وضعت لمساتها الاخيره علي حجابها و نظرت في المرآه و ارسلت قبله في الهواء لتعكسها في المرآه وغازلت نفسها
_بس ايه الجمال ده يا بت يا وعد
اتجهت لتحمل حقيبتها لكن قبل ان تحمل الحقيبة رن هاتفها ..
تفحصت شاشه هاتفها
_دي مايا و هتديني كلمتين علي الصبح عشان التأخير..
وضعت الهاتف علي اذنها و اسرعت تخرج من الغرفة و هي تتحدث في الهاتف :
_ميمو حبيبتي كنت لسه بسأل متصلتيش تهزقيني ليه لحد دلوقتي
صرخت الاخري عبر الهاتف :
_تموتي لو عملتي حاجة بدري
تأفأفت وعد
_ خلاص بقا يا ميمو
زفرت مايا
_ صبرني يا رب اردفت طب حتي اول يوم تنزلي و روحي بدري
وعد بصوت مرتجف :
_ بس عشان كل ما افكر في الموضوع اخاف علي قد ما انا فرحانه علي قد ما انا خايفه
مايا :
_طب يلا عشان متتأخريش
وعد بضيق :
_ ميمو دي كليه مش مدرسة لازم نحضر طابور الصباح
مايا :
_ هموت و اعرف بتنجحي ازاي لاء و كمان من المتفوقين
وعد :
_قري بقا مش كفايه مصحياني من بدري
مايا بسخريه :
_ في المستشفى هيسيبو الناس تموت عشان الهانم مش بتحب تصحي بدري
وفجأة وجدت مايا احد يسحب الهاتف من يدها
نظرت مايا إلى الخلف و عندما وجدتها وعد قالت بسخرية :
_ما لسه بدري
وعد و هي تشير الي ملابسها التي كانت عبارة عن فستان طويل بلون الوردي مع طبقه من الشيفون بالون النبيتي و قالت :
_مش كنت بظبط نفسي عشان اول يوم
ضحكت مايا و قالت :
_في دي معاكي حق اخيرا خلصنا من بدله الاعدام
انفجرت الفتاتان في الضحك
و بعد فتره وصلوا إلى الحرم الجامعي
توقفت وعد لحظات تنظر حولها بنبهار قبل ان يقاطعها صوت بوق سيارة و صراخ احد فيها
استدارت وعد و قالت بضيق :
_افندم عايز ايه
خرج شاب من السيارة بملامح وسيمه و قال بسخرية :
_عايز ايه اردف وهوا يرمقها بحنق ولا حاجه خالص بس بجرب الكلاكس بتاع العربيه
وعد بهدوء مستفز :
_ها و طلع شغال
حاول كبت غضبه وقال من بين أسنانه :
_ لاء طلع في ناس متخلفه في الكليه بس
وعد بغضب :
_ تقصد مين بالكلام ده
الشاب باستهزاء :
_إلي علي راسه بطحه بقا
خرج شاب اخر من السيارة وحاول تهدأت الأجواء :
_حصل خير يا انسه انتقل بنظره للآخر واردف
_و انت يا كريم يلا اركب
زفر كريم و توجه للجلوس في السيارة
اقتربت مايا من وعد و سحبتها و هي تقول بهمث
_خلاص بقا يا وعد مش من اول يوم خناق
وعد بضيق :
_ هو إلي بداء الاول .. انسان متخلف
مايا وهيا تسحبها :
_خلاص بقا
وعد بغرور : مش هخلي واحد ذي ده يعكرلي مزاجي
**********************************
بعد ابتعاد كريم عن الفتاتان قال شريف صديق كريم بنوع من الضيق :
_كان لذمتو ايه بس كل ده
كريم بخبث :
_ اصل الصراحة البت حلوه
ضحك شريف و قال :
_مش تقول من الصبح انها عجباك
اردف بجديه :
_ بس شكلها محترم ابعد عنها
كريم بلامبالاه :
_ كلهم ذي بعض
شريف
_لاء طبعا
كريم بثقه :
_ تراهن انها هتحبني
شريف وهوا يضيق عيناه :
_ هتخسر ياكريم صدقني
اصدر كريم ضحك ساخره وقال :
_هنشوف
************************************
دلفت الفتاتان الجامعه وهم ينظرون حولهم حيث وجدوا الفتيات يضعون جميع أنواع مساحيق التجميل ويرتدون ملابس قصيرة للغايه والبعض منهم يقفون مع الشباب يضحكون ويمزحون
مايا وهيا تفتح فمها وتقول لوعد :
_يالهوي ايه ده احنا شكلنا جينا عنوان غلط ولا ايه رمقتهم وعد باشمئزاز :
_شكلها هتبقا سنه زفت اردفت تعالي يامايا ندور علي جدول المحاضرات بتاعنا
اتجهت الفتاتان نحو الجدول وفي هذه الاثناء كان كريم وشريف يقفون مع اصدقائهم حيث رأي كريم وعد ومايا يسيرون باتجاههم كان كريم ينفخ دخان سيجارته وهوا يخطط لشئ حيث نظر شريف إلى ماينظر اليه كريم وقال :
_بردو مش هتعرف توقعها صدقني دي مش زي اي واحده زباله هتضحك عليها بكلمتين
كريم بثقه تناسبه:
_ مفيش حد يقدر يقاوم سحر كريم ثم اضافه بابتسامه هجبها بالحنيه واضحك عليها بكلمتين لحد ما اوقعها في شباكي واخد الي انا عاوزه اردف وهوا يشير لنفسه بتفاخر
_اتفرج واتعلم
نظر له شريف بنازعاج ولم يتحدث في هذه الاثناء كان كريم قد توجه نحو الفتاتان قالت مايا لوعد : _بصي إلي داخل علينا ده
زفرت وعد بانزعاج :
_ استغفر الله العظيم يارب هوا الكائن ده ورانا ورانا وقف كريم امام وعد وقال وهوا ينظر لعينيها مباشرتآ
_ يا انسه انا كنت بس جاي اتاسفلك عن الي حصل مني الصبح انا كنت مدايق بس شويه ياريت متكونيش زعلانه
ارتبكت وعد من نظراته المسلطه عليها ولاكنها لم تظهر ذلك اردفت بثقه ورأسها مرفوعه بتمرد :
_تقبلت
رمقها كريم بتعجب حيث اكملت بغرور
_ اسفك... اه وياريت المره الجيه تحاول تتحكم في غضبك عشان مش كل الناس هتعديها
رحلت من امامه تاركه اياه يتابعها بعيناها بين نظرات دهشه واعجاب قائلا بابتسامه ماكره :
_ تقيل تقيل بس علي مين ده انا كريم
&يتبع&..
#رأيكم يهمني
اول روايه ليا ^^
اتمني تفاعل 💜
أنت تقرأ
وصية زواج
Romanceيوقعها القدر في حب شخص سيئ السمعه سئ الخلق ولايعرف ماهو الحب يقوم فقط بالتسليه بالفتيات لتظن انه قد تغير ولاكنها لاتعلم بان الطباع لاتتغير، ، لتقع بعدها اسيره في حبه الذي لم يكن سوي وصيه زواج! ولاكن هل يستطيع حبهما الصمود امام تلك الازمات التي ستقو...
