Unicode
အဖြစ်အပျက်အားလုံးဟာ ဒီပါ့ မျက်စိရှေ့မှာတင် ဖြစ်ပျက်သွားရုံသာမက ငယ့် ဒိုင်ယာရီစာအုပ်ကို ဖတ်နေရသလို ခံစားနေရတာမို့ အဖြစ်အပျက်အားလုံး ပြီးဆုံးသွားချိန်မှာတော့ ရင်ဘတ်နေရာက စူးအောင့်လာပုံက သေခြင်းတရားဆိုသည်ထက် နာကျင်ရလောက်၏ ။
နေရာမှာသာ တစ်ခါသည်း သေလိုက်ပါတော့ရယ်လို့ ဆုတောင်းနေမိသည်အထိ ဆက်တ်ိုက်ဆက်တိုက် နာကျင်လာမှုက ပိုပိုပြီး ဆိုးလာသည် ။
သေလိုက်ဖို့ကလည်း ဒီပါဟာ အခု သေဆုံးပြီးသား ဝိညာဥ်အဖြစ် ဒီဇာတ်လမ်းထဲ လွှင့်မြောလာတာ မဟုတ်ဘူးလား ။ သေနေပြီးသားဆိုလျှင်တောင်မှ မျှောလွှင့်နေဆဲ ပါးပါးလျလျ စိတ်ဝိညာဉ်လေးကိုပင် ပျောက်ကွယ်သွားစေချင်မိ၏ ။
"ဒီပါ ... ပြန်လာခဲ့ပါတော့ .. "
"ဒီပါ သေသွားလိမ့်မယ် .. အခုပဲ ပြန်လာခဲ့ပါတော့ "
ငယ့်အသံကို ငိုသံတစ်ဝက်ဖြင့် ဟိုးအဝေးကြီးက လွင့်လာသလို ကြားနေရသည် ။ ဒါပေမယ့် ငယ့်ကို မြင်မနေရ ။ မြင်မြင်သမျှက အမှောင်ထုကြီးသာ ဖြစ်ပြီး နေရာကနေ တစ်စက်လေးမှတောင် လှုပ်မရ ။
ထိုစဉ်မှာပင် အမှောင်ဖုံးနေသော မြူထုကြီးက ရုတ်တရက်ဆိုသလို အဖြူရောင်အမှုံလေးတွေအဖြစ်သို့ ပြောင်းလဲသွားသည် ။ အနည်းငယ် လှုပ်ရှား၍လည်း ရလာတာမို့ ဒီပါ နေရာကနေ
ထွက်သွားဖို့ ပြင်လိုက်သည် ။
"ဟေ့ .. မင်း စဉ်းစားဖို့ ပြောပြမယ် "
ဒီတစ်လျှောက်လုံး ကြားလာခဲ့ရသည့် အမည်မသိသူ၏ ကျောချမ်းဖွယ်ရာ လေသံအေးစက်စက်ကြီးက ဒီပါ့ နားထဲ တိုးဝင်လာသည် ။
"ဘယ်သူလဲ"
"ငါဘယ်သူလဲဆိုတာ အရေးမကြီးပါဘူး
မင်း လုပ်ရမှာက ရွေးချယ်ဖို့ပဲ ၊
ငုဝါငယ် လား ၊ မင်းလား
ဒီနေရာမှာ ပိတ်မိခံဖို့အတွက် အရင်အတိုင်း ငုဝါငယ်ပဲလား ၊ ဒါမှမဟုတ် မင်းပဲ အစားနေပေးလိုက်မလား ရွေးချယ်ကြည့်လေ "
ဒီပါ ငြိမ်ကျသွားတာ မြင်တော့ ထိုအမည်မသိ အသံပိုင်ရှင်က အေးစက်စက်ရယ်သည်။
ESTÁS LEYENDO
အဝါမှိုင်းမှိုင်းရောင်လိပ်ပြာငယ်( အဝါမွိုင္းမွိုင္းေရာင္ လိပ္ျပာငယ္)
Paranormalလိပ္ျပာငယ္ေလးက အဝါမိႈင္းမိႈင္းခ်ဳပ္ခ်ယ္မႈေအာက္က လြတ္ေျမာက္ႏိုင္ရင္ ေကာင္းမယ္ Fic Cover By @AL_LUKAR လိပ်ပြာငယ်လေးက အဝါမှိုင်းမှိုင်းချုပ်ချယ်မှုအောက်က လွတ်မြောက်နိုင်ရင်ကောင်းမယ် Fic Cover By @AL_LUKAR
