#حنين_حاتم
#فاتنات_من_الزمن_الجميل.........بارت23
خالة هند جانت خايفة علية
وتعرف لناس ونضراتهة النة بعد الحجي الي طلع
لبست عبايتهة واجت وياي
بعدنة نتمشة من صوب البيوت
شفنة صديق يعقوب جان يغسل بسيارتة ومصرفن سروالة ولصوندة بيدة
شافنة واجة علينة سلم علة خالة هند ومد ايدة صافحهة
وردة علي بسلام حار ومنهة عرفت اسمة نوري
وهم فضلهة لبيتهم وكلتلة لا مستعجلين
واصر يوصلنة بسيارتة
خالة هند ماقبلت وكلتلة وصلنة هاذ وينة لصالون
وبساع سد لصوندة ونزل سروالة وفتحلنة لباب وكال تفضلو
صعدنة وجان طول لطريق يسأل خالة هند عن حالنة وهواي سألهة عن خالي ناهض
عيني جانت علدرب
صعدت لسيارة بلنسبة الي وحدة من تمنياتي
لان ماذكر صعدناهة بس وية قيصر وجنت اكره سيارتة حييل واكره طريق لروحة لبيت ام سرمد
وصلنة ونزلت اني وخالة هند بقت ويا
طبيت للحلاقة واباوع رؤى مسوية شعرهة تسريحة عالية تخبببل
وماتانيتني اجي حتة تتغدة وتحطلهة مكياج
طلعت الغدة والحلاقة جابت مواعين وصينية من عدهة صبيتة الهة وكعدت تاكل
كوة اكلتلهة لكمتين
كملت وبدت لحلاقة تحطلهة مكياج
جان لفضولي يعتريني ضليت واكفة علة راسهة حتة اشوف المكياج شلون يحطو
وكملت واني اشوف كدامي وحدة ثانية غير رؤى
طلت تخبل
حواجبهة مخطوطات ورموشهة ممسكرات وفوك عيونهة ضل وردي بي لمع وخدودهة ورديات
وحمرتهة رمانية تخبل
وصبغ اضافر احمر
وكفت وهية تباوع لوجهة بلمراية وتقربت واني فرحانة بشكلهة ومتفاجئة
اذكر صفنت علمراية وهواي جرت حسرة الى ان دمعن عيونهة
وبساع جريتهة واني اكللهة تعاي يلله خلي البسج البدلة
وطلعت البدلة من الجيس جانت كلش حلوة
ردانهة كيبور ابيض وبي نمنم على شكل ورد
وجتافاتهة عاليات وبيهن نفخة
لبستهة وكعدت عليهة قالب
لبستهة السكاربيل لابيض جان كلش حلو يلمع وبي سير يفتر علرجل وبوز طويل من كدام
بهلأثناء طبت ام محمد بيدهة جيس جكليت وملبس طشتة على رؤى وركضن بنات الحلاقة يلمن ويحطن بجيوبهن
واجت ام الصالون طلعت البركع وشكلتة الهة بماشات وهية تسأل بينة علبدلة منين مأجريهة
جاوبتهة ام محمد وهية تحجي بتعالي وفخر
عيني هاي مو اجار مشترة جابهة محمد من ولاية بغداد من سوك جميلة بذاك الحساب
وردت عليهة الحلاقة وهية تتملق بكلامهة من عرفت بأم محمد وضعهة لمادي ممتاز وهية تكللهة
اي عيني تخبل هاي البدلة
هم عندج بعد ولد تردين تزوجي
وردت عليهة ام محمد الي تحجي بطرف خشمهة
لا عيوني هوة هاذ وحيدي وزوجتة
ودك هورن محمد وبساع طلعنة رؤى ردت اذب عباتهة عليهة جرتهة مني ام محمد وهية تكلي
أنت تقرأ
فاتنات من الزمن الجميل
Genç Kız Edebiyatıكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
