وصية زواج

الفصل 3 💙

استيقظت في منتصف الليل من نومها علي اثر رنين هاتفها الذي ازعجها التقطته دون ان تنظر من المتصل واجابت بصوت يملأه النعاس: الوو

_مكنتش اعرف ان صوتك احلي وانتي نايمه
فتحت نصف اعيونها ف علمت هويه المتصل
اجابت و بدون مقدمات:
_جبت رقمي منين
كريم بخبث:
_من العصفوره
حدثت نفسها
اكيد من رغد منك لله يامايا
اجابته بجديه ممتزجه بحده:
_اسمع ياكريم انا لحد دلوقتي متساهله معاك احسنلك متتصلش بيا تاني وتشلني من دماغك الا والله هتشوف حاجه مش هتعجبك
تجاهل كريم كلامها واستمر في مغازلتها علها تلين
اتصدقي اسمي حلو منك قوليه مره كمان
جزت علي اسنانها تكاد تجن من بروده :
_ انت ياما حاجه من الاتنين يا اما عبيط يا اما متخلف مبتفهمش
حاول استفزازها اكثر:
_اهدي بس خلينا نتفاهم
  بلغت زروتها من الغضب فا صاحت به  مهدده
_مش هحظرك تاني الي عندي قولتهولك وانت حر في الي هيحصلك  اغلقت الهاتف في وجهه بعصبيه وصدرها يعلو ويهبط من انفعالها
حدث نفسها بغضب تلعنه
_ منك لله طيرت النوم من عيني
دثرت نفسها في الغطاء و عادت تحاول النوم مره اخري..
علي الجهه الاخري يجلس كريم مريحا رأسه علي وسادته ينظر الي الهاتف وهوا يضحك بشده وضع كفاتا يديه خلف رأسه واغمض عينيه
_ شكلك هتتعبيني بس بردو مش هغلب ياوعد وهفضل وراكي لحد ما اكسر عنادك واخليكي انتي الي تعترفي بحبي والتحدي كبر في دماغي
********************************
في صباح يوم جديد تدخل اشعه الشمس لتملأ غرفتها رمشت  باهدابها عدت مرات قبل ان تنظر للساعه لتجدها التاسعه صباحا
نهضت بفزع
_ يالهوووي انا اتاخرت اوي ازاي مسمعتش المنبه التقطت هاتفها لتري شاشته مطفأه تذكرت انها اغلقت بعد ماحدث ليله لتضرب جبهتها بيدها
_ اااخ نسيت خالص نهضت وداخلها يلعن ذاك الكريم  فتخت هاتفها و اتجهت سريعا نحو المرحاض خرجت سريعا بعد مده لم تطل ودلفت الصالون المتواضع وجدت والدتها تعد طعام الافطار ووالدها يجلس كعادته يقرأ الجريده
_صباح الخير
نطقتها لتجذب نظارتهم لها
الاب احمد :
_صباح النور يابنتي اردف يسألها
ايه مش وراكي كليه ولا ايه
وعد بحزن:
_ لايابابا ورايا بس راحت عليا نومه وراحت عليا المحاضره الاولي اردفت معاتبه وهيا توجه بصرها لوالدتها
_ مصحتنيش ليه ياماما
الام سميه 
_ما انا عارفه انك سهرانه تذاكري طول الليل ياحبيبتي فا سبتك تنامي نطقتها بحنان امومي  المهم البسي يلا وتعالي عشان نفطر
اومأت بطاعه
_حاضر ياماما
عادت لفرفتها ووقفت امام خزانه ملابسها واختارت ملابس مكونه من بلوزه باللون السماوي وجيبه باللون الوردي وحجاب يتماشي مع اللونين ارتدت ملابسها سريعاً ثم اتجهت نحو هاتفها الذي يصدح دون توقف ف اجابت دون مقدمات:
_ انا عارفه انك هتشتميني بس والله غصب عني راحت عليا نومه
قالت الاخري وهيا تتأفأف:
_ شوفي ياهانم اتصلت عليكي كام مره وتليفونك مقفول وبسبب تاخيرك راحت عليا المحاضره الاولي علي الاقل كنتي ردي لاني قلقت عليكي
وعد باعتزار:
_ اسفه والله ياميمو متزعليش مني انا لبست اهو وخلصت ثواني واكون عندك اردفت بمزاح
_يلا زي بعضه هعزمك علي الفطار
ضحك وبادلتها المزاح
_لو الموضوع في روشه فا انا قعده مستنياكي في الكافتريا  متتاخريش وقبل ان تغلق
_ عشان عندي مفجاه حلوه ليكي
وعد بمزاح:
_ استر يارب مش بخاف غير من مفجأتك دي
مايا بحنق:
_ لايختي متخفيش هتعجبك المهم متتاخريش يلا سلام
وعد:
_سلام
غادرت غرفتها  وهيا تحمل حقيبتها وقبل ان تخرج من باب المنزل اوقفها صياح والدتها
_  استني ياوعد هتنزلي من غير فطار كده
وعد
_ معلش ياماما هروح افطر  هناك اتاخرت علي مايا وهتولع فيا
سميه بحنان:
_ ماشي يابنتي خدي بالك علي نفسك ياوعد (وطبعا قالت جمله بتقولها كل ام مصريه) اوعي ياوعد تكلمي حد ولاتسمعي كلام حد
وعد وهيا تقبل راس والدتها:
_متخفيش عليا ياست الكل انتي عارفه بنتك بميه راجل لفظتها بمزاح ثم اتجهت نحو والدها. قائله: _عاوز حاجه يابابا
احمد
_عاوز سلامتك يابنتي خلي بالك من نفسك ، في رعايه الله
خرجت وعد بعد ان ودعت والديها واستقلت سياره اجره متجهه نحو الكليه ظلت تبحث بعينها عن صديقتها ولم تجدها باي مكان ف اخرجت هاتفها
سألتها وعد وعيناها تتفحصان المكان
_ايه يابنتي فينك انا قدام الكافتيريا مش شيفاكي استدرات مايا بوجهها لتراها وعد وعلامات الصدمه والفرح علي وجهها
كانت مايا ترتدي حجابا وفستانا باللون الازرق ركضت وعد نحوها تصرخ بسعاده
_ مش مصدقه يامايا اخيرا. لبستي الحجاب والله شكلك زي القمر فيه
ابتسمت مايا
_ايو انا خلاص قررت هلبسه ومش هقلعه وعن اقتناع المرادي
وعد بفرح لصديقتها:
_ الف مبروك يامايا احلي مفاجأة عملتيها
جلست الفتاتان يتحدثون الي حين موعد المحاضره الثانيه
************************************ جلس يراقباها عن بعد بتركيز قطعته نبره  تأتي من خلفه
نانسي بدلع
_ ايه ياكريم مبقناش بنشوفك يعني القت نظره الي ماترتمي عليه عيناه واردفت بحقد ولا السنيوره خدت مكانا خلاص
كريم بخبث :
_ عيب عليكي يانونو انتِ الاصل وبعدين السنيوره دي مجرد حاجه حاطتها كده في دماغي
نانسي وهيا تقترب من كريم:
_ ما انا قولت كده بردو ياكوكو اصل مش معقول زوقك بقا بلدي اوي كده
كريم :
ياسيدي علي كوكو اموت انا في الدلع  اردف بمكره بقولك ايه يانونو انا هحتاجك كده في كام حاجه اليومين الجايين
نانسي بميوعه
عيوني ياسي كريم انت َ تطلب وانا انفذ
اشارت داليا من بعيد لنانسي ف فهمت الاخري مقصدها وقالت بعدم اكتراث
_ اه ياكريم بقولك هوا صحبك شريف ده ايه نظامو
رفعت احدي حاجبيها يسالها
_ نظامو ايه مش فاهم
نانسي وهيا تغمز
_ يعني في البنات وكده اصل في واحده صحبتي كل شويه مصدعه دماغي بيه
كريم بمزاح
_: ياسيدي ياسيدي والله وبقا ليك معجبين ياشريف ...
المهم هاتيها انتي يستي وملكيش دعوه هظبط ليهم قعده حلوه
مررت نانسي اصابعها على وجنته قبل ان تقول
_ تسلملي ياكوكو يلا انا هروح بقا اشوفك بعدين
بعد ان غادرت نانسي من امامه استوقفتها داليا قائله بلهفه:
ها عملتي ايه يانانسي قالك ايه هاهاها
نانسي بعصبيه:
_ ماتهدي بقا خليني اتكلم
داليا :
_ سوري يانانسي انتي عارفه اني مستنيه اللحظه دي من زمان
نانسي وهيا تتنهد:
_  قالي هاتيها وانا هظبط ليهم قعده مع بعض
قفزت داليا بفرح وهيا تقبل نانسي :
_شكرا شكرا شكرا
ابعدتها نانسي قائله:
_ خلاص بقا خلاص
************************************
اثناء المحاضره اضاء هاتف مايا معلنا عن وصول رساله قامت بفتح الهاتف لتجد محتوي الرساله يقول: _علي فكره شكلك زي القمر بالحجاب متعرفيش انتي كبرتي في نظري ازاي نظرت الي الهاتف بتعجب ثم اغلقته مره اخري رأتها صديقتها شارده فقالت بهمس:
_ في ايه يامايا
مايا بنفس الهمس:
_ مش عارفه ياوعد في حد بعتلي رساله غريبه فتحت الهاتف مره اخري وناولته لوعد كادت وعد ان تتكلم ولاكنها سمعت
_ الاتنين الي وراه لو مش عاجبهم المحاضره يتفضلوا بره
اخفضت الفتاتان راسهما بخجل عندما نظر الجميع اليهم قالت وعد
_ عجبك كده استني بقا لما نخرج
***********************************
انتهت المحاضره وخرجت الفتاتان
سألتها وعد:
  _مين الي بعتلك الرساله دي
لوت مايا شفتها السفلي وقالت
_ معرفش ياوعد انا معرفش الرقم ده ولاحد لسه شافني بالحجاب يعتبر غيرك انتي
تذكرت وعد شيئا ثم قالت:
_ نسيت احكيلك خالص امبارح سي كريم اتصل عليا وبسببه هوا اتاخرت في النوم قعد يتنحنح شويه بس علي مين انا مسكتلهوش وفي الاخر قفلت في وشه
قهقهت مايا بشده علي جنون صديقتها قائله: يالهوي عليكي انتي هتقوليلي لما بتقلبي
  ......... وبعدين هوا جاب رقمك منين
وعد: اسالي الهانم الي راحت تدي الرقم لست زفته وحضرتك صدقتيها اكيد كانت خطه منه ...... ده انا لو شوفتها هجبها من شعرها الي طلقهولي ده دي منظر واحده تصدقيها اصلا
مايا: خلاص بقا ياوعد مش عاوزين مشاكل خلينا في حالنا وخلاص وانا يستي معتش هصدق حد تاني
وقفت الفتاتان بعد ان خرجوا بانتظار سياره اجري
مايا : انا اخويا محمد هيجي ياخدني مع خطيبته صعبت عليه عشان مش بروح في حته ف قالي تعالي هخرجك مع اني مش عايزه اخرج مع خطيبته البومه دي ثم اضافت بمزاح...... مش كان زمانك انتي مكانها ياخيبه قالتها وهيا تغمر لها وكزتها وعد في كتفها وقالت: بس يابت ده نصيب وبعدين اوعي تقولي كده قدامها تاكلنا هما بيحبوا بعض ربنا يتمملهم بخير يارب
مايا وهيا تتنهد: يارب ياوعد ..... طب ماتيجي نوصلك في طريقنا طيب بدل ماتركبي تكسي لوحدك
وعد بسرعه: لالا ميصحش روحي انتي ياقلبي اتبسطي وانا لما اروح هكلمك
مايا: ماشي ياقلبي خلي بالك من نفسك رحلت مايا من امامها بعد ان جاء اخيها
وقفت وعد بانتظار سياره اجري لكي تقلها ولاكن رأت فجاه شابين يسيرون نحوها وبداو في مدايقتها
الشاب 1: ايه ياجميل واقف لوحدك ليه
الشاب 2: مش محتاجه صحبه طيب
ابتعدت وعد بعض الخطوات الي الخلف خوفا منهم وقالت وهيا خائفه: انتوا عاوزين مني ايه ابعدوا عني الشاب1: تعالي هنا بس عاوزينك في كلمتين ثم بدا في وضع يده عليها قامت وعد بالصراخ وفي هذه الاثناء ظهر كريم امامها : تعالي اقولك انا كلمتين ياحلو وانهال عليهم بالكمه تلو الاخري وقفت هيا خائفه ووضعت يديها علي ازنها واغمضت عينيها خوفا من المشهد ....... بعد ان انتهي كريم من ضربهم قال: تعالي ياوعد متخفيش انتي كويسه مفيش حاجه حصلت في هذه الاثناء اخرج الشاب سلاحه وضرب كريم في راسه من الخلف ثم هربوا وقع كريم علي الارض امام وعد ظلت تصرخ وهيا تنادي باسمه خائقه: كريم قوم ياكريم قوم معايا كريم بصوت متقطع وهوا يحاول المزاح: شو ف تي كل ده عش شان قفتلي في وشي السكه امبارح حاولت الابتسامه من بين دموعها ولاكن فجاه اغشي عليه ظلت هيا تصرخ بشكل هستيري : كريم قوم ياكريم متموتش ارجوك قوم وقفت وحاولت ان توقف سياره اجري وبالفعل نجحت في ان توقف واحده ثم قالت لصحاب السياره: ارجوك ساعدني نشيله اوديه المستشفي ساعدها الرجل بالفعل وهيا تحاول اسناده من الجهه الاخري ليذهبو به الي  المشفي
ياتري ايه الي هيحصل لكريم ووعد هيكون ايه موقفها مع كريم بعد الي عمله؟!
يتبع ...