Unicode" ငယ်. ငြိမ်ငြိမ်နေကွာ "
ဘာမှ ဖြစ်ဖြစ်မြောက်မြောက် ဖြစ်မလာသေးသည့် ဝတ္ထုတစ်ပုဒ်ကို ကြိုးစားပမ်းစား ရေးဖို့ ကြိုးစားနေသည့်အချိန် ၊
ငယ့်ရှေ့မှာ အထင်ကြီးခံရဖို့အတွက် ပါဝါမပါသည့် မျက်မှန်ကို ဟန်ပါပါ တပ်ကာ စာအုပ်နှင့် ဘောပင်လ် ကောက်ကိုင်ပြီး တကယ့်စာရေးဆရာမကြီး စတိုင်လ် အားထုတ်နေတာကို အငြိမ်မနေတတ်သည့် ငယ်က ဒီပါ့လက်ထဲကဘောပင်ကို လုယူပြီး စာအုပ်ထဲ ဆွဲခြစ်လိုက် ၊
ဒီပါ့ ဆံပင်တိုတိုတွေကို လာဆွဲဖွလိုက် ၊ ဂါဝန်ဝဲဝဲလေးတယမ်းယမ်းနှင့် ရှေးခေတ်ပါတီတွေမှာ က သလိုမျိုး အရှေ့မှာ ကပြလိုက် ၊ ဒီပါ့ စာရေးစားပွဲရှေ့မှာ . လက်ထောက်ပြီး ချစ်စရာ အမူအယာတွေ လုပ်ပြလိုက်နှင့် နှောင့်ယှက်နေလေတော့ နဂိုကတည်းက ရုပ်ပုံမပေါ်သေးသည့် ဝတ္ထုထဲသို့ ဘယ်လိုမှ အာရုံဝင်စားလို့မရ ။
ငြိမ်ငြိမ်နေကွာ လို့ တကယ့်ကို နူးနူးညံ့ညံ့လေးပြောမိတာကိုလည်း ဒီပါ က ငယ့်ကို ဆူတယ် ဟု ငိုမဲ့မဲ့နှင့် မသိရင်ပဲ ဒီပါဟာ ဝိညာဥ်ကလေးတစ်ကောင်ကို မွေးစားထားရသည့်အတိုင်း ။"ငယ်က ပျင်းလို့ဟာကိုနော်
အရင်က ဆ်ိုရင်လေ ငယ်ပျင်းလာတိုင်း မမက ငယ်လုပ်ပြသမျှ အမူအယာတွေကို ပန်းချီကားထဲ ထည့်ဆွဲပေးပြီးတော့ ခုကျတော့ ဘဝအသစ်မှာရောက်သွားတာနဲ့ပဲ ငယ့်ကို . စိမ်းသွားပြီပေါ့ ၊ အင်းပေါ့လေ ငယ်ကသာ ဒီ အမှတ်တရတွေထဲ ကျန်ခဲ့တာ
ဒီပါက သူစိမ်းလူ ဖြစ်သွားပြီကိုး . အဟင့်ဟင့် "ငိုမဲ့မဲ့ကနေ တကယ်ကြီး ငိုချလိုက်ပြန်တော့လည်း ဒီပါ က မနေနိုင်ပြန်၊ ငယ်ပြောပြလာသည့် အမှတ်တရတွေကို မမှတ်မိနိုင်တာကိုလည်း . စိတ်မကောင်း ။ ဒီပါဟာ တကယ်ပဲ အရင်ဘဝက . ငယ့်မမ လား ။
လောလောဆယ်မှာတော့ ထိုပြဿနာတွေထက်
ငိုနေသည့် ဝိညာဥ်ပေါက်စနလေးကို .ချော့ရပေအုံးမည်။ ငယ်ကတော့ အလိုမကျလို့ ငိုလိုပ်ရုံလေးသာ ဒီပါ ကတော့ ငယ့်မျက်ရည်မြင်ရုံနဲ့
ကမ္ဘာကြီး ပြိုကျလာတော့မတတ် ။
YOU ARE READING
အဝါမှိုင်းမှိုင်းရောင်လိပ်ပြာငယ်( အဝါမွိုင္းမွိုင္းေရာင္ လိပ္ျပာငယ္)
Paranormalလိပ္ျပာငယ္ေလးက အဝါမိႈင္းမိႈင္းခ်ဳပ္ခ်ယ္မႈေအာက္က လြတ္ေျမာက္ႏိုင္ရင္ ေကာင္းမယ္ Fic Cover By @AL_LUKAR လိပ်ပြာငယ်လေးက အဝါမှိုင်းမှိုင်းချုပ်ချယ်မှုအောက်က လွတ်မြောက်နိုင်ရင်ကောင်းမယ် Fic Cover By @AL_LUKAR