وصية زواج

الفصل الخامس 💙

part 5...

احيانا نقوم بالغاء عقولنا لتكون قلوبنا هيا من تتحكم بنا.. ولاكن هل كل مايجبرنا القلب علي فعله صحيح.. ام اخطاء نندم عليها لاحقا
*******
في الصباح التالي استيقظت وهيا تشعر. بالم في راسها لكونها لم تنم جيدا جلست علي سريرها وهيا تضع راسها بين كفيها مغمضه عينيها بالم تتذكر ذلك الحلم الغريب كانت تري نفسها وهيا تركض وتبكي كانها خائفه من شئ وتسير في طريق مظلم تركض وتسقط وتنهض مره اخري وتسقط ولاكن في النهايه رات ذلك النور المنبعث متجها اليها وتلك اليد الممدده لها كانها تنتشلها من ذلك الظلام الدامس تذكرت كيف نهضت مفزوعه خائفه تشعر وكانها اشاره لشئ سيئ استغفرت ربها ودعته بان يسلم طريقها ونفضت تلك الافكار من راسها دلفت الي المرحاض اخذت حماما لعله يزيح ذلك الالم في راسها خرجت وادت فرضها ثم اتجهت لكي تلقي التحيه كالعاده علي والديها وعد: صباح الخير ياماما
سميه: صباح الخير ياحبيبتي تعالي يلا عشان تفطري اومأت برأسها ثم جلست علي الطاوله لتناول طعام الافطارفي صمت نظرت حولها لم تجد والدها ثم. قالت بتساؤل: امال فين بابا مجاش يفطر ليه
الام بحزن: ابوكي تعبان شويه ف قولتله يريح في اوضته ومينزلش النهارده الشغل قام فطر وخد العلاج ونام تاني
وعد بقلق وخوف علي والدها: تعبان ماله طب نجبله دكتور نطمن عليه
سميه مطمأنه اياها: لامتقلقيش هوا ضهره تاعبه شويه بس ..قولتله متضغطش علي نفسك في الشغل سايبنله هوا كل الشغل التقيل (كان يعمل والدها احد عاملي البناء) ثم اردفت بحزن : قولتله مايتعبش نفسه اوي في الشغل وانا هبقا اشوف اي شغل لحد ماهوا يشد حيله بس هو مسمعش كلامي و.
-لما ابقا اموت ابقي روحي اشتغلي انتي وبنتك لاكن طول ما انا عايش مش هخلي حد فيكوا يتمرمط-
نظر الاثنان الي مصدر الصوت لم يكون سوي احمد قال جملته تلك وهوا يسير نحوهم ممسكا ظهره بالم اسرعت اليه وهيا تحتضنه قائله له بعتاب :كده يابابا انا زعلانه منك ليه مقولتليش انك تعبان كنت جبتلك دكتور .. وبعدين بعد الشر عليك انت هتعيش 100 سنه كمان هتعمل نفسك كبرت بقا. ابعدها عن احضانه برفق وهوا يضحك بشده علي ابنته فدائما كانت هيا من تستطيع ان تنسيه التعب بروحها المرحه كما كانت قريبه الي قلبه لكونها ابنته الوحيده قال لها ممازحا: 100 سنه مره واحده .. وبعدين نجيب دكتور ليه وانا بنتي دكتوره اد الدنيا. اجابته بمشاكسه: لسه مبقتش ياحج انا لسه بقول ياهادي وبعدين انا ناويه اكون دكتوره اطفال مش عايزه امسك انا الدم والقرف ده حاجه كده يع
اجابها وهوا يمسك انفها بمشاكسه وهوا يضحك: يع! والله انا خايف تطلعي مدرسه في الاخر نظرت اليه ثم غرقوا في نوبه من الضحك جاءت والدتها قائله: طب روحي ياغلباويه البسي هتتاخري علي اليع وسيبي ابوكي يرتاح بقا
وعد بمزاح: هوا الجميل بيغير ولا ايه قالتها وهيا تغمز لها .. طب قولي بقا انك عايزه تطرقيني من الاول عشان اخدت مكانك وراحت عليك ياجميل نظرت اليها والدتها بغضب قائله: بنتتت
تحركت تتجه نحوها قائله بمشاكسه وهيا تحتصنها: هههههه خلاص خلاص ياماما متزعليش اوي كده انتي الاصل بردو ولا ايه يابو حميد كانت توجه نظرها الي والدها الذي حاول بقدر الامكان كتم ضحكاته علي مشاكسه ابنته محاولا التحدث بنوع من الجديه قائلا: يلا ياوعد روحي عشان هتتاخري علي جامعتك
لوت فمها بحنق قائله مش هعرف اخلع النهارده يعني.... ثم اكملت بمزاحها المعتاد ماشي يابوحميد قعدت انت تتكلم كتير وتهزر وتعطلني ينفع كده يلا مش مهم بقا هروح البس وامري لله ... ثم رحلت من امامهم متجهه نحو غرفتها لتستعد للذهاب الي الكليه وهيا تفكر كيف ستتهرب من كريم!
،،
وقف والدها وهوا يحرك راسها يمينا ويسارا وعلي وجهه ابتسامه خفيفه قائلا: ربنا يهديكي ياوعد واطمن عليكي قبل ما اموت سمعت حديثه الام قائله بعتاب: بعد الشر عليك يابو وعد متقولش كده ربنا يديك الصحه ...
-مش عارف ياسميه عايز اطمن عليها مع ابن الحلال الي يستاهلها
ربتت علي كتفه قائله: بكره ربنا يبعتلها الي يستاهلها ويصونها .. يلا خش ارتاح في اوضتك انت لسه تعبان