#فاتنات_من_الزمن_الجميل.....بارت35
كاعدين عصرية وطب نوري وكاضمية وياهم مصطفى وضاهر ركضت ابوس بيهم واحضنهم وطببهم صدام للأستقبال
شكولهم جانت كئيبة
ضحكت واني اكللهم ها متعاركين
ورد نوري بعيون دامعة وهوة يكلي ياريت لوعلعرك
بس كاضمية مريضة وكلش تعبانة
خير ياستار شبيهة
عدهة عجز بوحدة من كلياتهة ولثانية بيهة ضمور صايرة بكد حبة الفاصولية
لطمت صدري
يمممممة صخام سودة بوجهي منين اجتهة
رد نوري الي جان يباوع لجهالة بعيون عاجزة ودامعة
من زمان تشكي من صفاحهة وشكد اتوسل بيهة على روحة الطبيب ماترضة
تكلي اخذ اعشاب واصير زينة
نداريت على كاضمية الي مدنكة راسها وساكتة
ولج صدك جذب كاضمية يااعشاب
شجاج يختي ليش ساكتة على روحج
شهكت وصارت تبجي
اني ماعاولت صارو عندي خلفة وخلصت من الدكاترة والصرف
نوري ذب العدة والماعدة علدكاترة حتة احبل
لحد ماصرت اكره سيرة الدكاترة وافضل اتحمل الوجع ولا اروحلهم
قربت جهالهة على صدرهة وحضنتهم وكامت تشم بيهم وتبجي
نداريت على نوري الي وجهة مايتفسر
هسة شنو شراح تسون
الدكتور يكول تبديل كلية تحتاج وعلاج لكليتهة لثانية
ضلو يمنة للعشة بيومهة نوري يجر حسرات وكاضمية دمعتهة بطرف عينهة
لا اكلو لكمة ولاحجولهم كلمة مثل البشر
راحو وحيروني مثل حيرتهم
كعدت لصبحية صليت ودعيت الله يشفيهة لخاطر جهالهة
للعصر خابرنة نوري رد علي صدام وضل يحجي ويا بلنص ساعة واني عيني علي منتضرتة يكمل وافهم منة
لحد ماسدة وهوة يكلي كاضمية لازم تسوي عملية بلخارج نوري كلش خايف عليهة ويكول خاف هنا ماتنجح العملية مااكدر اجازف
لدكتور مالهة منطيهم رقم وعنوان دكتور بسوريا وكايللهم يروحولة
وراح يسويلهة جواز ويرحون بهاذ الشهر
اووووووووف
جريت حسرة واني ادعي الله يحفضهة لجهالهة وتكوم سالمة
بعدهة شابة ماشافت من دنياتهة شي ربي لاتحرمهة من جهالهة ولاتحرمهم منهة
كاعدين وركضت سليمة للمغاسل تتقيء
باوعتلهة شمة وهية ترمقهة بنضرات غريبة
وعدن شكم يوم سليمة على هلوضع
زواع ودوخة وعلى طول منسدحة بفراشهة
الى ان عاطت شمة وهية تكللهة
مبروك حبيبة انتي حامل
لطمت سلمى وجهة
لا عمة الله لايكولهة
سليمة تغشمين روحج انتي حامل يولي من وجهج اعرفج
وفعلا طلعت حامل
وصارت شمة تضغط على صدام تكلة وديهن لأهلهن احنة مامسؤلين بيهن
وبزرنة عدنة وهمة كبرو وماعادو بحاجتهن وشنو ذنبنة نربي بزر غيرنة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
