#حنين_حاتم
#فاتنات_من_الزمن_الجميل.......بارت25
ونصدمنة من صراخ خالي ناهض الي رج لبيت رج وتراكضنة كلنة علي
ونفتحت باب لغرفة وطبينة علة صياحة وهوة يكول
ولكم تعالو
ولكم تعالو شوفو بعينكم
الله اكبببببببر ليش يابا ليش هييييييج
تقربت خالة هند الي بادن رجليهة من سمعت صياحة وهية تصرخ بي وتكلة
شبيك ناهض هبطتني كلبي راح
تعاي شوفي تعاي
ولج كل لاراضي ولبيت لكاعدين بي والمعمل بأسم فاروق
هوة هاذة عدلك يابا ليش هيج
عجل احنة مو ولدك
ماشتغلنة وياك بلمعمل
ماشتغلنة بهاي الأراضي الى ان نحنت ضهورنة
بيومهة شفت بعيون خالي ناهض كسرة ماشفتهة كل عمري
جان مهضوم حيييييل
من تصرف جدي
مو لان حرمهم من الميراث
بس لان فاروق ميستحق يتسجلن بأسمة
وتالي تورثهن شمة علحاضر
كل تعبة وشكا تورثة شمة وولدهة لمخانثة
خالي عبد الخالق حاول يهدئة وكلة لاتلوم الحجي
هاذة اكيد فاروق النذل قشمرة وهوة باخر ايامة تعب وصار ينسة
اكيد ستغل هاذ الشي وخلا يدورهن بأسمة
اذكر خالي ستمر اكثر من ساعة يصيح
ويعاتب بصورة بابا الحجي ويسكت ويرجع يكمل
جان مقهور حييييييييل
معمل وبيت اشبه بلقصر
وبساتين مالهن عد ولاحصر
يروحن لشمة بدم بارد
وهية ماتعبانة بيهن
وياريتهة تستحق
دقايق ووكع خالي ناهض
وركضنة علي كلنة شالو خالي عبد الخالق والولد واخذو للمستشفى
لليل مارجعو وهند تخبلت
ثاني يوم اجة ساهر وعرفنة من عندة
خالي ضاربتة جلطة
بيومهة خيم علبيت حزن ودموع ستمرن ايام وليالي وية ستمرار بقائة بلمستشفى تحت رعاية لاطباء
خالة هند تخبلت علي وتمرضت ويا
وحتارينة بينهة وبينة
ايام وليالي هوة بلمستشفى
نبجي وندعي
ماعدنة بهلدنية غيرة هوة وهند
الى ان طلعو مايكدر يحجي اي كلمة متنفهم من عندة
وحركة نهائيا ميكدر يتحرك
صار يكتب بلورق يلله نفهم علي
وتعود يخلي دفتر زغير وقلم بجيبة
حالة جان كلش يأذينة كل عمرة 55 سنة بساع بساع طاحو وعجزو هوة وهند
حتة شكولهم تقدر بعمر 70 سنة او اكثر
شي ميشيلة لعقل
شمة جانت اكثر شخص فرحان
منهة لورث نحصر بيهة هية وجهالهة
ومنهة خالي بعد مالة اي سلطة بلبيت وراحت عافيتة
وهند ماعادت ذيج هند
حتة حجيهة صار قليل
صار لتصرف والكلمة بلبيت لشمة وجناينهة
وسلمى مناكر وعرك وياهن
ساعة تكتلهن ساعة يكتلنهة
لبيت صار جحيم من المشاكل ماكو رداد الي يهابونة ويحترمو
كل هاذ الحجي ورؤى مااجت النة
وشكد اكعد اعاتبهة واكللهة ولج مانكسر خاطرج ماتكولين اخواتي اهلي اجي اشوفهم اطمأن عليهم
أنت تقرأ
فاتنات من الزمن الجميل
Chick-Litكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
