل حاجة عشان ما يعرفو انك من طرفنا ومن بكره الصباح حتمشي ليهم..وزي ما قلت انا واياد حنكون دايما جمبك..هسه نبدا نغيرك شنو رايك ؟
بيان : طيب .
رشاد : من اللحظة دي اسمك ما بيان اسمك رنا .
بيان : لا ما بحب الاسم دا شوف واحد غيرو ( الناس في شنو وانتي في شنو 😂)
رشاد : طيب اختاري براك  -_-
بيان : لا اختار لي انت .
حسام : ميرال
بيان : حلو
رشاد : طيب من اللحظة دي اسمك ميرال اسمك شنو ؟
كلهم : ميرال
من اللحظة دي بيان اسمها ميرال...يعني لمن اقول ميرال ما تتخلعو...بيان هي ميرال بيان هي منو ؟ بتكلم معاكم ما تعملو رايحين 😒 اسمها منو ؟؟؟ بصوت اعلى شويه ...ايوا ميرال .
*********************
سامي وجمان جهزو نفسهم وطلعو...كان في ناس كثيرن معاهم في رحلة الغوص دي معظمهم اجانب وفيهم شوية عرب...ركبو زورق وبدا المرشد يوريهم في الاشارات البيستخدموها تحت المويه...كانو لابسين بدلات الغوص والعده بتاعتها.
جمان قبل ما تلبس النضارة : هسه لو جانا برش ؟
سامي : قصدك قرش؟
جمان :اي
سامي : حنموت طوالي .
جمان بخوف قلعت النضارة: انا اصلا ماف داعي انزل...انزل انت وانا بستناك هنا .
سامي وهو بيضحك : وصلتي لحدي هنا وما عايزة تنزلي؟؟؟ حتكون تجربة حلوه وحتتذكريها دايما...وشكلك بتحبي السباحة شفتك امبارح بتسبحي .
جمان : في فرق بين حوض سباحة عمقو 3 امتار..ومحيط عمقو بالالف .
سامي : ما تخافي انا معاك 😊.
جمان وهي بتلبس نضارتها : توكلنا على الله.
بدو يقعدو في اطراف الزورق ويتقلبو في الموية على ضهرهم...سامي نزل قبليها وهي بعديهو...حست بالموية بتضغط على بدلتها...بس كان المنظر لا يوصف ...في نص المحيط..في رحابة الاسماك🐟🐠🐡..الموية زرقاء...وحياة هادئة جميلة مختلفة كامل الاختلاف عن حياتنا ...كمية من الاسماك بتجي ماره وبتكون كلها نفس النوع والشكل وفجأة بتغير مسارها...الشعب المرجانية بي الوانها واحجامها المختلفة ...🐬🐡..سامي كان جنبها زي ماقال ليها واستمتعت شديد بالمناظر...كانت تجربة فريدة وجريئة ومستحيل تنساها...بس ما قدرت تكمل  لانو الضغط الشديد وجعها في اضانها وحست انو طبلتها حتنفجر .
سبحت لي فوق ومعاها سامي وطلعو..ركبو في الزورق وشوية كدا الغواصين التانيين جو...ورجعو بعديها.
الزورق كان شاقي طريقو بي سرعة والموية بتتطاير فيهم وعاملة شغل ...كانو بردانييين لكن اشعة الشمس بدت تظهر من بين الغيوم وادت الجو دفئ حلو ❤.
رجعو شاليهم...اي واحد دخل اوضتو واخد ليهو دش دافي...جمانه كانت فرحانة وقعت في السرير وهي بتموج في شعراتها بيدها..شالت تلفونها وضربت لي بيان...بس بيان تلفونها مغلق لانو شحنو انتهى...كانت عايزة تكلمها بالحصل وتوريها انها فرحانة وهي ماعارفة اهلها بي هنا عايشين في شنو.
سامي دق ليها الباب: جمان .
جمان : ايوا .
سامي : عايزة تعملي حاجة ؟
جمان : عايزة انوم شوية .
سامي : اوكي بعد ما تنومي وتصحي عازمك 😀.
جمان : وين ؟
سامي : خليها مفاجئة 😉
جمان : طيب 😀
سامي كان زي الزول الكبير لمن يضرب طفل صغير ويحن عليهو ويندم على العملو ويحاول انو يصلح غلطو بي انو يلعبه ويراضيه...وخصوصا بعد كلام عادل...حس انو مقصر في حقها ولازم يتحسن في معاملتو ليها...بس يا ترى رفاء حتسيبهم كدا فرحانين ؟
**********************
في الخرطوم خبر افلاس شركة البكري انتششر بسرعة البرق...الخبر وصل لي شيرين وانهارت لمن سمعتو...يعني كدا امالها اتحطمت في مجد الكانت شايفاهو بنك متحرك بالنسبة ليها.
قالت بكره : كدا يا مجد ما عندي ليك اي شي...قروشك( يقرش حلقوووومك) الكانت مقعداني عشانك وانتهت...يعني يبقو علي مفلس ومرضان اوووف ياخ...بعد دا امشي اشوف لي واحد تاني يكون معاهو موني.
#ما_دايما_الناس_بتحبك_عشان_نفسك
********************
جمان نامت النومة الياها ما صحت الا بعد المغرب..قامت مخلوعة لمن شافت الواطة ضلام بي سرعة طلعت بره...لقتو قاعد مع تلفونو في الكنبة: بدري والله
جمان : من عمرك .