#حنين_حاتم
#فاتنات_من_الزمن_الجميل.....بارت36
كاعدة انضف خضرة ويمنة رؤى جانت تنضف بلصالة وتعدل لكرويتات هية وحلومة
وصدام عيونة وراهة وتراقبهة
ندكت لباب
ركض حذيفة فتحهة وطب وويا
سلمى
عفت لخضرة وكمت على حيلي
رؤى شمرت لكرويتة من ايدهة بحيث نربدت بلكاع وندارت على صدام الي من شافهة تغيرت ملامح وجهة وكام من مكانة وراح بتجاهة
جانت واكفة بباب لمطبخ ماطبت
و تقرب يمهة صدام وقبل مايوصل ركضت رؤى صارت كبالة وهية تتوسلهة ميسوي شي وتكلة خل تطب ونسمع منهة
وبساع دارت وجههة سلمى وهية تجر بيدهة طفل ومشت وعافتنة بعد ماشافت غضب صدام وجهة الي واضح انو مامرحب بيهة
جريت عباتي وركضت اريد الحك بيهة
ورؤى واكفة يم صدام تتوسل بي تكلة خل نفهم شبيهة شصاير وياهة
ركضت وراهة واصيح سلمى ماتندار علية
وقبل ماتعبر لبساتين اجاهة صوت صدام
ومجرد ماسمعتة وكفت
تقربت يمهة لزمت ايدهة وجريتهة جانت تبجي وبحالة يرثى لها
والطفل الي وياهة ملابسة وصخة ومتعوبة ووجهة املح حييل
تقربت يم صدام الي جانت رؤى واكفة يمة وتحاول تهدي وتمتص غضبة
ومجرد ماشافهة اشرلهة طبي جوة
حركتة ودورة وجهة عنها وكأن الي يسوي مغصوب علي والي غاصبتة رؤى الي لليوم مايكدر يرفضلهة طلب
ذكرتني ببابا الحجي بيوم اجينة
جان لغضب والكره تجاه امي والي سوتة بيهم بعدة بكلبة بس نتصر لحنين الي بداخلة بيوم طلب من ابو يونس يدخلنة للبيت
تقربت سلمى وتلكنهة احضان رؤى الي شبكتهة حيييل وصارت تبجي وتعاتب بيهة
طب صدام جوة كبلهن وشغل جكارتة وكعد
واني اخذت ابنهة دخلتة جوة
نضراتة للبيت وكل الي بي ذكرتني بروحي
نفس المعة بعيونة
بيوم لمعت عيوني بأول جية النة وتفاجئت بلبيت وضخامتة
طببتهة رؤى وتسأل بيهة عن حالهة والي صار وياهة
وبدت تحجيلنة وعيونهة على صدام خايفة منة
وعيونهة دامعة وحاضنة ابنهة
حجت بعد ماشافت عيونة تترقب حلكهة ونريد نفهم منهة شصار وياها وشنو وضعهة
من طلعت منا لاكاني سرمد جان واكفلي يم جسر المفرك
واخذني ورحنة رأسا عقد علية واخذني لبيت صاحبة ضلينة بي تقريبا شهر وراهة اجرلي بيت بلأعضمية جان كلش زين وياي ابد مااذاني بيوم
ومدللني يصرف العندة والماعندة علية بس ماجان يقبل يطلعني ابد
عشت سنين ويا اني ماشايفة لشارع واني هم جنت اخاف اطلع خاف احد منكم لو من معارفنة يشوفني
عدن سنتين احنة ماصار عدنة جهال
حسيتة بدة يمل وشكد الح علي مايرضة ياخذني للطبيبة
وبيوم طلع عصرية ومارجع لليل
ساعة بل10 بليل طب وكلي طبي لغرفتج وقفلي لباب وياي جماعتي
وضلو يمة للصبح غفيت وماادري شوكت راحو
وعدن ايام وهم رجع جابهم
وهم يطلع الفجر وهمة بلبيت
صار عصبي وياي و24 ساعة يتحجج على كلشي وصوتة عالي
ومرت ايام صار يضربني
وراهة فهمت هوة نفصل من شغلة ولهاذ لسبب جان عصبي وكاره الدنية
عدن ايام لبيت خلة لامسواك ولاكلشي وحصة ماعدنة لان ماعاقدين محكمة ولاعدنة تموينية
وهم رجع يجيب اصدقائة
وصارت عادة يومية يجيبهم
اخذني حللت ورة فترة وطلعت حامل ماحسيتة فرح بس تضاهر بلفرح
وكعدنة وطلبت منة يبطل يجيب اصدقائة ويلتفت الي .لان لبيت جان دومة خالي وكوة ادبرلي لكمة اكلهة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
