29th Scene
“Franji!” Napabalikwas ng bangon ang prinsessa. Nanaginip siya ng masama tungkol kay Franji.
“Bakit?” Naalimpungatan din si Grace.
Mayamaya ay may kumatok. Nang pagbuksan nila ay tumambad sa kanila sina Cheska at Trigger.
“Ano’ng ginagawa ninyo dito?” takang tanong ni Grace.
“Naiwan ko pala cellphone ko dito.”
“Tatanga-tanga. E ikaw naman?” paling nito kay Cheska.
“Manghihiram sana ako ng pocketbook.”
“Gabing-gabi na ha. Di man lang ipagpabukas!. Okay sige pasok.”
Abala ang lahat sa silid ni Grace nang biglang lumiwanag at lumitaw ang isang estrangherong lalake suot ang wirdung kasuotan. Hindi ito ang tipo ng katatakutan dahil nagtataglay ito ng maamo at gwapong mukha at ang haba ng buhok nito ay hindi normal para sa isang lalake.
“Sino ka?!” marahas na tanong ni Cheska habang nasa harap ito ng tokador. Isang malakas na sampal ang ibinigay ng estrangherong lalaki sa kanya kaya agad siyang nawalan ng malay.
“Cheska!” Sabay-sabay na tawag nina Trigger, Grace at Shally kay Cheska na ngayon ay marahang inilalapag ng estrangherong lalake. Matapos nitong mapasandig sa tokador ang walang malay na si Cheska ay hinarap nito ang tatlo.
Si Trigger na labis ang galit na naramdaman sa nasaksihan ay walang pakundangang sumugod ngunit isang malakas na sipa lang ng estrangherong lalake ay tumilapon agad ito papunta sa dingding. Gagamitan sana ito ng kapangyarihan ni Prinsessa Shally ngunit madali rin nitong napatulog ang prinsessa sa pamamagitan ng isang malakas na sampal. Agad nitong nasalo ang nawalang malay na prinsessa.
“Walanghiya ka!” Hindi na napigil ni Grace ang galit. Sinugod niya ang estrangherong lalake. Pinagbabayo at pinagsasampal niya ito pero isang malakas na suntok sa tiyan ang nagpatigil sa kaawa-awang si Grace. Nang mawalan ng malay si Grace ay nahipnotismo ang lalake sa kagandahan nito kaya naman kahit wala sa plano na magdala ng tao sa mundo ng Fantas ay isinama niya ito para gawing asawa.
BINABASA MO ANG
Amazing Teens and Princess Shally
FantasyAng Fantas ay lugar kung saan matatagpuan ang Aquazenaika na pinaghaharian ng mag-asawang Reyna Sharlimae at Haring Angelito kasama ang nag-iisang anak na si Princess Shally na sa labis na kuryusidad ay napadpad sa mundo ng mga tao at nakilala si Fr...
