مساء الخير حبايب هواي لكيت كاتبين انو بارت 14 مموجود
اني ناشرتة وموجود بس برنامج الواتباد هواي تصير بي مشاكل خصوصا يم لكاتب
دائما تنحذف لبارتات لوحدهة
ومرات يتخربط تسلسلهة مع انو اني منزلتة بلترتيب فهاذ لبارت نشرتة للمرة الثانية للي ماقرو وديكتبولي بلتعليقات انو لبارت ميطلع يمهم
اقرو وصوتي لطفا منكم
#حنين_حاتم
#فاتنات_من_الزمن_الجميل....بارت14
رجعت المرية ووياهة نسوان تلاثة
دخلن يم امي وطولن بلأستقبال وخالة هند تسكت برؤى الي موتت روحهة من البجي
طلعن وطلعت وراهن امي
ورجعت الوجه ضاحك وفرحانة وهية توصف بلذهب الي لابساتة النسوان
وشكد اغنياء وعدهم حلال كومة
نص الرضوانية الهم
صاحت بيهة رؤى بصوت مبحوح من البجي وهية تكللهة
اني مااقبل بهاذ لو اموت مااريد اتزوج عوفيني بحااااااالي
وجرتهة امي من ايدهة وطببتهة لغرفة خالة هند وقفلت لباب وراهة
وكفنة اني وخالة هند نتسنط عليهن وكل ضنة امي تريد تضرب رؤى
بس ماجانت تضربهة
جانت تقنع بيهة توافق وهية تبجي وتكللهة
يمة صدام مايرهملج
ولج هاذ امة شمة والله اذا سمعت الة نية ياخذج تطيح حضنة بسحورتهة
وفاروق ابو
يمة ستري علية ووافقي خل ازوججن وائمن عليجن
اني مالي حياة وية هاذ قيصر
بس ازوججن واطلك روحي منة واشوفلي شغلة اشتغلهة واعيش روحي
قبلي يمة وبردي كلبي
صدام امرة موبيدة ورا شمة ام السحورة وفاروق الي مايصعب علي شي
وشوية وطلعن ثنينهن عيونهن وارمة
رؤى طبت للحمام وامي كعدت يمنة
وعدن شكم يوم فاروق وصدام مانزلو
بس كاضم يفتر علينة بلبيت وصالحة مكابلتة وضحك وشقة
وهم رجعة ربيعة وكعة واخذوهة للمستشفى
وهلمرة دخلو بيهة
خالة هند ونورس وضلت ايام هية بلمستشفى
والي فتهمنا بيهة جلطة
ونقهرنة كلنة بيومهة لان ربيعة زغيرة وبساع بساع تمرضت
والي محد جان يعرف بي انو فاروق هوة سبب كل الي جاي يصير بربيعة
وبيوم عصرية سوينة تعلولة اني ورؤى
كعك وجاي وكعدنة بلحديقة بيومهة جانت سلمى يمهة بنات ثنين يحفن
وجانن طالبات جامعة وكعدنة نتسأل بيهن علجامعة والدوام والدراسة
جانت بينة لهفة علدراسة وطاريهة
وكبرنة واحنة تدمع عيونة من واحد يجيب طاري المدرسة والدوام
طبت خالة هند وهية تصيح سترو روحكم
وبساع كامن لبنات ولبسن جفياتهن
ودخل خالي عبد الخالق وهوة لازم ربيعة بيدة
ووراهم شيماء شايلة جنطة غراضهة
تلكيناهة تحمدنالهة لسلامة ودخلوهة جوة
جانت بعدهة تعبانة وتشكي من راسهة بس من شافت ماكو فايدة ومحد وكع علة علتهة طلعوهة لان ملت من المستشفى
ولبنات متبهذلات بينهة وبين البيت يومية ماخذين وحدة ومرجعين لثانية
أنت تقرأ
فاتنات من الزمن الجميل
Chick-Litكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
