Unicode
"ဒီအချိန်ကြီး
ဟိုဘက်အိမ်က ပြန်လာတာမှလား "အသက် ၄၀ကျော် အရွယ်ရှိ အမျိုးသမီးကြီးက သူမ၏ သြဇာသံအပြည့်ရှိလှစွာသော အသံဖြင့် မေးသော်လည်း သူမအရှေ့က အမျိုးသမီးငယ်လေးက စိတ်လှုပ်ရှားဟန်ပင် မရှိပဲ သူမ၏ ပင်ကိုယ်ပုံစံအတိုင်း အေးအေးဆေးဆေးပင် ရှိလှ၏ ။
"ဟုတ် .. မတွေ့ရတာကြာလို့ ငယ်နဲ့ ...
"ငယ်.. ငယ်.. ငယ်. ဒီ ငုဝါငယ်ပဲ လား "
အမျိုးသမီးငယ်ဆီက ငယ် ဆိုသော နာမည် ထွက်ကျလာသောအခါမှာတော့ တည်ငြိမ်သောပုံစံရှိသည့် အမျိုးသမီးကြီးက လှုပ်လှုပ်ရှားရှားပင် ဖြစ်လာ၏။
"ငယ်ငယ်တုန်းကတော့ မပြောလိုဘူး
ငုဝါငယ်ကိုလည်း အမေ့သမီးအရင်း နောက်တစ်ယောက်လိုပဲ ချစ်တာမို့လို့ သမီးနဲ့ ရင်းနှီးစေခဲ့တာ မှန်တယ် ။
ဟိုးငယ်ငယ်တုန်းက သမီးကပဲ အချိန်တိုင်း
အဲ့ဒီဘက်ခြံထဲ ရောက်နေတတ်တာကိုလည်း ဘယ်တုန်းကများ အမေ တားခဲ့ဖူးသလားဟင်
အခု .. အချိန်တွေက မတူတော့လို့သာ ဒီလိုစကားမျိုးကို ပြောနေရတာ
သမီးက အရွယ်ရောက်လာပြီ .
ပြီးတော့ ဟိုဘက်အိမ်မှာ သားပျိုလေးတစ်ယောက်လည်း ရှိနေသေးတယ်. ပတ်ဝန်းကျင်က အခု ဘယ်လိုပြောနေကြပြီလဲ အဲ့ဒါ သိလား "အမျိုးသမီးကြီးက စကားတွေ အများကြီးပြောပြီးနောက် သူမ၏ သမီးပုံစံကို အကဲခပ်သလို ထပ်ကြည့်လိုက်ပေမယ့် တစ်စက်လေးသော်မျှ ပုံစံပြောင်းလဲမသွားခဲ့ ။ ခေါင်းလေးငုံ့ပြီး တိတ်ဆိတ်နေသည့် ပုံစံလေးဟာ သူမအကြောင်းကို မသိသည့် အခြားသူများသာ မြင်ပါက လိမ္မာလိုက်တာဟူ၍ ချီးကျူးကြမည်မှာ အမှန်ဖြစ်လေသည်။ သူမကို မွေးထုတ်ထားသည့် အမေ ဖြစ်သူကတော့ ဒါကိုသိ၏။ ခေါင်းမာလွန်းသည့် သူမ သမီးဟာ သူမ ဘာပြောပြော ပြောသမျှကိုတော့ နားထောင်ပေးမယ် ပြီးရင် လုပ်ချင်တာလုပ်မယ် ဂရုမစိုက်ဘူး ဆိုသည့် သဘောသာဖြစ်ကြောင်း ။
"မေလွန်းရှင်. ညည်း .
ငါပြောတာရော ကြားရဲ့လား "မတုန်မလှုပ် ဟန်ပန်ကို အနည်းငယ်ပင် ဒေါသထွက်လာသဖြင့် သမီးတွေ အမေတွေ မဟုတ်တော့ပဲ ညည်းတွေ ငါတွေဖြင့် ဖြစ်လာသည်။မေလွန်းရှင်ဆိုသည့် အနှီ မိန်းကလေးကတော့ နဂိုပုံစံအတိုင်း ခပ်အေးအေးပင် ။
YOU ARE READING
အဝါမှိုင်းမှိုင်းရောင်လိပ်ပြာငယ်( အဝါမွိုင္းမွိုင္းေရာင္ လိပ္ျပာငယ္)
Paranormalလိပ္ျပာငယ္ေလးက အဝါမိႈင္းမိႈင္းခ်ဳပ္ခ်ယ္မႈေအာက္က လြတ္ေျမာက္ႏိုင္ရင္ ေကာင္းမယ္ Fic Cover By @AL_LUKAR လိပ်ပြာငယ်လေးက အဝါမှိုင်းမှိုင်းချုပ်ချယ်မှုအောက်က လွတ်မြောက်နိုင်ရင်ကောင်းမယ် Fic Cover By @AL_LUKAR