مسائكم سكر
#حنين_حاتم
#فاتنات_من_الزمن_الجميل........#بارت2
صحيت على لمسة رؤى وهية تكلي
كافي تتلمسين بلغراض فضحتينة جنج ماشايفة
نداريت عليهة واني استنفر كلامهة
وليش احنة وين شايفين هيجي شي لتسوين روحج عود انتي مثقرفة
ضربت على خدي وهية تضحك
ولج مثقرفة هاي شني اسمهة مثقنفة
لزمت ايدي وهية تمشي بتجاه بيبيتي الي جانت تمسح بدموعهة بطرف الشيلة
رغم تجاعيد وجهة الي جانت خافية كل ملامحهة ورغم صوتهة الخشن الي غيرة دخان الجكاير
جنت احبهة الي درجة متنوصف
رغم المرات الي شايفتهة بيهن ماتجاوزن عشرة
بس بيهة فرط حنية ماشفتة حتة بكلب امي وبذات علية اني
جانت تسميني سهيوة وشحلات اسمي بحلكهة
حضنتني وهية تكلي كبرانة يسهيوة ومحلوة
دقايق وبدت بيبان الغرف تنفتح ويطلعون منهة نسوان واطفال
الي ستغربتة انو ليش جانو خاتلين بلغرف كلهم
واني اتذكر بيت جدي الي يروش بينة من صباحية الله لحد المسية
تقربن يم بيبي وعلامات الدهشة من شكلنة وعباية امي جانت اكثر شي ثار فضولهن
جانن لابسات دشاديش بيهة كتافيات عالية كلش
والذهب يخرخش بديهن
والبنات الزغار الشعر مصففف والملابس جدا انيقة
صفنت واني اباوع علة كصايبهن
واتذكر كفاشينة احنة وبنات عمي
الي جنة منمشطهة غير وكت لعصرية ومجرد ان نكعد من النوم ثاني يوم تطلع العطوب وتاخذ مستقرهة على وجهي لان شعري جان من دون خواتي حيل سرح
وحدة منهن بس عرفت امي وتقربت عليهة وهية تكللهة يا دحجن هاي منو
ولج سميرة هاي انتي
عززة بلحرام ماعرفتج ولج صايرة عجوز
باوعتلهة امي بنظرة تحسر وهية تكللهة اي يشمة كبرت وعجزت وخليت الشباب الج
هية التفكد مثل الي فكدتة يضل بيهة شباب
الحوار الي دار بينهن وعوجة حلك الي اسمهة شمة وهية ترمق امي بنظرات غريبة
خلتني اعرف انو اكو كره وحقد دفين بينهن
تقربت وحدة جانت سمرة من دونهن بس معانيهة حلوة وهية تسلم على امي وتكللهة شلونج سميرة اني هند مرت ناهض اخوج
جرتهة امي بوستهة وهية تكللهة
يبعد عمري رحتلج فدوة انتي وناهض شلونة كليلي
لحمد لله زين
صاحت بيبيتي بصوت حدي وعالي وهية تكول هاذي سميرة بنتي تزوجت بلنجف قبل ١٤ سنة
وقبل فترة توفة زوجها وراح ترجع تعيش ويانة معززة مكرمة
اخر كلمة كالتهة وهية تدور نظرهة بتجاه شمة
جان تهديد غير مباشر الهة بان تكف شرهة عن امي
اخذتنة بيبيتي وهية تتوجة علة عوجيتهة وتصعد درجة درجة ببطئ وركازة
جانت رزنة بحجايتهة وبكل تصرفاتهة
وصلتنة للطابق العلوي الي جان كان فندق
عبارة عن غرف وحدة بصف الثانية
حسبتهن جانن 5 غرف
فتحت طرف معكود بشيلتهة البيضة الي بيهة من الطرف دندوشة ذهب
وهية تطلع منة مفتاح وتأشر لأمي بي وتكللهة
ماطبيتهة من يوم طلعتي منهة ولاطبهة اي بشر
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
