#حنين_حاتم
#فاتنات_من_الزمن_الجميل....بارت8
رفعت راسي واني اشوف يعقوب يجر صالة وياخذهة من لباب الي يم الدرج
ورؤى تتلمس بوجهي وترجع ترزلني وتكلي ماكدرتي تلزمين روحج لمن يرحون لخطار هسة شيكولون علينة وحدة تتجاوز علة صدام وتحجي حجي اكبر من راسهة
والثانية فرست بت خالهة فرس
مشيت واني الم بشعري وقراصتي بحلكي
طبيت جوة الهث
جريت كلاص مي صكيت علي وواكفة بلمطبخ افور مابردت كلبي بيهة
شوية وطبت شمة تسأل شصاير ومنو هاي الصرخت
كتلهة ماكو شي رؤى تعورت بلباب
مشت تترنح وراحت يم لخطار
يوم ثاني راحو الخطار
وجان يوم كلش سعيد بلنسبة النة
بيوم عرفنة هند حامل
جانت ماشايلتهة الدنية من الفرح هية وخالي ناهض
وحتة يعقوب
صارت امي هية الي تهتم بيهة
وصرت اني اوديلهة صينية لأكل لغرفتهة
حسب حجي لحبوبة هند ضهرهة رجيج وحملهة ضعيف وهواي صاير عدهة سقاطات قبل
لهاذ لسبب جان لازم تلازم لفراش لحد ماتطب بلتاسع
صرنة اني ورؤى نشتغل بمكانهة
ولو شما نسوي مانرجع شي من افضالهة علينة
ورة فترة طلعت نتايج البكلورية
ونجحو صدام ويعقوب الي طلع معدل 75
اماصدام جان معدلة 63
وفرحنة بيهم وحتفلنة حفلة بسيطة
وقدم يعقوب علة كلية الضباط
جانت حلمة رغم ماجنت حابة هاذ المجال بس كلش فرحت من شفت الفرحة بعيونة بيوم راح قدم هوة وخالي ناهض ونقبل بلأختبارات الي جانت ماأصعبهة
اما صدام طلعلة كلية تربية رياضية وماجان راضي عن قبولة ومارضة يداوم
بس بابا الحجي قنعة لمن نطا سويج سيارة جانت بيد ابو يونس مخليهة علمود البيت وحتياجاتة
وعدن التسع اشهر وجابت هند ولد نسخة منهة
بوسط فرحة من كل لعائلة
جدو ذبح ذبايح وعزم اخوانة وعوائلهم وولدهم
وولد عمامة
بيومهة كعدنة من ال5 نطبخ كلعادة شمة فتحت حلكهة علسوالف وصالحة تحير شتسوي بخلقتهة بلكي وحدة من الحضور تخطبهة
واكفين اني وسلمى علسنك نغسل مواعين وطب صدام جايب فاكهة من لبستان
صبت رؤى جاي ولحكتهة اني شايلة الفاكهة
ومجرد ان سلمت سمعت وحدة صاحت اللهم صلي على النبي
شهلجمال
ضحكت وكل ضني على رؤى
جرتني المرة تبوسني وهية تحمد.بشكلي وطولي وبساع طلعت مستحية
ولحكتني رؤى تضحك علية وتكلي صدك صايرة حلوة ولج
وخدودج متفحات
ضحكت واني اكللهة هاي
شافتني طويلة عبالهة مرة متدري كل عمري 15
صبيت دبس وكيمر عرب واخذتهة لهند
كعدت يمهة واخذت حذيفة من حضنهة الاعبة
بكد ماجان اسمر جان مملوح وينحب بسرعة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
