#فاتنات_من_الزمن_الجميل....بارت5
#حنين_حاتم
دنكت صالحة وهية تغسل وجهة من لولة
وهية تغسل نتبهت جان اكو اثر كلش قوي مال حرك بباطن ايدهة اليمنة
شهكت وكرمش وجهي واني اتخيل لوصاير بية هلشي شلون جان تألمت
واني صافنة عليهة تذكرت من لزمت ايدهة بيوم ردنة نعبر شلون نزت وشاغت وجرتهة مني
وصفنت واني اتذكر صالحة جانت دائما تلبس جفوف نادرا مااشوفهة بدونهن
بس ليوم نستهن اضاهر من العجلة
تقربت يمهة واني اكللهة
صالحة هاي ايدج شبيهة
كامت علة حيلهة وتمسح اديهة بلصدرية
تعورت بيهة
يلله امشن ماضل وكت
عيونهة جانت وارمة ولفص لابيض صاير جبدة حمرة
سألتهة رؤى وهية تكللهة
صالحة بيج شي احد مأذيج
ردت بعصبية اوووووو مابية شي شلحيتن
بكيفج
كالتهة رؤى وهية تدور وجهة علية وتكلي جيبي ايدج
ونفذت صالحة كلام يعقوب واخذتنة بلدرابين
مع انو ذاك الطريق جان احلة كلة محلات وناس
الي ستغربتة انو صالحة نفذت كلام يعقوب لأول مرة دومهة جانت ويا مداهر ومتقبل يملي عليهة قراراتة
ووصلنة للمدرسة
وخلص يومنة الدراسي ورجعنة
جنة مدرسة وحدة كلنة
ثانوية لحد الرابع اعدادي ووراهة يكعدن لبنات بلبيت لأن الاعدادية بعيدة علينة لازم يركبن سيارة
رجعنة للبيت تعبانين المدرسة جانت بعيدة وهواي نمشي
نطلع من الساعة بل7 نوصل قريب ال8
وبلرجعة هم قريب الثنتين يلله نوصل
وية مادخلنة من الباب الخارجية
دخلت ويانة سيارة خالي فاروق
وهوة يمد راسة من الجامة وجر الجفية من راس صالحة
ويضحك ضحكتة المكروهة الي تخوف
جان هوة الي يرجع صدام ويعقوب من المدرسة لان خالي ناهض لحلة مالتة متصادف وية حلتهم
نزل يعقوب قبل متوصل السيارة للكراج وخالي كمل طريقة هوة وصدام للكراج
وكف وهوة معصب وكال لصالحة
منين رحتن ليوم ؟
من الدرابين مثل ماكلتلي
ندار على رؤى وكللهة صدك حجيهة
ردت علي رؤى وكلتلة اي صحيح رحنة ورجعنة بلدرابين متنة تعب لطريق صار ابعد علينة
صار الدرب دربين
رد عليهة
لتعب ولاصخام الوجه
مشة وركضت ورا والفضول يقرة عندي الف
وجنت معروفة بفضولي بكلشي لدرجة انو جنت
جنت حافضة الأنكليزي مال رؤى مال صف اول متوسط
وصلت يمة واني الهث والجنطة تتلولح يمنة ويسرة علة ضهري
جريت ايدة ووكفتة
وندار علية بوجهة الضاحك الي ماكو احلة من ضحكتة
وتقرب كرص خشمي وكلي ها سهاوي شعدج
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
