Unicode
အရာအားလုံးဟာ စီစဥ်ထားသကဲ့သို့ပင် ဖြစ်လာခဲ့သော်လည်း တစ်ခုခုက မှားယွင်းသလို ဖြစ်နေဆဲပင် ။
"ငယ်. မမ မမှားဘူးမှလား "
ငယ့်ကိုကိုနှင့် လက်ထပ်ဖို့ သဘောတူပြီးသည့်နောက် မမ က ငယ့်ရင်ခွင်သေးသေးလေးထဲမှာ တွယ်ကျလာပြီး ငိုမလို မျက်နှာလေးဖြင့် မေးလာ၏ ။ ငယ့်ထံ၌လည်း အဖြေဟာ ရှိမနေခဲ့ပါ ။ ငယ်ကိုယ်တိုင်ပင်လျှင် ထိုအရာဟာ မှားယွင်းနေသည်ဟု ခံစားရခြင်း ။
"မမ က ကိုကြီးကို ချစ်လို့ လက်ခံလိုက်တာလားဟင် "
"ဟင့်အင်း .. မသေချာဘူး
အကို့ကို မမ လေးစားတယ် ၊ အားကိုးနိုင်တဲ့ ယောကျ်ားတစ်ယောက်ဖြစ်တယ် အဲ့ဒီအချက်တွေကြောင့် လက်ခံလိုက်တယ်လို့လည်း ဆိုနိုင်ပေမယ့် တကယ်တမ်းကျ .. ငယ့်ကြောင့်ပါပဲ မေမေက ပြောတယ် မမဟာ ငယ့်ကိုကြီး မဟုတ်ရင်လည်း တစ်နေ့နေ့မှာ ကျိန်းသေပေါက် တခြား အမျိုးသားတစ်ယောက်နဲ့ လက်ထပ်ပြီး အဲ့ဒီအိမ်ကို လိုက်သွားရမှာပဲတဲ့ ။ ငယ်မရှိတဲ့အရပ်ကိုတော့ မမ လိုက်မသွားချင်ဘူး ၊ လိုက်မသွားနိုင်ဘူး ငယ်ရယ် .. အဲ့ဒါကြောင့် .. အဲ့ဒါကြောင့် .. "
ပြောစရာစကားပင်မရှိ ငယ်က တိတ်ဆိတ်သွားတော့ မမ မျက်နှာလေးက ပိုပြီး ငိုမဲ့မဲ့ ဖြစ်လာသည်။
"မမ မှားသွားပြီလားဟင်.. ငယ်"
အဖြေမရှိသည်ကို သိလျှက်နှင့် မမဟာ ဘာလို့ ခဏခဏမေးရပါသလဲ ။ မှားသည် မှန်သည်ဆိုတာထက် ငယ့်ဆီက ထောက်ခံချက်တစ်ခုခုကို ရယူလိုခြင်းဖြစ်မည် ။
"ဟင့်အင်း မမ မမှားပါဘူး . "
ငိုမဲ့မဲ့ မျက်နှာလေးဟာ ပြုံးရွှင်လာ၏။ ငယ်သည်ပင် နာကျင်နေရသည့်ကြားမှ အားယူပြီး ပြုံးလိုက်မိသည် ။ ငယ့်ထံ၌ မနာကျင်ရသည့် တခြား အဖြေတစ်ခုခု ရှိနေခဲ့ဖို့ကောင်း၏ ။
"ငယ်လေးရေ .
ငယ်လေးရဲ့ မမ က ကိုကြီးနဲ့ လက်ထပ်ဖို့ သဘောတူလိုက်ပြီ သိလား ငယ်လေးမပျော်ဘူးလား .. ငယ့်မမကို မရီးတော်ရတော့မှာ"
တိတ်တဆိတ် အကြာကြီး ငိုရှိုက်နေခဲ့အပြီးမှာ
ပင်ပန်းပြီး အားမရှိ ဖြစ်လာတာမို့ ငယ့်အခန်းလေးထဲ အနားယူနေဆဲမှာပင် ငယ့်ကိုကြီးက ငယ်ကြိုသိပြီးသား သတင်းစကားကို ဝမ်းသာအားရ ယူဆောင်လာ၏ ။ ထပ်မံပြီး အားယူ ပြုံးပြလိုက်ပေမဲ့ ငယ့်အပြုံးတွေဟာ မပီပြင်နိုင်ကြောင်း မှန်တစ်ချပ်မရှိသော်ငြား ကိုယ်တိုင်သိနိုင်ပါ၏။
YOU ARE READING
အဝါမှိုင်းမှိုင်းရောင်လိပ်ပြာငယ်( အဝါမွိုင္းမွိုင္းေရာင္ လိပ္ျပာငယ္)
Paranormalလိပ္ျပာငယ္ေလးက အဝါမိႈင္းမိႈင္းခ်ဳပ္ခ်ယ္မႈေအာက္က လြတ္ေျမာက္ႏိုင္ရင္ ေကာင္းမယ္ Fic Cover By @AL_LUKAR လိပ်ပြာငယ်လေးက အဝါမှိုင်းမှိုင်းချုပ်ချယ်မှုအောက်က လွတ်မြောက်နိုင်ရင်ကောင်းမယ် Fic Cover By @AL_LUKAR
