28th Scene
Isang mahiwagang babae ang lumitaw matapos mawalan ng malay ni Franji at umalis ang maliliit na nilalang na nagpulupot sa kanya. Ang babae'y nagmula sa naiwang alahas ni Prinsessa Shally, bigla itong lumiwanag at umangat sa ere tapos lumitaw nga ang babaeng nagsisilbing tagapangalaga ng prinsessa mula nang siya'y isilang. Ito ay kusang lumabas sa pagkakahimlay sa alahas ng prinsessa upang tulungan at gamutin ang sugatan at walang malay na si Franji, ang nakatakdang tagapagtanggol ng prinsessa.
Sa pamamagitan ng kapangyarihan ng diwatang tagapangalaga ng prinsessa ay pinagaling nito si Franji.
"Sino ka?" Iyon ang bungad ni Franji pagkadilat na pagkadilat ng mata.
"Huwag kang matakot. Ako ang tagapangalaga ng prinsessa. Tawagin mo ko sa pangalang Aflicasus. Narito ako upang ipaalam sa'yo na nanganganib ang prinsessa sa kamay ng mga nilalang na gusto siyang gawing kasangkapan para magtagumpay ang masamang balakin, ang pag-angkin sa kayamanan ng Aquazenaika. Ito ay nakakapagpagaling ng ano mang karamdaman at maaari ka ring humiling sa sagradong batong ito. Ang prinsessa ay ginawaran ng kapangyarihan para pangalagaan ang buong Aquazenaika lalo na ang batong Aquasofresha. Luha at dugo ng prinsessa ang tanging paraan para mahawakan ng sinuman ang nasabing bato kung kaya marami ang nais na siya'y dakpin."
Naguguluhan man ay pumasok naman sa utak ni Franji punto ng diwata. Nanganganib ang prinsessa at kailangan niya itong iligtas kaya naman dali-dali siyang lumabas ng bahay at tumungo sa bahay nina Grace.
BINABASA MO ANG
Amazing Teens and Princess Shally
FantasiAng Fantas ay lugar kung saan matatagpuan ang Aquazenaika na pinaghaharian ng mag-asawang Reyna Sharlimae at Haring Angelito kasama ang nag-iisang anak na si Princess Shally na sa labis na kuryusidad ay napadpad sa mundo ng mga tao at nakilala si Fr...
