فاتنات من الزمن الجميل

بارت24

#حنين_حاتم
#فاتنات_من_الزمن_الجميل.......بارت24

اعتذر عن لتاخير لنت كلش ضعيف يمي

ورد هوة يكللهة
رؤى متجي اذا تريدون تشوفوهة انتو تعالو

خالة هند ستغربت من كلامة وردت علي بنفس الطريقة الي حجة بيهة وهية تكلة

ليش محمد شنو شتريتهة لرؤى وهيج تمنعهة من الجية النة

جان يحجي ببرود ويكللهة
المرية بيتهة كبرهة متطلع منة واهلهة اذا يردوهة بيتهة موجود ويجون يشوفوهة ويبقون شكد ميحبون

خالة هند تخبلت وكلتلة بساع نطيني رؤى اريد احجي وياهة

رؤى بلحمام تسبح

سدتة خالة هند فايرة وبساع جرت عبايتهة وكلتاي لبسي عباتج وكومي
اريد اشوف علة يا استس يمنعهة من الجية يمنة

رؤى:- بيوم عرسنة اول ماطبينة للغرفة وقبل كلشي محمد كعد كبالي وكلي
شوفي يابنت الناس كلمتين تحطيهن بأذانج وحجايتي وحدة ماريد اثنيهة

تسمعين لكلام وتكونين مطيعة وتعيشين بهاذ البيت عمية خرسة طرشة
احطج فوك راسي وتعيشين اميرة هنا
حتياجاتج اوامر تجاب بنفس الحضة

تسوين العكس وتكسرين كلامي راح يكون عقابج فريد من نوعة تزعليني منج وانتي موكد زعلي
صيري ادمية تملكيني وتملكين هاذ لبيت

هزيت راسي بيومهة بدون مااكون واعية للكلام الي حجا
خجل بداخلي وخوف خلاني انفصل عن الدنية
وعدن شكم يوم اني شيكول محمد اكلة حاضر
ماجان يصيح ولا يتعامل مثل ماجنت اشوف خوالي يعاملون نسوانهم
بس جان غامض حييل وياي
مرن ايام اني ويا مثل الغربة حياتي ويا اوامر انفذهن وبس
علة ابسط شي جان يحاسبني ويكلي تعلمي النضام
اذا خليت شي موبمكانة يجي يشيلة وينبهني هاذ موبمكانة النضام حلو تعلمي انتي موزغيرة

حتة ملابسي من اعزلهن يدقق بيهن ويكلي ترتيبهن موحلو حطي كل نجموعة ملابس نفس الون بنفس المكان وصفطيهن

ملابسة ميقبل اكيسهن مجرد اغسلهن واحطهن بلغرفة
هوة يجي يكويهن ويسفطهن
حتة لجواريب جان يضربهن اوتي ويصفطهن
ايام عشتهة ويا برعب احسة مراقب كل تحركاتي
اريد اتصرف علة طبيعتي مااكدر
اريد اخبط بلأكل واسوي الي يعجبني ميخليني
جان كدام امة ميحجي مجرد يخزرني واني افهم انو الي جاي اسوي غلط بلنسبة الة

تعلمي النضام
تعلمي الترتيب
تعلمي النضافة
ماسمعت منة كلمة حلوة بكد ماسمعت ذني الكلمات
احسهن صارن قيد علة عنقي خانكني
وخليني اتصرف بخوف وحرص

ماتذكر اخذ راحتي بتصرف
ولا اتذكر سويت شي من ذاتي كلشي جان يتوجه الية وكأن طفل ويحاول يربي علة مرامة
جان يريد يغير كياني كلة
حسيتة يريد يعدم شخصيتي