အဝါမှိုင်းမှိုင်း​ရောင်​လိပ်​ပြာငယ်​( အဝါမွိုင္းမွိုင္းေရာင္ လိပ္ျပာငယ္)

၂

Unicode

အချိန်​ကား ၁၉ ရာစုနှစ်လောက်ဖြစ်မည်။ ခံစားချက်မှာ ခပ်မှိုင်းမှိုင်း ။

​နေရာကား အပင်​ကြီးတစ်​ပင်​အောက်​က ခုံတန်း​လေးနားမှာဖြစ်​ပြီး မိန်းမပျိုတစ်​ယောက်​နှင့် အမျိုးသားငယ်​လေးတစ်ယောက် ပါဝင်သည် ။
မြင်ရသည်နှင့်ပင်​ စုံတွဲမှန်းသိသာ​စေတာက
လိုက်​ဖက်​ညီ​နေမှု​ကြောင့်​သာ ဖြစ်​မည်​ထင်​ပါရဲ့လေ ။

"ကိုယ်​တို့ လက်​ထပ်​ကြရ​အောင်​လေ "

"ဟုတ်​ကဲ့ပါ အကို "

အဝါရောင်​ရင်​ဖုံးအင်္ကျီ ခါးတို​လေးနှင့် ယောလုံချည်​မရမ်း​ရောင်​ကို လိုက်ဖက်စွာ တွဲဖက်ဝတ်​ဆင်ထားသည့် ထိုအမျိုးသမီးငယ်​လေးဟာ ရှက်​ပြုံး​လေးနှင့် လွန်စွာမှ လှပ​လို့နေလေ၏ ။

သူမ နံ​ဘေးမှ ပြုံးပြုံးကြီး ငေးကြည့်​နေသည့် အမျိုးသား၏ မျက်​ဝန်း​တွေထဲ၌လည်း ချစ်​မြတ်​နိုးမှု​တွေက ဖုံးဖိလို့မရနိုင်​တဲ့အထိ ပြည့်လျှံ၍နေသည် ။

သိပ်မကြာခင်​ လက်​ထပ်​တော့မည့် စုံတွဲနှစ်​ဦးအတွက်​ ​ကြည်​နူးစရာ အချိန်​အခါ​လေး ဆို​ပေမဲ့ ထူးဆန်းစွာပင် ရင်​ဘတ်​ထဲ၌ ဆို့ကျပ်​ပြီး နာကျင်​လာခဲ့​လေသည်​။ ထို့နောက် လန့်ဖျတ်၍ နိုးထလာရပြန်၏ ။

"ဟင်​ ..
. ငါ ထပ်ပြီး အိမ်​မက်​မက်​နေတာပဲ "

ထိုအမျိုးသားနှင့် အမျိုးသမီး အ​ကြောင်းကို တစ်​ခါလေးတောင်မှ မ​တွေးဖူးပါပဲနှင့် ဒီပါ့အိမ်မက်ထဲ ဘယ်​လို ရောက်လာရပါသလဲ ။
ပြီး​တော့ ဒီပါ့ပါးပြင်​ပေါ်သို့ စီးကျလာသည့် ပူ​နွေး​နွေး မျက်​ရည်​တွေ ။

"ငါ ငို​နေခဲ့တာလား "

အိမ်​မက်​ထဲ ပါဝင်သူ​တွေကိုလည်း တစ်​ခါမှ မမြင်​ဖူးသည့်အပြင်​ အိမ်​မက်​ထဲက ကြည်နူးဖွယ်အ​ကြောင်းအရာနှင့် ဒီပါ့ မျက်​ရည်​တွေကလည်း နည်းနည်းလေးသော်မျှ မသက်​ဆိုင်​။

ဒီပါ သဘောကျသည့် စီနီယာစာရေးသူတစ်ယောက်ကတော့ ပြောပြဖူးသည် ။ စာ​ရေးသူ​တွေဆီကို သူတို့ဇာတ်​ကောင်​တွေဟာ တစ်ခါတရံ အလည်​လာတတ်​ကြပါသည်​တဲ့ ။ ထိုသူများက ဒီပါ့ ဇာတ်လမ်းတွေထဲက ဇာတ်ကောင်တွေများ ဖြစ်နေလောက်မလား တွေးကြည့်တော့ ဒီပါ့ ဝတ္ထုတွေထဲ ထိုခေတ်​အခါက ဇာတ်လမ်းပုံစံမျိုး ​ရေးဖူးတာ​မျိုး မရှိခဲ့ ။