#فاتنات_من_الزمن_الجميل....بارت11
#حنين_حاتم
وعدة فترة طويلة لبيت صار كئيب حييل
وعلى طول مشاكل
ربيعة صحتهة ابد موزينة علة طول تبجي من راسهة وياخذهة خالي للمضمد تضرب ابرة يلله تكدر تنام
والي محد يعرفة عن وضع ربية
جانت تعيش حرب نفسية بسبب فاروق الي يضغط عليهة يوم بعد يوم وهوة يكللهة يأما تدزيلي صالحة بليل لو اخلي سيرتج علة كل لسان
جانت تخاف منة وبنفس الوقت تخاف على بتهة وماتعرف شتسوي ضالة بحيرة مابين انو تخسر رجلهة وعائلتهة وبين انو تقدم بتهة علة طبق من فضة للفاروق الي هلمرة ناويلهة علة شر اذا وكعت بيدة
لان هواي صبر وهواي سايسهة
وبيوم تخربطت ربيعة كلش وطلعو كل الي بلبيت من غرفهم علة صراخ صالحة ساعة بل4 لضهر
واخذو ربيعة للمستشفى وبقت 3 ايام داخلة ووياهة نورس وهند
الي بقت حذيفة يم البنات
سهى : طلعت من الحمام واركض ورة حذيفة الي شرد بلة مانشفلة شعرة والبسة هدومة
ركض بتجاه باب لشارع وبساع فتح لباب وطلع
صح جان عمرة 4 سنوات بس جان وكح حييل
ولان اجة لهند بعد طول انتضار دللتة هواي الى درجة صارت بصعوبة تصيطر علي
جريت عباية ولحكتة اركض ورا واصيحة
مااكدر اركض اني وعباتي وهوة كلما اتقربلة يسرع بركضة اكثر
وهوة يركض فات من يم رجال وعكبة
بساع صحت علرجال واني اكلة لزمة فدوة لعمرك
وركض ورا ولزمة وجابة الي
تشكرت منة واخذت حذيفة الي جان يجر بروحة مني ويريد يشرد
واني خجلانة حييل من الرجال لان الجلب جان طالع مصلخ
اخذتة سحل من اذانة واكفخ بي
ومن وصلت للباب كام يجر بروحة مني يريد يشرد جريتة حييل وهوة يجر بعباتي يريد يوكهعة مني
وقبل مااوصل للباب فلت روحي مني وصار يتمرغل بلتراب
الى ان شرد ولحكتة احاول الزمة قبل مايبتعد.
وتلكا نفس الرجال وشالة وهوة يحاول يسيطر علة رجلي وادي
الي جان يرافس بيهن كل قوتة
وجابة الي ردت اخذة منة كلي خلي اطببة الج جوة خاف هم يشرد
ودخلة للحديقة
تشكرت منة وراح
طببتة جوة بلكوة خلاني ابدلة وكلسا يبوسني يقشمرني السرسري حتة ماابسطة
نزلت سلمى من فوك وهية تنتضر زبوناتهة يجن يحفن يمهة
من بعد ماصار وضع البيت مومثل قبل
صرنة نملك قوتنة اليومي فقط
وصارن امي وخالة هند يشتغلن بلخياط وام صاحب تدزلهن معميلات
واني ورؤى نساعدهن نطرز صدور الكلبيات الي يحتاجن تطريز
كعدت سلمى كبالي تطك بعلجهة وهية عينهة علساعة تعرف وكت جيتهن بل10 بعد مانطنهة خبر قبل بيوم بيد جهالهن
شوية وطلعت شمة وهية تصيح لسلمى للغرفة
وراحت سلمى وراهة
ورؤى تتحركص وتحجي عليهة
ضلت يمهة جوة هواي
لحد ماطكت حوصلتي ورحت دفعت لباب اريد اشوف سلمى شعدهة يم شمة
فتحت لباب
واشوف شمة حاطة راسهة براس سلمى وسلمة تحفلهة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
