#حنين_حاتم
#فاتنات_من_الزمن_الجميل..بارت١٧
كعدت يمي وتلم عيونهة حتة تركز بوجهي
قربت وجهة علية وهية تكلي
انتي منهي
ضحكت واني اتذكرهة شكد جانت تحبني بزغري
خالة اني سهى بت سميرة
وتقربت وهية تبوسني وتسألني عن امي
وكملت حجيهة وهية تتذكر بيبي وتجر حسرات عليهة وعلة صحبتهن
طلعت المحبس واخذتلي صفنة علي
خايفة لارؤى تصيرلهة مشكلة من ورة بيعة هلمحبس
نطيتة الهة وعيني علة اديهة وهية تتلمسة وتقربة يم عيونهة وتغمض وحدة منهن حتة تشوفة عدل
بجم ماخذاتة
واللهة خالة ماادري هوة مو مالتي بس انتي قيمي واحنة عدنة ثقة بيج
ضلت تكلب بي وتنزع لنضارة وتلبسهة
مدة ايدهة بجيبهة وطلعت دنانير وصارت تحسب بيهن حطتهن بدية وحطت المحبس
وهية تبتسم وتكلي ذني شي بسيط من افضال الحجي وسلميلي علة امج
غرغرن عيوني فرح واخذتهن واني ابوسهة واتشكر منهة وطلعت
واني امشي شفت ولد شكلة جان مؤلوف الي ركزت
بي هاذة واحد من الولد الي جابهم يعقوب شدو الكنتور وشالو الجرابي
بيوم اجينة لبيت لقيصر
صار قريب يمي وترددت اسألة عن يعقوب
وتقرب مني حيل وجزاني واني اشجع بروحي حتة احجي واسألة
وكفت ونداريت واني اشوف ضهرة
صحت بصوت كوة طلع
يولد
ماسمعني وكمل مشية
وهلمرة صحت بعلو صوتي
يوووووولد
ندار واشرلي علة روحة يريد يتأكد جاي اقصدة هوة لو احد غيرة
اشرتلة براسي بمعنى اي
وتقرب يمي وكلما يقترب يزيد خوفي ومستحاي
وكف يمي وسلم
وكمل وهوة يكلي تفضلي اختي امر خدمة
سألتة واني اصلا مامتأكدة اذا جان هوة نفسة الي شفتة لو مجرد شبه
انتة مو صديق يعقوب
مارد علية وصفن بوجهي
رجعت عدت السؤال
ومن حجيت مثل الي فززتة من صفنتة
جاوبني بسؤال ثاني وهوة يركز بوجهي
انتي سهى ؟؟
اي سهى
انتة منين تعرفني
سامع عنج هوواي من يعقوب
كالهة ورجع نفة الكلمة بأرتباك وكأن طلعة منة بدون ادراك للي كالة
موو مو اجينة لبيتكم مرة وشفتج وتذكرتج هسة
ها الحمد لله من عرفتني
فدوة انتة موتداوم وية يعقوب
هوة جان صديقي المقرب بلكلية وكاعدين نفس الرحلة بس احنة تعيننة كل واحد بمكان
وجبهتي غير عن جبهتة
ليش تسالين عنة صاير شي
والله خوية يعقوب راح يصيرلة شهرين مانازل وماندري عنة كلشي
ونتصل ماكو جواب
انشاء الله خير
كالهة وكلي تعاي خوية تفضلي هاذ بيتنة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
