အဝါမှိုင်းမှိုင်း​ရောင်​လိပ်​ပြာငယ်​( အဝါမွိုင္းမွိုင္းေရာင္ လိပ္ျပာငယ္)

၁၁

U icode

"ဟင်​
ဒီပါ အခု ဘာလုပ်လိုက်တာလဲ "

အချိန်အတော်ကြာ ငြိမ်သက်နေပြီးမှ ငယ်ဟာ အလန့်တကြား ။

"ငယ့်ကို နမ်းလိုက်တာ"

အစမှာ ငယ်ဟာ ရှက်ရဲရဲ ။ ထို့နောက် နမ်းလိုက်တာ ဟူသော စကားလုံးကို ခပ်တိုးတိုး ရေရွတ်ပြီး တစ်ခုခုကို တွေးတောနေပြန်၏ ။ ငယ့်ဆီက ပေါက်တတ်ကရ အတွေးတွေ ထွက်မလာခင် တစ်ခုခုကို ပြောမှဖြစ်မည်ဟု တွေးမိသော်လည်း တကယ်တမ်းကျ ငယ့်ဆီက အတွေးကိုသာ အရင်ကြားခဲ့ရ၏။

"ငယ်​လေ ဒီပါက ငယ့်ကို နမ်းလိုက်တဲ့ပုံစံမျိုးကို ငယ်​ငယ်​က အင်္ဂလိပ်​ရုပ်​ရှင်​ကား​တွေမှာ ကြည့်​ဖူးတယ်​ ။ မမက ကလေးတွေ မကြည့်ရဘူးလို့ ပြောပေမယ့် ငယ်ကတော့ လက်ချောင်းကြားထဲက ခိုးကြည့်ဖူးတော့ သိတာပဲ ။ ဒါ​ပေမယ့်​ ငယ်သိထားတာ အဲ့ဒါက​ယောက်ျား​လေးနဲ့ မိန်းက​လေးပဲ လုပ်​လို့ရတာမှလား ။ ခုက ငယ်​နဲ့ ဒီပါက မိန်းက​လေးချင်းလေ "

ကြားကြားချင်းမှာ ငယ်ဟာ ထိုအတွေးကို ပေါက်တတ်ကရ တွေးတတ်လေခြင်းဟု တွေစမိသော်လည်း သေချာစဥ်းစားကြည့်တော့ ငယ်ဟာ အမှန်တကယ် အဲ့လိုပဲ​တွေးမိတာလည်း ဖြစ်​နိုင်​သည်​ ။ ကလေးတွေမကြည့်ရတဲ့ ထိုရုပ်ရှင်ကို ငယ်ခိုးကြည့်ခဲ့တဲ့ အချိန်က လိင်​တူနှစ်ဦးကြားက ချစ်ခြင်းမေတ္တာတွေအကြောင်း ရုပ်​ရှင်​တွေ ၊စာ​ပေ​တွေ တွင်ကျယ်ခဲ့မှာ မဟုတ်​တာလည်း​သေချာပါသည်​။ ထိုခေတ်က လိင်​တူချစ်​သူ​တွေ​တောင်​ မဖြစ်​နိုင်​ဘူးလို့​တွေးပြီး
တစ်​သက်​လုံး ချုပ်​တည်း​နေသွားထိုင်သွားရသူ​တွေ များသည်​။ ချစ်​ခြင်းတရားကို ဖွင့်​ပြောခွင့်​မရတာဟာ စိတ်​တွေကို ဘယ်လောက် အကျဉ်းကျ​နေစေခဲ့မလဲ​ နားလည်​ကြည့်​ဖို့ ကြိုးစားရုံနှင့်ပင် မွန်းကျပ်​လာသလို ခံစားရ၏။

အခု​လို ပွင့်လင်းမြင်သာ ခေတ်​မှာ​တောင်​လိင်​တူချစ်​သူ​တွေကို လွတ်​လပ်​ခွင့်​ပေးပြီး နားလည်ပေးလာကြတာ မကြာ​သေး ။ ဒါ​တောင်​ခက်​ခက်​ခဲခဲ ကြိုးစားယူထားရတာ ဖြစ်​သည်​

လိင်​တူ​ချစ်​သူ​တွေရဲ့ ချစ်​ခြင်းတရား​တွေဟာလည်း သာမာန်ဖြစ်ကြောင်းကို နူးညံ့စွာ ၊ လက်​ခံနိုင်​ချင်​စရာ ပုံ​ဖော်​ထားကြသည့် စာ​ပေ​တွေ ၊ ရုပ်​ရှင်​တွေက​နေတဆင့်​ လူထုကြားထဲ မြင်သာအောင် ပြသခဲ့ကြတာမို့သာ။