#حنين_حاتم
#فاتنات_من_الزمن_الجميل.......بارت27
وعدن لايام يوم امر من يوم
الى ان بيوم جنة كاعدين عصرية اني وخالي ناهض بلحديقة وندكت لباب
راحت سلمى فتحتهة ورجعت عاوجة حلكهة وتكلي
هاذة نووري يريدج عيني
خزرتهة وكمت فتحت لباب علة حيلهة بحيث يصير خالي كبالهة ومديت راسي من وراهة
سلم علية وعينة على خالي وترخص حتة يدخل جوة يسلم علي
وتقرب يمة حضنة حييل وباس راسة وايدة
وصار يبجي ويكلة اني اسف كلة مني اني لو ادري هيج راح يصير وياهة ويكون اجلهة باهي الروحة ماجان اخذتهة ولاجان اجيتلكم
خالي جان يبتسملة حتة يبينلة ان هوة مالة ذنب
وكمل نوري وهوة يكلة
ليوم هم جايبين وجبة اسرى جديدة واني اجيت حتة اخذك بلكي يعقوب يكون وياهم
الولد الي حجة وية ام يعقوب الله يرحمهة ماجان صاحي هوة واغلب لاسرى جانو يعانون من مشاكل نفسية وشكلة جان يدل على هاذ الشي
ويمكن يكون يقصد غير شخص خلينة متفائلين
جان يحجي وية خالي ويقنع بي حتة يروح ويا
وسرعان ماقتنع خالي الي جان متمني لطلعة من لبيت من يوم ماتت هند ماشاف الشارع
وساهر وكاضم مالهم شغل بي كلش ولاجنهم من دمة ولاجن الدم يحن
لبستة نعالة ومشطت شعرة
بحركات مرتبكة بسبب نوري الي جان مراقب ادية وكل حركتي
نداريت علي وكتلة يلله ماعندة شي خالي
باوع لخالي ورجع باوعلي وتقرب وهوة يتلفت بيني وبين خالي وكلي
عجل وانتي ماتجين ويانة
نداريت على خالي الي صار يأشرلي براسة بتأيدة لطلب نوري
وبساع لبست عبايتي وصحت لحذيفة وطلعنة
نوري جان يشيل خالي بحذر وشكد نقهرت من شفت لغريب يحن علينة ودمنة ميحنون
صعدة كدام ولطريق كلة يسولف ويا وخالي بس يهز راسة
وصلنة وكلعادة حمستنة الشمس ورجعنة بخيبت امل اكبر من الي قبلهة
نزلنة الولد وسلم بنضرات تبادلت الحزن والخيبة وية نضراتنة
راح واحنة طبينة
وعدن ايام احنة عايشين بذلة وية شمة وولدهة
فتحتلهم محلات مال ذهب وصارو صياغ لافندية
ومن سلمت فلوس بابا الحجي بديهم وبدم بارد حالهم نكلب بيوم وليلة
مثل الماشايف وشاف
صارو يرجعون بنصاص اليالي يتطوطحون ويومية العركة كابة همة ونسوانهم
من غير عرايكهم وية الناس
شاخو علمنطقة وصارو يتجاوزون علجبير والزغير ومشاكلهم تعر
ومرتين دخلو السجن من ورة مشاكلهم وتروح شمة تطلعهم بكفالة
واحنة حالنة من سيء الى اسوء
منعت سلمى من الحفافة ومتخلي اي مرية تجينة وهددتهة اذا متبطل تهجولنة بلشارع
خالي عبد الخالق سافر للشمال راح ستقر بمنطقة مرتة لاصلية
ولاكلف روحة يجي يسألنة او يشوفنة
اكتفة باتصال كلي بي خبري خالج ناهض اني راح اشيل
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
