#حنين_حاتم
#فاتنات_من_الزمن_الجميل.....بارت40 النهاية
شجعتني وكلتلي لاتكسرين بخاطرة هوة يريد يفرح بيج وبروحة
هلمسكين ماشاف شي من حياتة .
وانتي هم
واجة يوم عرسنة
صدام قبل لعرس بأسبوع يلح علية ويكلي لازم نحجيلة كلشي اخاف يأذيج لو عرف بيوم لعرس
بس اني ماقبلت
ماردت اخرب فرحتة كلما اكول خل اكلة وافهمة واحجي على كلشي حتة موتت امي وساهر وكاضم بس من اشوفة شلون فرحان وكلما يجيب حاجة من شغلات اعرس يطب يهلهل هوة وحذيفة وصدام الزغير
ويجرون رؤى وحلومة ورؤى تهوسلهم ويركصون
شفت بعيونة فرحة كلبي مانطاني انغصهة علي وقررت بليلة لعرس احجيلة عن زواجنة لسابق وحضرت لعقد وصورتين النة بلمحكمة ووويانة صدام
رؤى جانت خايفة علية وحتة صدام وهواي حاولو يقنعوني انو نحجيلة قبل لعرس
بس اني جنت مطمأنة وردت نكعد بس ثنينة واحجيلة وايا كانت ردت فعلة اتقبلهة
اهم شي نكون اني ويا لوحدنة بدون طرف ثالث
طلعنة من لصالون اني ورؤى ساعة بل4 لعصر شكلي جان متغير حيل بلمكياج ولون عيوني برز
ام لصالون جانت محترفة بحيث طلعتني كأنو شابة وضمت كل عيوب وجهي من تجاعيد وعلامات لكبر وميشتلي قبل بيومين وحفتلي وشكلي نكلب جذريا
طلعتني رؤى كايدتني لان لعباية على وجهي
صدام واكف بلباب بلسيارة ولابس قاط
صعدنة اني ورؤى وودانة للبيت
طبيت بهلاهل وتلكني لبنات مبدلات ويركصن وحلومة تطش جكليت
والله حسيت نفسي لأول مرة اتزوج مع انو لابسة بدلة لعرس من قبل
بس شعوري بيهة لأول مرة
كعدوني وصارن يركصن
سهيلة حاطة دمبك وتدك وحلومة هية وسميرة ذابات لحم
شوية واشوف لجوارين صارت تطب
اكو وجوه اعرفهة واكو بحياتي ماشايفتهم
بدقايق لأستقبال نترس
صحت على رؤى واجتني
سألتهة شنو هاي الناس منين ذولة
والله اني هم مثلج تفاجئت بيهم
بس سليمة هسة كلتلي يعقوب مامخلي واحد بلمنطقة ماعازمة
لزلم برة تارسين لشارع لكراسي صفطوهن هسة من ركن بساتينة لصوب البيوت
حطيت ايدي على كلبي من كالت
ولدمع غرغر بعيوني
خوفي لا واحد من الحضور يجفص بكلمة
وعيني علباب كلسا يتراوالي يعقوب راح يطب معصب ويسألني عن الماضي
طول لحفلة متوترة وخايفة وافرك بدية
لاحسيت براحة ولاحسيت بطعم لفرح
لحد ماسمعت الرمي برة عتلك
ورؤى اجتي تريد تعدلي لبركع
كلتلي راح يطب يعقوب بتسمي شبيج جنج مجبورة
دقايق وطب كعد يمي ولزم ايدي باسهة
والنسوان يصفكن ويهوسلة
حبهة ولك حبهة لتخاف من امهة
شوية وطبو صدام ويعقوب ولسلاح بيدهم هوسولة وركصو همة والبنات وطلعو وكومني يعقوب وطلعنة وكلها طلعت
ولبنات طلعن ورانة بعد ماقفلن لبيت
أنت تقرأ
فاتنات من الزمن الجميل
Chick-Litكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
