#حنين_حاتم
#فاتنات_من_الزمن_الجميل..١٦
بعد الحاح امي واصرارهة
نزلت واحنة وياهة
رؤى ماحجت كلمة بس جرة لعباية ونزلت
وسلمى فرحانة وهية تطلع بكرتهة الكطن والمكص مال بيبي الزغير
ورحنالهم وهم فتحلنة لباب نفس الولد
الي هلمرة ماكتفة بلنضرات الجريئة
سلم علينة وحدة وحدة وهوة يكللنة
هلة خاتونة سهى
هلة خاتونة رؤى
هلة بخاتونة البنات سلمى
باوعتلة بنضرة كره واشمئزاز من حركاتة ونضراتة
واني مستغربة جرئتة وشلون حافض اسمائنة
طببنة جوة ونفس المرة السمينة تلكتنة
ودخلتنة لنفس الغرفة
بس هلمرة اعداد لبنات جانت اكثر
طبينة والغرفة بووووخة مابيهة نفس
جانن متحاشرات وحدة بلثانية واغلبهن زغار اعمارهن دون ال18
وشمرت سلمى عبايتهة وشدة الجفية علة شعرهة وربطة لخيط علة ركبتهة
وحطتة بين اصابيعهة وبدة بأول وحدة
واحنة كاعدين يم الجولة الي جابتهة النة ام نورس
ومتانين الشيرة تثخن حتة نشتغل بيهة
بهلأثناء نفتحت لباب ومد راسة نفس الولد الي فتحلنة لباب
وصحت بي واني اجر عباتي واكلة
هييييييو اذا عدتهة مرة ثانية وجفتت مثل عرب جول بعد مالنة طبة هنا
رد علية
وهوة يتعذر ويكلي
لعفو منج خاتونة ماتتكرر اكيد
جان يحجي وياي ويوجه نضرة لسلمى
الي ماكلفت روحهة تجر لجفية وتغطي شعرهة
وكفختهة رؤى حييل وهية تكللهة
ستري روحج لتصيرين كلش
وتماسكة لشيرة ولزمناهة اني ورؤى وبدينة بيهن وحدة ورة لثانية
جانن هواي صارت لساعة ب11 واحنة مامخلصيهن كمت واني اجر رؤى وسلمى وطلعنة من الغرفة
تلكتنة ام سرمد من لصالة
وين وين
ورديت عليهة بنرفزة واني كارهة لبيت ولضرف الي جبرنة علجية لهنا
خالة مانبقة اكثر من 11 هاذة حدنة
واذا ميعجبج شوفي غيرنة
وردت علية وهية تغير تعابير وجهة وتكلي
لا وين نلكة احسن منكم
وركضت علة غرفة واجت بيدهة فلوس
حطت بدينة كل وحدة ضبة بدون حتة ماتحسبهن
وهية توصلنة لباب لمطبخ وتكللنة باجر ننتضركم بنفس الوقت
طلعنة للحديقة وجان واكف نفس الولد لاسمر وويا واحد ضخم مربوع هيئتة مخيفة
من شافنة صار يعدل بشعرة وشواربة الي غاطات بحلكة
وتقرب يمنة الولد وهوة يكللنة
ها خاتونات خلصتو
اني سرمد وانشاء الله يصير بيناتنة زاد وملح
واشر للثاني الي ماصدك واجة بساع
تقرب يمنة وسلم وبساع جرتنة رؤى ومشينة بلية مانرد علي
ولحكنة سرمد وهوة يكل لرؤى
علة كيفج خاتونة راح توكعيهن
وبساع طلعنة من البيت ولاكانة قيصر الي جان يغفي بلسيارة
وقبل مانصعد طلع الي اسمة سرمد وويا نفس الولد لضخم
وندار من لصفحة لثانية وكف بباب لسيارة وصار يحجي وية قيصر
وراهة نزل قيصر وضل واكف يمهم بعد مسافة عن السيارة ويسولفون
طكة حوصلتي ولوكت تأخر
سلمى مستمتعة بأختلاس النضر لسرمد بلبوكة وعبالهة مامنتبهلتهة
ورؤى غفت علة جتفي
واني افور
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
