#حنين_حاتم
#فاتنات_من_الزمن_الجميل.....بارت39
كلش اسفة علتأخير
دموع ماضلن عندي وكل دكة باب اطفر مثل المخبلة عبالي هوة
مغربية كاعدة بلحديقة وابجي دك لتلفون وراهة سمعت صيحة رؤى وهية تكلي
تعاي بساع هاذة يعقوب بلمستشفى
ركضت عليهة ومن الفرح عثرت بباب المطبخ ووكعت على وجهي
وكمت انكت بملابسي
تقربت يمهة واخذت التلفون
رد علية رجال وسألني انتو اهل المريض يعقوب ناهض
ورديت بدموع وشهكات
اي اي احنة وين هسة هوة فدوة لعمرك
ورد وهوة ينطيني العنوان
جريت بس لعباية وجزداني وطلعت
اذكر وصلت للشارع العام اركض وعباتي طايرة وراي والله من كدما مستعحلة و مامنتبهة على نفسي لابسة شحاطتي تك وتك
اجرت تكسي وركبت وكتلة لمدينة الطب
نزلت من السيارة اهبد ماعرف منين اطب
سألت اكثر من مضمد ودكتور يلله وصلت للردهة مالتة
طبيت اباوع هواي زلم ممددين ويمهم اهاليتهم
افتر بين الجرابي واباوع بلوجوه
لحد مالمحتة جان اخر شي بلردهة والوحدة
تقربت وواني اشوفة راسة ملفوف وايدة مجبسة وكدمات بوجهة بكل مكان زراك وحمار
عينة مورمة حييل بحيث حجمهة يخوف
وشفتة زركة ومتقدمة ليكدام من الورم
تقربت يمة ابجي وذبيت روحي علي
جنت خالة وجهي على صدرة وابجي واعتذر منة
واكلة كلشي ماريد لاجهال ولاحتة اريدك ترجع يعقوب لقديم
بس رايدة شوفة وجهك وطولك
يبعد عيوني
تروحلك فدوة سهى وعسن جروحك بكلبي ولابيك
حسيت ادي تلمست راسي
رفعت راسي وجان يفتح عيونة ويسدهن
مايكدر لان وارمات قرب وجهة اكثر من مرة علية يريد يركز بوجهي ويشوفني منو
بعدني اريد احجي واسألة وين راح
صرخ صرخة هزت المكان هز
وصاح سهى هاي انتي
سهى يبعد روحي وعمري وسنينة
كاعدة علكرسي وشمر روحة علية وحضني
وصار يبجي ويبوس بوجهي وراسي وادية
اذكر من كد ماحضني وكع من السدية علية
ماعرف ليش جان يحضن بية بهاي الطريقة
ومن سأل وهوة يكلي اني وين وشرجعني يمج
احنة وين كليلي
صفنت بوجهة وكل ضني حالتة سائت اكثر وتكدرت وكلبي غزني احس صفحة صدري كلهة صارت توجعني
بس من سألني على خالة هندة وخالو يعقوب وهوة يكلي وينهم
ولج احجي كليلي احنة وين وشجابني لهنا يمج
تأكدت انو يعقوب رجعتلة ذاكرتة
وقبل مااجاوبة رجع يحضن بية ويبجي ويكلي شصاير ببيج شكد متغيرة
كبرانة وتعبانة يبعد يعقوب وكلبة وروحة
جر ادية يبوس بيهن ويكلي اديج متغيرات وبيهن تجاعيد
وين ذنيج الأدين الي من كد ماناعمات جنت من اتلمسهن جني متلمس وبر خوخة
وعيونج الي جنهن عيون لأرنب ليش هيج ذبلانات
ولج سهوة كليبي كليلي شذبل عيونج
يبعد عيوني ونضرهن
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
