#حنين_حاتم
#فاتنات_من_الزمن_الجميل
ربيعة بأخر فترة صارت متاكل ويانة ولاحتة تطبخ
وبناتهة متخليهن يطلعن بس علة كد الحاجة
صارن مثل وضعنة قبل من جنة محبوسات
الي فهمتة حسب حجي سهى
انو فاروق صاير يتمادة وية صالحة
وصالحة مهددة ربيعة وكايلتلهة بعد مااطلع لفاروق واذا تجبريني اعوف لبيت واشرد
وين ماعد الله كاع
وحابستهن من يومهة من خوفهة عليهن
جانت حزينة حييل وخايفة من فاروق الي متوقعة بأي لحضة يفضحهة كدام الكل
سهى فرحت بيومهة وهية تكلي
الله فضحهة ونتقملنة من عدهة
ورديت عليهة واني اكللهة لا هاذة مو انتقام ربج
لأنتقام لمن ينفضح فاروق النذل والكل تعرفة شنو
وعدة شهر علة وفاة بابا الحجي
بدة تصير مشاكل بين خالي ناهض وفاروق
وسببهة وارد المعمل الي صار يقل يوم عن يوم
ولسبب لثاني انو فاروق ماوسع المعمل ويومية يكللهم باجر
الى ان طب حالي ناهض بيوم وهوة يصيح من الباب وصاير عصبي
ودفر لباب علة فاروق وهوة يكلة
كوم سرسري وين وديت فلوس البساتين
ولك ...... الف دينار وين وديتهن
وبذاك الوكت هاذ المبلغ يعادل هوااااي بهاذ وكتنة
ورد علي فاروق الي جان يلبس بقميصة
بكل برود وهوة يكلة
ذني تعبي وشكاي وركضي سنين وية الحجي وانتو نايمين متدرون بيهة طشت لو رشت
وتلازمو وتعالة صياحهم
واجت امي تركض تحاول تسكت بيهم خوفا علة بيبيتي الي حيييل هدهة المرض واخذ من عافيتهة هوااي
ودفعو امي وصارو واحد فوك لثاني
وتراكضو يعقوب وصدام وخرو خالي ناهض ويهدئون بي الي لزم كلبة
اما صدام جان ينهد وينفلت علة فاروق
وهوة يكلة انشاء الله نار ببطنك كل فلس بكتة من حلال بابا الحجي
وكام وهوة يعدل بشعرة ويبتسم وعافهم يتلاطمون وطب جوة تمدد علجرباية ورافع رجلة حاطهة علثانية وتعمد يعوف باب الغرفة مفتوح
وخالي ناهض متخبل
عاف لبيت وطلع ولليل مارجع
ضلينة بقلق علي
الى ان طلعو يعقوب وصدام لساعة ب11 بليل وجابو شارب ويهذي
طببو للحمام صحو وطلع مستحي من الكل
وبيومهة هند باتت يمنة بلأستقبال هية وحذيفة
جانت زعلانة من خالي
الي اول مرة بحياتة يسويهة
اما بيبي كتفت بلبجي
بدموع غزيرة وهية تشوف بيتهة بدت اركانة تنهد واحد ورة لثاني
بيوم راح عمود لبيت
وخلة فاروق النذل يتجبر ويتسلط علكل بدون رادع
منا بدينة مشوار جديد
وهوة جبروت فاروق و شمة الي صارت ماينكدر عليهة
بيبي هالكهة المرض
عبد الخالق يخاف من فاروق
بس خالي ناهض يوكف بوجهة بس ايد وحدة متصفك
ولا هوة الي يكدر علي لوحدة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
