#حنين_حاتم
#فاتنات_من_الزمن_الجميل.....بارت37
تقربت ومديت راسي اريد اشوفهم اذا جانو طابيلة
وصدت عيني على ابو المحل
جان داير وجهة ويعدل بغراض المحل تقربت ومن سمع خطواتي ندار علية
صفنت بوجهة
الدموع صارن يجرن الوحدهن
مثل عاصفة رملية وصارت كبالي اريد افتح عيوني واباوع عدل مااكدر
احس الرؤيا تغوشت كدامي ورجفة لزمتني
رجع كلشي بية
ورجعت لليوم الي كلي بي
كلبي ماعرف غيرج حبيبة ولا راح يجي هاذ اليوم
اجت كبال عيني وعودة وحجاياتة
اجة كبال عيني بتسامتة كلبة اطيب نضراتة الي احسهن بشغف
اباوعلة الجسم سمنان والوجه متغير وكبران جني اشوف رجال عمرة 50 سنة
ضخامة وطول على سمن شوية والوجه عريض
والشعر تتخللة خصلات الشيب ماليتة
تجاعيد ماخذة مستقرهة بكل مكان بوجهة
جني اشوف غير يعقوب
يمكن لو ما حبي الة الي خلاني ادمن تفاصيل شكلة ماجان عرفتة بكد مامتغير
احس جسمي تصنم حواسي تجمدت
شنو اريد احجي واوصف هاذ الموقف مااكدر
ولا راح يجي يوم اكدر اوصف احساسي لبشر
يمكن لو شما احجي محد يفهم علية
شعور اغرب من اغرب شعور ممكن يمر علبشر
فرحة على هبطة على صدمة على حب وحنين وشوك وعتب بداخلي خلاني سجدت للأرض بدون وعي
ورفعت راسي والدموع يجرن
تقرب علية ومتفاجئ مني حجة بعد صفنتة وكلي
تفضلي اختي شنو تردين
احس الصدمة رفعتني لسابع سمة وذبتني للكاع
معقولة تغيرت للدرجة الي خلتة ماعرف شكلي
جريت الحجاب عن وجهي وكل ضني العمر وحوبتة خلتة مايعرفني
كمت على حيلي حاوطتة بدية وخليت راسي علة صدرة
شميتة وبستة من ركبتة
هاذة كلة وهوة جامد ماتحرك
وخرت عنة
قسما بلله اريد الكلمة تتطلع من حلكي واحجي مااكدر
احس شفايفي تخيطت
سنوني يطكن واحد بلثاني
نداريت على خطوات وصوت حجي
صدام جان واكف بباب المحل وجامد مثل حالي
هية ثواني الكل صافن بيهة
وراهة طفر صدام على يعقوب وحضنة كل قوتة وصار يبجي على جتفة وكل جسمة يختض وهوة يشهك ويكلة
ولك وينك ياخوي وياحزام ضهري
ولك عازتك عازة يعقوووب
بعدك نهد حيلي وحيل ابوك يبعد اخوك
ماشوف غير يعقوب يدفع صدام كل قوتة
وهوة يكلة يابا مخربطين مشبهين علية يولي انة لا اعرفكم ولا بحياتي شايفكم
ضربت وجهي كل حيلي
وتقربت يمة الدموع يجرن واشهك واني اكلة
بعد كل تعبي وانتضاري ترجعلي هيج يعقوب
هيج تجازي صبري
ولك هيج تجازي سهر اليالي والبجي
يعقوب حيلي راح وعافيتي خذنهة ليالي انتضارك والبجي حتة تالي ماتعرفني
تقرب يعقوب وصار يدفع صدام ويدفعني ويكللنة طلعو برة شنو جاين تمثلون مسلسلة يمي
لو عدكم مصيبة وتردون تبلوني بيهة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
