#فاتنات_من_الزمن_الجميل....بارت7
#حنين_حاتم
وطلعو بابا الحجي ونكلبت الناس علينة من كل صوب وحدب
صارت تجي افواج خطاطير وزلم من غير محافضات ومن غير عشاير
بحيث امي الي جانت نزلتهة بس علة كد الحاجة
صارو همة يودون عليهة بس حتة تساعدهم بلطبخ
وصارت تنزلنة وياهة نساعد
عدة مدة موطويلة واجو صدام ويعقوب من بعد ماخلصو امتحانات السادس ودز عليهم بابا الحجي
بيومهة يعقوب كضة نهار كامل يمنة
جان متغير حييل شواربة ولحيتة الي جانن عبارة عن شعر قليل متناثر
تغيرن وصارن مرسومات بدقة
موبس شواربة ولحيتة كلشي بي مرسوم بدقة
رب العالمين رسم معانية بطريقة تناسب نقاء روحة وجوهرة
شكد تمعن بوجهي وهوة يكلي عفتج سنتين لكيتج مرة
نضرتة جانت غييير عن كل نضراتة لسابقة
صرت اشوف بعيونة نضرات جانت كفيلة تخليني ادنك راسي خجل واحتار وين انطي وجهي حتة اختل من ذيج العيون الي جانت تتفحص كلشي متغير بية
ونزلنة جوة ويعقوب بعدة مامشبع عيونة نضرات مني
نزلنة بعد طلب من بيبي حتة نساعد بطبخ الغدة
جانو يمنة خطار من الموصل عيال خالاتي انتصار وانتضار ووياهم اقاربهم
جانو7 زلم و3 نسوان وبنات شابات هواي شي متزوجات وشي عزبات
نزلنة جوة ونكلبت معاني وجهي وغلة لحقد بية واني اشوف صالحة واكفة تسولف والموجودات يتمدحن بشكلهة وطولهة وربيعة كاعدة تعرض بيهة الهن وسوتهة شايلة لبيت علة راسهة
جانت طويلة وصاحبت قوام ممشوق تتمتع برشاقة كلش ملفتة وشعرهة طويل جوة ضهرهة سمرة بس موكلش وصاحبة عيون كحيلة مجرورة يلونهة لون عسلي فاتح وحواجب مرفوعة ثخينة ومتطابكة
وبقية معانيهة عادية
طبيت للمطبخ واكفة اغسل مواعين ورؤى بصفي تشطف
جنت لابسة دشداشة كرشة لونهة سمائي فاتح وصدرهة مطرز ردنهة طويلة وشامرة علة راسي ربطة
اغسل بلمواعين وافور علة صالحة
الي جانت كاعدة خجلانة ومدنكة وامهة تعرض بيهة للموجودات وهية تكللهن
يندارة صالحة وصوتهة الي مايطلع وتشهد بيبي وشمة
نداريت على رؤى الي جانت اكصر مني واني اكللهة طلعت صالحة خوش بنية ومصلية وصايمة وخاتمة لقران
اوووووف اليدري يدري والمايدري كمشة عدس
ندارت علية بخزرة وهية تعض شفتهة وتكلي
شكلنة موسدينة هاي لسيرة وخلصنة منهة سكتي وعوفي صخمة بحالهة
شمرت الماعون بلحوض ونداريت عليهة بعصبية اريد اسب صالحة واتلعنهة
بس لتفتت واني اشوف رؤى ندارت كلهة وتقدمت ليكدام وهية فاتحة الحلك ولعيون سوة
ونداريت واني اشوف كدامي
ولد شاب طويل لدرجة خلتني ارفع راسي واني اباوع لوجهة
لحية طويلة وشوارب ممتزجة بيهة
حواجب ماخذة شمرة تناسب ذيج الشخصية الغامضة القوية الي تفرض نفسهة من بين الاف الحضور
والشعر مزينة شبه صفر
ولابس نضارات شمسية
قميص كريمي مقلم بلعرض وبنطرون جوزي
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
