#حنين_حاتم
#فاتنات_من_الزمن_الجميل.....بارت13
فتحلنة لباب ولد شاب شكلة حلو وسيم حييل بس اسمر
دخلنة جوة لبيت جان مليان غرف وجبير حيل حتة تيهت بي رغم بنائة قديم بس اثاثة حلو
ووكفنة بلصالة واجتنة مرية سمينة بيضة حمرة
جانت لابسة دشداشة ململ ربع ردن وزنودهة طالعات وبدون حجاب
سلمت علة قيصر ودخلتنة لغرفة جبيرة
جانت مليانة بنات تفاجئنة بعددهن
بحيث كوة سون النة مكان وكعدنة بكد ماجانن هواي
وكعدت سلمى وجرت لعباية من راسهة وهية تتسأل بيهن وتسولف
وستلمت اول وحدة وطلعت بكرتهة وصارت تحفلهة وهية تتأفأف وتكللهة وجهج مشعر ودنية ضلمة مايبين كلشي
لومخليهة علصبح علشميسة هسة ضوة الشمعة مايفيد
دخلت المرية السمينة وكلتلهة يولي نضفيهن زين وكل تعبج تاخذي
وسلتمتهن سلمى وحدة ورة لثانية
الى ان اجة نفس لمرية وهية تكللهة
وذني لجايبتهن وياج شنو راح يضلن كاعدات
سلمى : اي ذني جايات وياي مايعرفن يلزمن لخيط
ميعرفن للشيرة ؟
وردت عليهة سلمى بفرح وهية تكللهة
اي اي يعرفن وشيرادلهة لشيرة
واشرتلنة كومن كومن سون شيرة للبنات طاحت ادية اني
كمنة اني ورؤى والي تفاجئنة منة انو لبنات نزعن ملابسهن كلهة وضلن بس بلداخليات عادي من غير مستحة
صفنت عليهن واني اتذكر روحي شلون استحي ابدل كدام خواتي
سوينة رجليهن واديهن ومتنة اني ورؤى جانن 22 وحدة
بقينة للساعة ب11 بليل ياله كملنة
لبسنة عبينة ونريد نطلع
لزمتنة المريم ام البيت وهية تحط بدينة فلوس هواي شهكت فرح واني اشوفهن وجانت اول مرة بحياتي الزم بيدي مبلغ هلكبرة
طلعنة لعمو قيصر الي جان منتضرنة بلاستقبال وطلعنة ويا ووصلنة نفس الولد لباب لشارع
ونتبهتلة هواي بصبص علة سلمى الي جانت تباوعلة بعينن وكحة ومن غير مستحة
عكسنة اني ورؤى الي بعمرنة ماعرفنة نحط عيونة بعين رجال غريب
صعدنة ويا بلسيارة وعيونة علفلوس الي حتة ماخمنتهن شكد بكد ماجانن هواي
طبينة للبيت وصعدنة للغرفة
توقعت راح يطلب من الفلوس الي حصلناهن بما ان هوة الي دلاهم بينة
وودانة ورجعنة
بس ابد ماطلب وكال هاذة تعبكم شترو بي الي يعجبكم
صعدة امي يمنة وتسأل بينة ليش نطوجن هلكد فلوس
جانت خايفة حييل وخصوصا من شافت الفلوس
زاد خوفهة وضلت تتسأل بينة
شسولجن وخوما شافجن رجال
خوما حجيتن وية رجال
صاحت رؤى الي تنرفزت حييل من حجي امي رغم هية الي الحت علينة بلروحة علمود ترضي رجلهة
أنت تقرأ
فاتنات من الزمن الجميل
Chick-Litكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
