#حنين_حاتم
#فاتنات_من_الزمن_الجميل...بارت15
رجعنة للبيت ماندري شنسوي
تانينة يعقوب لليل اجة وراح للقسم يستفسر
ورجع وجهة ميتفسر
بس طمن شمة ورؤى
وطب لغرفتة ولحكتة واني احاول افهم لصاير لان ماصدكت بلي حجا
حط ادي علة راسة وهوة يكلي
سهى ضاع صدام ضاع
وشهكت وضربت صدري
جر ايدي وهوة يكلي صوتج يولي لايسمعنج
راح احاول اسوي كل الي اكدر علي وانشاء الله ميحصل اعدام
حيييل متشددين وكل الي يصعدون محكمة بتهمة قتل جاي ياخذون اعدام
من ورة لحرب صارت هيتة والناس ستسهلت الكتل
لهاذ لسبب تشددو حييل بلأحكام بهاي الفترة
ااااااخ شدهاك ياصدام ماتكلي
هاذ حرام واحد يكتلة ويخلي يرتاح
الموت راحة بلنسبة لفاروق
لو بس مخابرين الشرطة قبل ما يتصرف صدام
جان سحلو جوة بتهمة اغتصاب وجان طلعو حليب امة من خشمة
ثاني يوم خالي عبد الخالق اخذ مرتة وبناتة وشال من لبيت بدون مايودع احد وبدون مايحط عينة بعين احد
جنت متخيلتة راح يذبح صالحة او حتة يضربهة
بس ماسوالهة شي يمكن يشوفهة مالهة ذنب ويشوف فاروق هوة المذنب
ويمكن عجز أو يمكن يحبهة وميكدر يأذيهة
بس اذكر من سمع بلخبر شفت بعيونة كسرة تسوة كل عمرة
وطلع من لبيت بدون حتة مايكول وين رايح
وعدن ايام صدام مانعرف عنة كلشي
وفاروق لنذل دفنو بدون ميسوولة فاتحة وحتة الكرايب من سمعو لااحد عزة ولااحد حضر دفنتة
خالي ناهض كلما يروح يسأل علة صدام محد ينطي نشد ويرجع شابع رزايل وبهذلة وصياح من الضباط
ووين مايروح يطردو
الى ان اجانة يعقوب بنزلتة لثانية وهوة يكللنة صدام صعدو ااوراقة للمحكمة ونحكم
15 سنة
وهاذ الحكم كلللش مخفف
وعن طريق معارف يعقوب الي ركض هواي بسالفة صدام
ووكعت بيومهة شمة واخذوهة هند ويعقوب وساهر للمستشفى
اما رؤى صخنت بيومهة ومانامت للصبح
جانت حاضنة رجليهة وتبجي
كعدت يمهة حضنتهة واهدء بيهة واكللهة
عليمن تبجين ياعيني بلعكس فرحي اول شي خلصنة من فاروق وثاني شي الحكم الي حصلة صدام كللش زين وهاي نعمة من الله
15 سنة تطب منا وتطلع منا ياعيني
جانت منهارة وهية تحجيلي عن اليلة الي سهرو بيهة قبل مايلتحق وتبجي علي وعلي عاشة بطفولتة
وتكلي
ماانسة كل كلمة حجاهة وهوة يبجي
ولا انسة ذيج اليلة
وعدة فترة علي صار
لبيت كلة كئيب على صدام وشمة تمرضت حيييل ورا يومية واكعة
وورة مدة رجعت نفس المرية الي خطبت رؤى
ورجعت وهية تريد الرد من امي حتة يجيبون مشية الزلم
أنت تقرأ
فاتنات من الزمن الجميل
Genç Kız Edebiyatıكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
