#حنين_حاتم
#فاتنات_من_الزمن_الجميل.....بارت33
نداريت واني اشوف كبالي شخص ملتحي بلحية كثيفة ولابس نضارات جسمة عضلات وبنية جثلة
نزع لنضارة وفتحت حلكي كل حيلة واني اشوف كبالي صدام
الي قترب يمي ويمشي ببطئ وعينة على خالي وتأثير لصدمة واضح بملامح وجهة
الى ان كعد بلكاع وهوة يكلب بوجه خالي ويرفع بدي وينزلهن جنة ماعرفة
وصرخت بي ولك صدام وين جنت وين عفتنة ويييييين
بدون ميرد علية شال خالي بحركة سريعة وطفر بي لباب لشارع لحكتة اركض وقبل مااطلع كاضمية حطت لعبا على راسي وحطت شي على صدي وهية تعصر ادية علي وتكلي هاذ نعالج لبسي واني بس يجي نوري اخلي يلحكم
ركضت حافية ونعالي بيدي وعباتي ماادري بعدهة على راسي لو طاحت
واني اشوف صدام وكف تكسي صعدت ليورة وخالي بحضني جنت حاضنتة شلون لأم من تحضن طفلهة
وهوة هيئتة باخر فترة صارت مثل هيئة لطفل
احسة مثل ابني مو خالي
سنين عشتهن مسؤلة عنة البس واوكل واغسل واسبح
جنت احسة ابني وصديقي وكل الي بقالي من ريحة امي وهندة
جنت احسة سند وضهر رغم هوة مابي حتة يسند روحة بس وجودة ياما نطاني قوة وامل ومتأكدة لو ما هوة بحياتي ماجان كدرت اتخذ اي قرار
لطريق كلة جنت حاضنتة وارجف ولا بدي نوصل للمستشفى ولا اريد اهدة واسمع كلمة لبقاء بحياتكم مليت واني اسمعهة
من يوم لفانة لبين ماخلة بينة لاجبير ولازغير
نزيت على صدام من فتح لباب ومد ايدة يريد يجرة مني
اخذة مني ولحكتة ومن طبيت من لباب تيهتة بهوسة زلم يتصايحون وميتلهم واحد
ضليت ادفع بلناس واتلفت اريد الكة صدام بينهم ماكو
طلعت من هوستهم وصرت بلحديقة ومن كل جهة اكو باب ومدخل منين اطب مااعرف
كعدت بلكاع وصرت ابجي بلحديقة مدنكة وراسي بين رجلية
حسيت ايد تلمست جتفي
رفعت راسي واني اشوف نوري وبس شفايفة تتحرك
مافهمت كلمة من الي كالة من لهوسة
كمت واني اكلة صدام مدري وين اخذ خالي تيهتهم
جرني من ايدي وجر عباتي على راسي
مشة ويسحل بية ورا جان يمشي كل سرعتة ويطب بمكان يطلع من مكان
الى ان شفت صدام كبالي
الي من شاف نوري لازمني تقرب وهوة يحضنة وصار يبجي وكل جسمة يختض
جانت اول مرة اشوف بيهة صدام يبجي
حتة من ماتت بيبي وبابا لحجي ماشفت دمعة طاحت من عيونة وجنت اكول عنة قاسي وماعندة كلب
بس من شفتة شلون حضن نوري وكام يصيح ااااااخ ياعمي ياحزام ضهري
هديت حيلي يابووووووووية
كسرت ضهري ولك عمييي
تقربت ودموعي يجرن واني اجر بقميص صدام واسأل بي
خالو وين
صدام خالو وينة
الى ان وخر عن نوري وحضني
حسيت جثة ونشمرت علية
جان مابي حيل يوكف على طولة وبس حط جتفة على راسي طحنة اني ويا بلكاع
ومن شفتة حط ادي وصار بضرب على كصتة ويصيح
ولك عمي تكرمت من ورة شمة وراح حيلك
ولك عمي ريتني لا طالع من السجن ولا شام هوة لدنية
بيوم الي اطلع الكاك ميت
أنت تقرأ
فاتنات من الزمن الجميل
Literatura Femininaكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
