#حنين_حاتم
#فاتنات_من_الزمن_الجميل...بارت12
طبيت للبيت ونقبض كلبي من طبيتة
جان زغير مساحتة 100 متر
أو بلاحرى احنة الي شفنا زغير بعد ماتعودنة علة بيت بابا الحجي الي جان ضخم حيل ونفه
طبينة عصرية لكهرباء طافية ولبيت اضلم يكرب الروح اشرلنة الرجال علة غرفة ورة لصالة
وهوة يكللنة هاي غرفة امكم
واكو فوك غرفة بلطابق لثاني مخصصة الجن صح زغيرة بس كبالهة صالة يعني خلو كعدتكم بلصالة حتة لاتنضنكون بلغرفة
واخذو راحتكم لطابق لفوك الكم واني مااصعد فوك ابد
اخذنة جنطنة وبقج الملابس وصعدنة فوك
صارت بوجهنة صالة زغيرة مفروشة بساط منسوج من خيوط
وكبالهة غرفة طبيناهة جانت بيهة حصيرة جوزية قديمة وبس
كعدنة بيهة وسلمى كابلت لشباك الي جانت تطب منة شمس كلش حلوة
وطلعت خيطهة وهية تحف بشورابهة الي اصلا ماهنة بس هية صارت بيهة سولة اديهة يكومن يكرصنهة اذا مالزمت لخيط
رتجيت علحايط ورفعت راسي للسكف مختنكة حيييل وطلعتنة من بيت بابا الحجي
خلتني احس بعد ماكو استقرار وخايفة من الجاي حييل
خصوصا انو امي تزوجت بدون مهر
مقدمهة قران ومؤخرهة حجة بيت الله
ضحكت رؤى ضحكة ساخرة من حالنة وهية تهز بأيدهة وتكلي
فاروق النذل يكلللهة رايد مصلحتج
اوووووف رايد مصلحتهة لو رايد لبيت يخلالك وية صالحة
دقايق وصعدة يمنة امي ضلت تسولف ويانة وتحاول تخلينة منضوج وناخذ علوضع
كمنة طلعنة ملابسنة وغراضنة
وعدن يومين النة بلبيت
على كعدتنة بلغرفة ماننزل بس على كد لحاجة ومن يكون قيصر مموجود
كاعدين عصرية وامي يمنة وصاح قيصر علة امي وهوة يكللهة
تعالي يامرة هاذة ابن اخوج اجة
ونزلنة تلاثتنة نريد نشوف منو
وتفاجئنة بيعقوب جان مصرفن قميصة وبحلكة جكارة
شهكت واني اشوف لجكارة بيدة
وتقربت يمة جريتهة من ايدة بعدني توهن اصابعي لامسن اصابعة لزم ايدي كل قوتة وصفن بوجهي
وجرني من ايدي للحديقة كدام امي
وكفت خجلانة وعيني علة باب المطبخ وخايفة من امي
جان لازم ايدي ورفعهة وهوة يحطهة علة صدرة ويكلي
يولي هنا ضاك النفس من طلعتي لسة
دنكت ودموعي ينهمرن واني اكلة
ليش شطالع بيدي اذا هية امي صاحبة الشأن ماكدرت توكف بوجه فاروق
وانتة طولت هلمرة بنزلتك وضلينة محد النة
علة عيني والله يبعد عيني
علة عيني تأخرت ولو ادري هيج يصير بغيابي ماجان لتحقت اصلا
بجيت واني اسمعة يكلي
حبيبة رايد دعواتج يولي لوضع كلش موزين
دعيلي يا ام كلب صافي
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
