حنين_حاتم
#فاتنات_من_الزمن_الجميل....بارت10
سمعت صوت ونداريت واني اشوف بيبي طالعة تتوجة علعوجية
ركضت عليهة واني الزمهة كل قوتي واكللهة شطلعج بيبي وشلون مشيتي لوحدج
وكعدتهة علكرسي بلمطبخ
وسألتني على صدام وهية تكلي راح موو
اي بيبي راح
بتسمت وعيونهة علية
وليش عيونج وارمة تبجين علي
دنكت ابجي
وجرتني وهية تكلي يولي لاتبجين صدام إزلمة
والي كاتبة ربج يصير
إضحكي يولي بداعة المصلحة
رفعت راسي متفاجئة واني اسألهة
بيبي شمدريج بلمصلحة
بتسمت وبرزن سنونهة الذهب الثنين
جانن واحد فوك وواحد جوة وهية تكلي
يولي شمكعدكم يم غرفتي اليل كلة مانمت
اريد أهمد ماخليتوني
جانت تحجي وياي وتضك
ومن زمان ماشفتهة فرحانة وتضحك من كل خاطرهة علينة وعلى سوالفنة
طببتهة جوة لغرفتهة وكعدت يمهة وهية تسولفلي علة صدام وسوالفة من جان زغير
جانت تحبة حييل وكل ماتذكر اسمة تمسح دمعة بطرف شيلتهة
الى ان دكت لباب علينة سهى وطبت تتثاوب هية ودشداشتهة الديولين الصفرة
طبت كعدت يمي وحاطة راسهة علة جتفي وتسألني علة صدام وتكلي لبارحة تأخرتي نمت وانتي ماكو
شوية وبدو يكعدون طلعنة اني وسهى للمطبخ لان جانت علينة وجبة الريوك ومواعين الريوك وتعلولة العصرية وية الجاي
بدينة نحضر بي وشوية وطلعت شمة بدون حتة ماتسأل علة صدام
كعدت علميز تتثاوب متانية الريوك
وحطت سهى لاكل كبالهة وكلشي تحطة علميز تضربة بقوة وتطلع صوت وعيونهة ناطات عليها
سهى جانت وكحة بس موبصلافة مثل سلمى
ابد متتجاوز وتحترم الجبير
وعاقلة بس متسكت عن لغلط ابد
ورغم اني اكبر منهة بس من صارت سالفة فاروق وصالحة خفت افتح حلكي واحجي بعد لسوا بينة فاروق
بس هية ماسكتت وهواي نكتلت وتحملت لكتل بس ماسكتت عن حقها الى ان ملت وتعبت
وبهاي الفترة بدة معانيهة تكبر وجسمهة يبيبن
جانت طويلة اطول مني
صاحبة عيون كبار جاحضات يلونهن لون محير لاهوة رصاصي ولا هوة اصفر ولا هوة اخضر
جان يتلون وية لون ملابسهة
وبشرتهة برونزية لامعة لونهة كلش حلو وملفت
حلكهة زغير وخشمهة طويل ورفيع حيل
شعرهة بي لون بني فاتح وجسمهة كلش حلو رشيقة وطويلة
فعلا جان جمالهة فتان
اما سلمى جانت معانيهة متشبهنة ابد ولاتشبه امي
وجهة رفيع وخشمهة طويل ومستدق
عيونهة سود مجرورات وبيهن نضرة حادة
وشعرهة اسود حييل وسرح بي لمعة حلوة
ضعيفة وطويلة اطول من سهى
اما اني جنت اكصرهن
شكلي يكولون بريئ حييل
عيوني موذاك لكبر لونهن عسلي طوخ
وشعري بني طوخ بشرتي حنطية وكلشي بوجهي ناعم وزغير
دائما يكلولي سلمى تبين اكبر منج
لان معاني وجههة تبين اجرء واكبر
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
