#حنين_حاتم
#فاتنات_من_الزمن_الجميل.......بارت26
ورديت بصياح وكتلة خلص ماريد خواتي يتزوجن واحد من كرايبك مليان عقد وامراض نفسية مثلك
كلتهة وطفرت بساع وبوجهي للدرج
بعدني مامعتبة اول باية
حسيت شعري نجر ونجريت ليورة الى ان وصلني للغرفة وشمرني بلكاع
وصار يرفس بية برجلي كل قوتة
صرخت هواااااي على امل انو امة تسمعني وتصعد تخلصني بس ماصعدت ولا كلفت روحهة
اخر ضربة جانت بنهاية بطني
حسيت بوجع ماحاستة بعمري وصرخت صرخة واني احس رطوبة غركتني
نكلبت علة بطني وحاطة ايدي عليهة واتلوة
حسيت بي شالني
صرت ارافس واكلة عوفنيييي
كل ضني يريد يحبسني لو يأذيني اكثر
قيدني بأدي وصار ينزل علدرج بسرعة
دوخة لزمتني سادة عيوني بس احس بجسمي يتخضخض بين ادي وهوة ينزل الدرج
الى ان فزيت على شهكت امة وفتحت عيوني واني اشوفهة لطمت وجهة وتقربت يمة كلتلة
شسويت يهة يامصخم
صرخ بيهة بساع جيبيلهة شي ولبسي عباتج ولحكيني
لحضتهة بس تأكدت من الرطوبة الي حسيتهة جانت دم
دوخة لزمتني قوية مااذكر غير من حط راسي علة كشن السيارة الخلفي وراهة غمضت عيوني وغبت عن الوعي
فزيت علة لمسات ادين علة وجهي وركبتي
شوية شوية فتحت عيوني من الضوة الي جان يجبرني افتحهن واسدهن
ركزت بمحمد جان لازم ايدي ويباوعلي بنضرات حذرة تترقب ردة فعلي
نداريت علي واني اسألة
مات طفل ببطني موووو
وهز راسة وهوة يدنك
جريت ايدي منة وصرت ابجي
صح ماجنت اتمنة احبل منة وجنت اقنع بروحي واكول كلهة شكم سنة ويطلع صدام واتطلك منة
حتلو مايتزوجني صدام المهم ماابقة عايشة وية رجال غيرة
وماطولة موجود اكيد مايسمح بأذيتي
نداريت علة جهة الحايط وابجي
جاب كرسية وندار من جهتي لزم ايدي وباسهة
ورجعت جريتهة
قرب وجهة يمي وهوة يكلي اسف
كتلج سمعي كلامي و
ورديت علي بعصبية واني اكمل كلامة
تعيشن ملكة
تعصيني تعيشين بلجحيم
اشو بلحالتين اني عايشة وياك بجحيم
ماشفت منك عدل كلك باطل وتشوف روحك بس انتة صح مليت منك
مليت من عشرتك اني مليييييت
كام على حيلة وهوة يكلي
اذا صرتي زينة خل نطلع
كأن يكلي حجيج لايقدم ولايأخر ولا راح ياخذة بعين لأعتبار
بس اتعب نفسي علخالي بلاش
طبت امة كومتني ورجعنة للبيت
من يومهة صار محمد مايتقربلي ابببد وقلت اوامرة علية
صار ميتدخل بية شنو اسوي
صح اشوف عقجة حواجبة وعيونة يمليهن لغضب بس ماجان يحجي ابد
مع ذلك ماجنت ارتاح من اسوي عكس ماهوة يريد صح جان ارضاء لشي هوة كسرة بداخلي
بس صرت احس هاي لشغلات مالهة طعم
من اخبط بلأكل
من اسفط لملابس شلون ماجان
من اعوف شي وراي
ومن احط شي مو بمكانة
احس روحي تعودت علنضام والترتيب الي هوة يريدة
ورجعت انفذ كل اوامرة بدون اي تدخل من عندة
رجعت انفذهن من ذاتي
وبرغبتي
يوم عن يوم يبتعد عني ويشيل ايدة من كلشي يخصني
وصار ميكعد يمي من اخابر خواتي ابد
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
