ILLAR RIK'O ('yar rik'o)

75

*🤦‍♀🙆ILLAR RIK'O*

_*('yar  rik'o)*_

       *Na*

_*Aysha  Isa (Mummy's friend)*_

_*Vote me on wattpad @ AyshaIsah*_

*LITTAFAN MARUBUCIYA*

_*1. Na Tsani Maza*_

_*2. Meke Faruwa*_

_*3. Ruhin 'Dana*_

_*4. Shi Nake So*_

*🇸🇦ZAMAN AMANA WRITERS (ZAW)*
'''(Gidan zaman lafiya da amana In Shaa Allah)🤜🤛'''

https://www.facebook.com/ZAMAN-A MANA-Writers-FANS-311893699485963/

*BISMILLAHIR-RAHMANIR-RAHIM*

_*Lissa ina tayaki murna kammala littafinki mai suna MARAYU MA 'YA'YA, Allah ya k'ara basira, hazak'a da k'arfin ido.*_

_*Yayata @ Raheenat M. Abubakar ina tayaki murnan kammala littafinki, Allah ya k'ara basira, hazaka da k'arfin ido.*_

_*Sorry dudes for the long wait.*_

_*Thanks for the love dearie, though I know not your  name but love you too just as you do for me. Mummy's friend na yinki irin sosai d'innan.*_

*Page 75*

Shiru tayi na wasu lokuta sakamakon yanda kirjinta ke dukan uku-uku, da k'yar ta iya magana tace tana mai murmushi " Allah yakaimu.."

"Ameen" Abba yace sannan ya mik'e zuwa makwancinsa, tare da barin Ammi a wurin wacce ganin haka itama ta mik'e ta nufi d'akinta. Kan gabo ta fad'a ta fashe da kuka sanin wacce zai auren don bata buk'atan ya sanar da ita dama burin Baba kenan.

"Innalillahi wa ina ilaiki raji'un" shine abinda Ammi take ta faman fad'i, har ta samu zuciyarta yayi sanyi don tabbas akwai ciwo ace za'a maka kishiya, babu  abinda ke mata ciwo kamar inta tuna wai wacce take shirin zama kishiyanta a haihuwa ta haifeta, wacce tun kafin shigowarta ma  bata ganin girmanta ko k'adan, uwa uba *'YAR RIK'ON TA* ita ke shin zama kishiyarta amma ya ta iya dole tayi hak'uri, share hawayen tayi gami da mik'ewa ta fad'a bayi, alwala ya d'auro sannan ta fito ta gabatar da sallar nafila ta kai kukanta ga Allah, Kur'ani ya d'auko bayan ta iddar ta dinga rare kira'a har taji zuciyanta tayi sanyi sannan ta mik'ewa taje ta kwanta.

*WASHE GARI*

Da wuri Ammi ta tashi don yau son takeyi tayiwa mijinta breakfasts da kanta. Kunun gyad'a ta masa da kosai don Abba na sonshi sosai, misalin 7:00 am ta kammala ayyunkanta, dak'inta ta fad'a tayi kwanka, bayan ta fito ta saka kayan da tasan Abban Yusrah yafi son ganinta dasu sannan ta fashe jikinta da turare ya k'amshi, kitchen ta koma ta d'aura flask d'in bisa tray ta nufi d'akin Abba dasu, da sallama ta shiga d'akin amma shiru babu amsa haka yasa ta k'araso ciki, kwance ta ganshi da dukkan alamu ko tashi ma bayi bako, wani fad'uwa taji gabanta yayi," wai meke shirin faruwa da mijinta ne?". Table dake gefen bed d'inshi  ta ajiye tray d'in sannan ta zaune gefenshi a hankali take kiran sunarshi har ya bud'e ido.

"Abba Yusrah takwas saura."

"Subhanallah" shine abinda Abba yace gami da saukowa da sauri, bayi ya fad'a ya d'auro alwala yazo ya gabatar da sallah, yayin da ita kuma Ammi taje ta had'a mashi ruwan wanka koda ta fito ya riga ya idda ko, gaida shi rayi tace " na had'a maka ruwanka ko."

Mik'ewa yayi batare ta yace da ita uffan ba yaje yayi wanka. Wardrobe d'inshi ta bud'e ta fito masa da kayan da zai saka. Bai wani  jima ba ya fito daga bayin a gurguje ya shirya, sannan  yayi breakfast don ya riga yayi latti ko, babu ko sai na dawo yayi ficewansa ba tare da ya ko kalli inda Ammi ke zaune ba.

Wasu hawaye masu zafi taji ya zub'o bisa kuncinta hannun tasa ta goge tare ta yimasa addu'a sannan  itama ta fice daga d'akin.

Dak'in Yusrah ta nufa kai tsaye ganin har yanzu bata fito ba don ita ce dama take masu breakfast, da sallama ta shigo dak'in.

"Subhanallah" Ammi tace gami da k'arasowa ciki da gudu ganin Yusrah kwance rik'e da mara tana kuka sai yarfa hannu takeyi, "meya same?."

K'asa amsawa Yusrah tayi ta cigaba da kuka.

"Meye sameki?" Ammi tace cikin daka tsawa.

"Ammi cikina..."

"Innalillah Yusrah zaki kasheni kardai ace kema cikine gareki, Yusrah waye maki ciki?"

_*More comments, tou will get an update tomorrow In Shaa Allah.*_

_*Mummy's Friend ce*_