#حنين_حاتم
#فاتنات_من_الزمن_الجميل....بارت32
عودة بسيطة للماضي................
مصباح يوم الثلاثاء سنة 1992
اخذت دعاء ورحنة على ام صاحب تدلينة على حفافة لان مانندل
وكفنة يم لباب ودعاء شايلة ابنهة على جتفهة مشبختة وتمسح بلعرك من وجهة بعبايتهة
دكيتة اكثر من مرة محد فتحة
ضلينة واكفين ننتضر
تالي درنة وجوهنة ومشينة نريد نرجع
وندارينة على فتحتة لباب وصوت رجال يصيح
تقدمت دعاء وسلمت وهية تسالة عن ام صاحب ووكفت صافنة بوجهة
واني احاول استذكر وين شايفتة
ونفس صفنتي عتلت ملامح وجهة
وطلع بعيد عن لباب وتقرب علية وهوة يكلي سهى مووو؟؟
وتقربت مستغربة سؤالة
وكلما اتقرب يتوضح شكلة اكثر الى ان تذكرتة
جان نفسة الولد النايم الي شفتة بغرفة بيت ام صاحب بيوم توفت امي وكعدت بعد ما ضربني قيصر النذل
تذكرت شكد حلفت لرؤى واني اكللهة شفت رجال وهية مترضة تصدكني
تقربت واسأل بي منين تعرفني
وبتسم وهوة يكلي تفضلي اختي جوة نحجي
وطببنة جوة وتلكتنة ام صاحب تتوجة علحايط وتجلب بي مابقة عدهة بصر
تقربت عليهة حضنتهة حييل وبست راسهة
وبساع عرفتني من صوتي
كعدنة وهية تسال بية عن سلمى وكلسا تسبهة وتتلعنهة على سوايتهة
شوية واجت جنتهة وضحة سلمت علينة وكعدت تسولف
عيوني تدور علي
اريد اعرف هوة منو وشلون طب للغرفة ورؤى قافلتهة علية جانت
سألتهن دعاء على حفافة وجاوبتهة جنتهم وكلتلهة اي هاي هنا وحدة ايدهة تخبل هسة اصيح رازقي يوديكم عليهة
وشوية واجة رازقي تقربت عليهة واني اسألهة هاذة منو ؟
هاذة اخوي حبيبة اجة يمنة عبن الحجية كامت ماتشوف ومابيهة على روحة لسوك ومدارس لبنات
هوة يكضيلنة حوايجنة وهم امان النة
لبس الولد شحاطتة وبساع صاح علينة يستعجلنة
طلعنة اني ودعاء ويا واريد اسالة واستحي من دعاء
الى ان وصلنة يمهة بابهة جان مفتوح وشحاطات النسوان تارسة لباب
دعاء طبت واني ضليت واكفة
سألني وهوة يحط ايدة على عيونة من لشمس
انتضركم لو ندليتو الدرب
لا ماحاجة تنتضرنة هاي ولايتنة بس انتة منين تعرفني اسمي سهى
بتسم وهوة يكلي اني نفسة الولد الي
وكملت واني اكلة الي شفتك بلغرفة فوك من جانت ضلمة
تنهد وكمل ذاكرتج قوية
اني اخو وضحة جنت فرار نهاري اكضي يم صاحبي واجي يم اختي بليل ابات يمهة بدون مالحجية تدري لان جانت ماترضة علية وتطردني
وضحة جانت ناطيتني مفتاح الغرفة واجي بليل بدون ماتدري الحجية
ومرة اخذتلي تلث ايام مااجي جنت اخاف من لانضباطية جانو يفترون بلمنطقة
اجيت بليوم لرابع لفجرية وصعدت ولكل نايمين وصدفة شفتج بلغرفة ماعرفت شنو اسوي ووين اروح
جنت نعسان كلش وانتي غاطة بلنوم جريت لغطة شمرتة عليج غطيت حتة راسج
ذبيت روحي ونمت ودرت وجهي عنج
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
