#حنين_حاتم
#فاتنات_من_الزمن_الجميل....بارت31
ركضت اشيل مصطفى الي مجلب ببنطرون نوري ويبجي
شلتة واسكت بي وهوة يصيح باباااا
طبيت جوة حضنتة هوة وضاهر وحطيتهم على صدري جن يدرون بي رايح لمكان بعيد ويتأخر
بدلتلهم وريكتهم وكعدتهم كبال التلفزيون يباوعون فقرة لاطفال
شوية واجة حذيفة كلبة على عالم الست وهيبة
بلمطبخ وسمعت صرختهم ركضت واني اشوفهم واحد عاض حذيفة وواحد هامشة من شعرة
جريتهم من عندة واضحك علي
اكلة ليش علمتهم يمدون ايدهم عليك اضربهم
بتسم وهوة يكلي لا خطية ماكدر اضربهم بعدهم زغار خل يكبرون واشبعهم جلاليق
نزلت شمة لابسة فوطتهة لبيضة وتتوجة علعوجية صبحت علية وبوست مصطفى وضاهر وطلعت تروح يم جاراتنة من يومهة ماتعرف تكعد بلبيت
ضحكت واني احجي بداخلي
والله وكت ياشمة الي خلاج تتوددين وتتلوكين للكل
حتة تكسبين رضا وتخلي يسامحج ويرجع يصيحلج يمة
نزلن سليمة ونضيمة هنة وجهالهن
وكفن كبالي استعداد لتوجيهاتي الهن كل وحدة على شغلة
صفنت عليهن
وكفتهن لبسهن وترتيب الجهال ذكرني باول يوم طبينة بي للبيت
بيوم وكفن شمة وخالة هند وربيعة والجهال جوة رجليهن ويعاينن على امي
جريت حسرة واني اصبح عليهن
وكتلهن وحدة علحديقة تنضفهة ووحدة تلمع فضيات لأستقبال
ووكفت اطبخ بلتشريب وعين علجهال وعين علساعة الوكت يمشي بساع والخطار على جية
شكلت ثوبي وشمرت حجابي بعد ماخلة لبيت من الزلم ومحد اكو
مديت راسي من الباب اباوع على سليمة نتجت علحايط ولزمت بطنهة
تقربت يمة اسألهة شبيج
جلبت بثوبي رادت تكوم
دنكت عليهة كومتهة لزمت راسهة وكلتلي دخت حييل
طببتهة جوة ونطيتهة مي
صعدت لغرفتهة وكملت الحديقة بمكانهة
باوعت علساعة بل10 وربع
قبقت التمن وطفيت التشريب ودكيت على رؤى
الوو
ها حبيبة شلونج وينج اريد اروح اجيب خبزات مابية منتضرتج شوكت تجين
ردت وهية تصيح علجهال وتسكت بيهم
هسة خية دقايق ماتأخر بس منتضرة سميرة تبدل موتتني صارلهة ساعة تنزع شي وتلبس شي
سديتة منهة وكمت علمراية الف بحجابي
صفنت على روحي
واتفحص بوجهي
لحاجب مالايحة خيط من 10 سنين
وجهي ترهل وبدت التجاعيد تخط مسارات بجبيني وبلقرب من حنجي ووجناتي
اااااااااخ ياعمر ششفت منك وشبقة حتة اشوفة
مديت راسي علأستقبال شفتة مرتب ويلمع وريحة لبخور تهب منة مثل ماهوة يريدة ومثل ماتعودنة ننضفة حسب رغبتة
نزيت على صوت لهورن
وبساع صحت على حذيفة واني اوصي على مصطفى وضاهر
صاح من يمة اي ادري ادير بالي عليهم من جهال نضيمة وسليمة وماخليهم يطلعون من لغرفة واذا بجو اطلعهم بلحديقة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
