#حنين_حاتم
#فاتنات_من_الزمن_الجميل....بارت30
صاح علية كلي بساع لبسو
وجبة اسرى
وركضت لبست خالي دشداشتة وبدلت لحذيفة وطلعنة وكفنة بين حشود الناس ونباوع على الأسرى الي يوكفوهم واحد ورة الثاني
جنت اركز بوجوهم عسى ولعل يكون يعقوب واحد منهم وشكلة متغير
وانتظرنة بلهفة وشوك
الى ان صاح شرطي لامن وهوة يفرق جموع الناس
وكال
خلصو ذولة كلهم
واحتمال هاي تكون اخر وجبة اسرى
لان ايران جانت تماطل ومترضة تسلم لاسرى لعراقيين مع انو العراق لتزم بلاتفاقية ونفذهة بحذافيرهة
رجعت بيومهة ولطريق كلة ابجي
يعني معقولة يعقوب مايرجع بعد
زين بس اريد واحد يكلي عايش لو ميت
اريد خبر يبرد كلبي تعبت من شوكي الة
وتعبت من كل مرة بجيت واني اعاتب بلصور
ليلتهة نمت متعوبة من كثر البجي
وعدن لايام يوم يجر يوم
ام نوري تعبت ويومية طايحة من مرض وناخذهة للمستشفى
وبكل مرة نرجعهة من المسشفى بعد ماتتحسن تتوسلي وهية تبجي وتكلي كافي تمرمرين وليدي وتمرمرين كلبي علي
اني كل امراضي هاي من قهري علي
كبرتي عشرين سنة
يطب ويطلع مهموم ومتعوب كل حسرة يجرهة تاخذ من عافيتي
هذا وليدي اول فرحتي
اريد اشوف وليداتة وافرح بي قبل مااموت
جنت ابجي وماعندي كل جواب الهة غير انو ابوس ايدهة وراسهة واني اتعذر عن كل اذية مسببتهة الهم
عشت ايام وعذاب الضمير ياكل بروحي عليهم
احس روحي صرت نقمة
غيمة سودة عكرت صفو حياتهم
نوري الي حتة لضحكة صارت بلصدفة اشوفهة بوجهة
وتبدلت كل نظرة شوك ولهفة ووله جنت اشوفهة بعيونة من يشوفني قبل
لحزن وعيون دامعة بيهة الف غصة تشرحلي الي بداخلة
ماذكر مر علية يوم ماتوسلتة واني احاول اقنعة انو اخطبلة ويتزوج ويعيش حياتة
وبكل مرة احاجي بهاذ الموضوع تجاوبني عيونة الي يمليهة الدمع ويكوم وهوة يكلي
لاتتعبين روحج اني هم مثل حالج مااكدر ياريت لوبيدي واكدر اباوع لغيرج
ياريت لواكدر اطلع من كابوسج واتحرر واشوف الدنية واعيش مابقالي من عمري وافرح امي
بس موبيدي
ايام عشتهة مثل بلاع الموس
لابيدي شي عليهم ولابيدي شي على روحي
شكد جنت احاول اقنع نفسي بي وشكد اغصب روحي على انو اباوعلة واتمعن بي عسا ولعل كلبي يحبة
ماجنت اشوفة غير اخو مثل ماجان يعقوب يشوفة اخو
ويا ما بدلت وتعدلت وكعدت اقنع بروحي اروحلة للغرفة وانهي هذا الوضع
بس اوصل للباب ومااكدر افتحهة
وياما وكفت يم باب غرفتة واني ابجي
وبيوم تخربطت بي ام نوري كلش وارتفع ضغطهة اخذناهة وطلعت ضاربتهة جلطة
دخلوهة انعاش وشكد بجيت واني ادعي تكوم سالمة
للعصر رجعني نوري وراحن يمهة بناتهة
ماطولت يومين ولثالث جابولنة خبرهة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
