Unicode
ဒီပါ့ မျက်နှာတပြင်လုံး ပူတက်လာသည် ။
ဒီပါက ဘယ်လိုလုပ် တွေးမိမှာတဲ့လဲ ။
ဘယ်သူမှ မမြင်ဘူးထင်ပြီး ငယ့်ပုံတူကို အရူးအမူးဆွဲဖို့ ကြိုးစားခဲ့ပုံတွေ ၊ ပုံရိပ်တွေ ထွက်မလာတာကြောင့် ပစ္စည်းတွေကိုပါ ဖျက်ဆီးပစ်ခဲ့မိတာတွေ ၊ ပြီးတော့ တစ်ကိုယ်တည်း စိတ်ရှုပ်စွာ ငယ့်ကို ချစ်တယ်လို့ လူမသိသူမသိ ဝန်ခံခဲ့မိတာတွေက လိပ်ပြာလေးအသွင်နှင့်ရှိနေတဲ့ ငယ့်အရှေ့မှာ ဖြစ်နေရတယ်လို့ ။
"ဒီပါ အခု ရှက်နေတာလား "
အလိုက်သိတတ်ပုံလည်းမရသည့် ငယ်က ထိုကဲ့သို့ ဒဲ့ဒိုးကြီးမေးချလိုက်ပြန်တော့ မျက်နှာကို ဘယ်မှာ အပ်ထားရမှန်း မသိအောင်ပင် ပိုရှက်လာရသည်။ ငယ်က ပြုံးစစနှင့်ပင် ကြည့်နေဆဲမို့ မျက်စောင်းများပင်ထိုးမိ၏ ။
" အဲ့ဒါကို ငယ်က မသိချင်ဟန်ဆောင်ပေးရမှာ မဟုတ်ဘူးလား "
"သဘောကျလို့ပါ ဒီပါရဲ့
ဒီပါ့ ပုံစံကို ငယ်အရမ်းသဘောကျလို့ပါ "
တခစ်ခစ်ဖြင့် ရယ်မောနေသည့် ငယ့်ပုံစံလေးကို ဒီပါ သဘောကျတာမို့ ဘာမှဆက်မပြောတော့ပဲ ငေးသာငေးကြည့်နေမိတော့သည်။
"ငယ် အခု ဒီပါ နဲ့အတူနေမှာဆိုတော့
ဒီပါ အိပ်တဲ့ ကုတင်မှာပဲ အတူတူအိပ်မယ်နော်"
ဘဟ်နှစ်ကြိမ်မြောက်မှန်း မသိတော့တဲ့ တိုက်ခိုက်ခံရမှု ။
"ဟင် .. အတူတူအိပ်မယ်"
"အင်းလေ ဒီပါ ရဲ့ ဘာဖြစ်လို့လဲ ၊
ငယ်အရင်ကလည်း ၊ဒီအခန်းမှာပဲ အိပ်ခဲ့တာ "
ဘာဖြစ်လို့လဲ ဆိုသည့် မေးခွန်းမျိုးကို ငယ်မို့လို့ မေးမှမေးတတ်လေခြင်း ။ ဘာလို့များ ဒီပါ့ကို အဲ့လောက်ယုံကြည်ထားပါသလဲ ။ ဒီပါက ငယ့်ကို ချစ်နေတယ်ဆိုတာ ငယ်ကိုယ်တိုင် သိထားပြီးတာတောင်မှလေ ။
"ငယ်မကြောက်ဘူးလား "
ငယ်က အူကြောင်ကြောင် အကြည့်များနှင့် တုန့်ပြန်လာသည် ။
YOU ARE READING
အဝါမှိုင်းမှိုင်းရောင်လိပ်ပြာငယ်( အဝါမွိုင္းမွိုင္းေရာင္ လိပ္ျပာငယ္)
Paranormalလိပ္ျပာငယ္ေလးက အဝါမိႈင္းမိႈင္းခ်ဳပ္ခ်ယ္မႈေအာက္က လြတ္ေျမာက္ႏိုင္ရင္ ေကာင္းမယ္ Fic Cover By @AL_LUKAR လိပ်ပြာငယ်လေးက အဝါမှိုင်းမှိုင်းချုပ်ချယ်မှုအောက်က လွတ်မြောက်နိုင်ရင်ကောင်းမယ် Fic Cover By @AL_LUKAR
