#حنين_حاتم
#فاتنات_من_الزمن_الجميل.........بارت22
وكفت على حيلي واني اسمع المذيع الي بلراديو
يكول
ايها الأخوة المواطنون
هاذا بيان البيانات صادرا من القيادة العامة للقوات العراقية المسلحة
بسم الله الرحمان الرحيم
ايها الشعب العراقي
ياابناء امتنا العربية المجيدة
ايها الرجال النشاما في قواتنا المسلحة الباسلة
انه يومكم اليوم
انه يوم الأيام وهوة في ذات الوقت بيان كل البيانات
في هذا اليوم صدر بيان وقف اطلاق النار وقد حدد يوم وقف اطلاق النار في العشرين من اب عام الف وتسعمئة وثمانية وتمانون
وقد جاءت موافقة ايران على هاذا بعد قتال استمر ثمانية سنوات
قاوم فيها الشعب العراقي وقواته المسلحة الباسلة قوى البغي والعدوان
بكل ماتجمع لديها من امكانات فنية
تم وقف اطلاق النار بين العراق وايران بعد تدخل قوات التحالف الأمريكي
جمدنة كلنة واحنة نسمع المذيع كمل كلامة
وراهة صرنة نصرخ ونكمز بلصالون
النسوان ناس ماتعرف ناس صارن يتحاضنن ويبجن من الفرح
شاهد الله غمرتني فرحة خلت الدموع يجرن من غير ماانتبه
وقف بحر الدم
بعد ماكو شباب تروح بدون ذنب
بعد ماكو شباب تنسحب من احضان عوائلهة تحت مسمى التجنيد لالزامي من اجل حرب ماكان الهة اي داعي ولا اي مبرر
دقايق وصرنة نسمع صياح الشباب بلشارع
الناس صارت ترمي
اقل لنص ساعة لشارع صار يغص ويبلع بلبشر
طلعت الناس شباب وشياب ونسوان تركص بشيلاتهة وتهوس
كانت فرحة ماشهد العراق الهة مثيل
الناس فرحة بخلاص الحرب
اكثر من فرحتهة بنصر ماكان الة وجود اصلا
لكن الحكومة وهمت لشعب بأن همة نتصرو على ايران مع انو ماكان اكو اي بوادر نصر
ولا كان اكو وجود اي نتائج من هذه الحرب
الي نتهت بعد تدخل القوات الأمريكية المسلحة واجبار الطرفين على القبول بلقرار
طلعنة كلنة برة نباوع علناس الي مطلع سلاح ويرمي والي شايل دنابك ودفوف ويركص ويهوس
الناس تبجي وتضحك من الفرح
8 سنوات عشناهة بخوف ومأساة ماالهة مثيل
مع انو الحرب ماكانت يمنة
طبيت على صيحة رؤى وهية تكلي
سهى بساع تعالي
ووكفت يم المسجل واني اسمع غير مذيع من غير اذاعة يكول
راح يتم تبادل الأسرى بين البدين على شكل وجبات واحدة تلو الأخرى
والريس يوعد كل ام نفجعت وكل ماجدة عراقية ستهضمت بأن راح يرجعلهم ازواجهم وابنائهم بسواعد الغيارى والنشاما
وراح يرجع العراق كما كان وافضل
كعدت علة حيلي بلكاع وسجدت لرب العالمين
فرحة غمرتني عجزة حواسي عنهة
فرحة ماحاستهة من شميت هوة الدنية لحد هاذ اليوم
ونداريت على رؤى واني اكللهة
يعني يعقوب راح يرجع رؤى راح يرجع
وحضنتني وهية تبجي وياي وتكلي
اي يرجع انشاء الله يرجع حبيبة
ام لصالون جانت تشتغل برؤى وتروح تباوع من الشباك علناس والسيارات الي طلعت محتفلة
وعلأطفال الي يركصون ويهوسون الأهازيج
منصورة يابغداد منصورة يابغداد
والشباب تغني
ياكاع ترابج كافوري علساتر هلهل شاجوري
علساتر كلنة تعنينة رجالة الراد يلاوينة مكسور ذراع
اي و الله وعونج ياكاع
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
