Unicode
"ဟိုးရှေးရှေးတုန်းက ... "
"ဟိုး ရှေးရှေးတုန်းက ဆိုတာ
ဘယ်လောက်အကြာ
ရှေးရှေးတုန်းကလဲ မမ "
ပုံပြင်စာအုပ်လေး ကိုင်ပြီး ဆရာမကြီး စတိုင်လ်နှင့် စိတ်ရှည်လက်ရှည် ပုံပြင်ပြောပြနေသည့်
ကောင်မလေးတစ်ယောက်ရယ် ကပ်သီးကပ်သပ်တွေ လိုက်မေးရင်း အမေးအမြန်းထူနေသည့် ကလေးမလေး တစ်ယောက်ရယ် ဝါထိန်နေတဲ့ ငုဝါပင်ကြီးအောက်မှာ ခပ်သာသာကြိမ်းမောင်းသံ နှင့်အတူ ရယ်သံလွင်လွင်လေးများက အိမ်ရှေ့အထိပင် ပျံ့လွှင့်လာသည် ။ မိုးအငွေ့အသက် အနည်းငယ်ပါသော လေပြေလေးကလည်း ခပ်အေးအေးငြိမ့်ငြိမ့် တိုက်ခတ်နေပြီး တစ်ဖက် ပိတောက်ပင်ကြီး ဆီမှ ပန်းရနံ့များက လတ်ဆတ်စွာ ထုံသင်းလို့နေသေးသည် ။
သူ့ကြောင့် ဖြစ်တည်လာသော အဖြစ်အပျက် တစ်ချို့သာ ရှိမနေခဲ့လျှင် အင်မတန် သာယာလွန်းသော ညနေခင်းလေး ဖြစ်နေမှာ သေချာပါသည် ။
အဖြစ်အပျက်ဆိုး ၏ အစဟာ သာယာလွန်းလှသည့် ထိုနေ့ညနေခင်းမှာပင် အစပြု ဖြစ်တည်ခဲ့သည်ဟု ဆိုလျှင် ညနေခင်းလေး အပေါ် တရားပါ့မလားတော့မသိ ။ သို့သော် တရားမမျှတစွာပင် ထိုကဲ့သို့ ဆိုရတော့မည်။
"အခုချက်ချင်း ငါ့အိမ်ထဲက ထွက်သွား
ရာရာစစ အခြောက်ကောင်ကများ ငါ့သားကို "
ပြင်းထန်လှသည့် နှိမ့်ချမှုအောက်မှာ မရှုမလှ ကျဆုံးနေဖို့ သူ တကယ် ထိုက်တန်ပါရဲ့လား။
သူဟာ ယောက်ျားလေးတစ်ယောက် ဖြစ်ပြီး သူချစ်ရသည့် လူသားကလည်း ယောက်ျားလေး တစ်ယောက် ဖြစ်နေတာနှင့်ပင် သူ့အရှေ့က လူကြီးများက သူ့ကို ရွံစရာသတ္တဝါတစ်ကောင်ကို ကြည့်နေသလို သူအကြည့်ခံရဖို့ လိုရဲ့လား ။ သူကတော့ အဲ့လို မထင်ခဲ့ပါ ။
စိတ်ထဲမှ မေးခွန်းများ မြောက်များစွာ မေးနေမိပေမဲ့ နှုတ်ဖျားကနေတော့ ဘာစကားသံမှ ထွက်မလာခဲ့ပဲ ကူကယ်ရာမဲ့စွာ လေတိုက်ရုံဖြင့်အင် လဲသွားနိုင်သည့် အားအင်လေးနှင့် မတုန်မလှုပ် ရပ်နေမိသည် ။ သတ္တိရှိရှိ ရင်ဆိုင်မယ်ဆိုကာ ချစ်ရသူကိုတောင် ဖွင့်ပြောပြီးမှ ခုလိုမျိုး တုန်လှုပ်နေရလိမ့်မယ်လို့ သူတစ်ခါမှ မတွေးခဲ့ဖူးဘူး ။
YOU ARE READING
အဝါမှိုင်းမှိုင်းရောင်လိပ်ပြာငယ်( အဝါမွိုင္းမွိုင္းေရာင္ လိပ္ျပာငယ္)
Paranormalလိပ္ျပာငယ္ေလးက အဝါမိႈင္းမိႈင္းခ်ဳပ္ခ်ယ္မႈေအာက္က လြတ္ေျမာက္ႏိုင္ရင္ ေကာင္းမယ္ Fic Cover By @AL_LUKAR လိပ်ပြာငယ်လေးက အဝါမှိုင်းမှိုင်းချုပ်ချယ်မှုအောက်က လွတ်မြောက်နိုင်ရင်ကောင်းမယ် Fic Cover By @AL_LUKAR
