#حنين_حات
#فاتنات_من_الزمن_الجميل...بارت20
جرتني امي وهية تكلي كومي لهنا حدهة المصلحة
ونزلت منهة وعيني عليهة لحد مامشت
واني اتخيل روحي كاعدة بيهة وية صدام
هاذة جان اقصا احلامي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ونزلنة واجرنة تكسي ثانية
ومشة بينة هوااي
الى ان وكفة ونزلنة واني اشوف كبالي بناية ويحيط بيهة حايط عالي كلش وعلي من فوك شرك وسياموبلباب واكفين شرطة وبديهم جلاب
تقربنة وصارن يعون علينة
جلبت بعباة امي
وطبينة جوة واحنة نشوف تجمهر على مدى النضر
حشود ناس واكفة واكو سرة بلنص يدخلون بي ناس ورة ناس
لتفتت علة امي بحيرة واني اكللهة هسة شلون راح نطب
وجرتني ودخلنة بلسرة
والسرة مايمشي كوة يتحركون الناس
الى ان وصللنة لسرة صايرة لساعة بل7 ونص واحنة طلعنة جانت لدنية ضلمة
كدامنة ثنين نسوان تقربن يم الشرطة الي يستلمون الامانات الي جايبيهة الأهالي للمساجين
اخذ العلاكة من ايد المرية وصار يدور بيهة
طلع منهة شيشة عسل جبيرة
من ايدة وشمرهة بلكاع تفلشت وصار الكزاز طشار بلكاع
شكهت المرة وضربت صدرهة وهية تكلة ليش
يمة فلشتهة هاذة عسل طبيعي وبذاك الحساب ماخذتة
ورد عليهة بعجرفة وصياح
ممنوع كزاز يفوت
وصارت تداهر بي وتلومة علة كسر الشيشة وتكلة جان كتلي وارجعهة وياي للبيت احسن ماراحت نعمة الله بلكاع
صاح عليهة بصوت خلاني ارتجف وهوة يمد لعودة الي بأيدة ويقربهة يم وجههة
ويكللهة نهمدي ماسمعلج حس لااشمرج جوة وية ابنج
نداريت علة امي بخوف واكللهة
يمة خلينة نرجع
ودفعتني وهية تقدمني يم الشرطي بعد مامشت الحجية
ضل يسأل بينة عن قرابتنة للمسجون والمن جاين وشنو عدكم امانات
ردت علي امي وهية تنطي اسم صدام الكامل وكلتلة
ماعدنة غير فلوس وطلعت هوياتنة
قراهة وطببنة
ودخلنة من باب ونغس الي شفنا برة تكرر ورة هاي الباب
هم ناس متجمعة وهم هوسة وهم سراوات كوة تمشي
وكفنة والعرك يصب مني رغم نهاية لشتة والجو بعدة ماكاسر بس تجمهر لناس واعداهم خلة المكان عبالك حمام سوك
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
