WAHALA DA GATA season2

Episode~1

*_💐💐WAHALA DA GATA💐💐_*
                  _{Novel series}_
           *_[♠️SEASON.2 ♠️]_*

  *WATTPAD  @Smart_Feenert  ...✔️*
            *_[🥀Be ~ Smart 🥀]_*

*_🍂BISMILLAHI RAHMANI RAHIM🍂_*
—•—•—•«»«»«»«»•—•—•—

*_.. Shafin farko naka ne YOUNG BARRR kayi yanda kake so da shi, Allah ya k'ara d'aukaka Ameen_*

  *_Episode 1_*

Tin anan suka raba hanya, Ko waccensu ta kama hanyar gurin da ta dosa....

Ammie na isa  d'akin  Daddy ta yi mashi bayanin kayan lefen Balkisu da  aka kawo yanzu, cike da wani hamshak'in mamaki, ya ce
"Lefe shin?."

Ammie ta ce "Eh"

Daddy Ya ce "Wa aka aiko?."

Ta ce "Ƙannenshi ne maza aka aiko.!" ba tare da damuwar komai a rai ba Daddy ya ce

"To shi ke nan, Allah ya kyauta!."

Ammie ta amsa da "Ameen! bara ni naje na tarbe su.!"

Daddy ya ce mata "To ni ma ganinan fitowa!."

Ta ce "To! a fito lafiya Alhaji.!"

Ya ce "Allah ya k'addara.!"

ta ce "Ameen.!"

_Cike da wata shewa mai had'e da tsantsar farin ciki Balkisu ta iso dakinsu Nadiya, tun kafin ta kaiga k'arasawa ga kofar shiga dakin ta hango Zuhriyya kwance a saman gadonta sai famar latse-latsen wayarta take, ita kuma Nadiya tana kallon wani carton'film TOM & JEERY a TV'n dake cikin d'akin, cikin wata murya mai kama da ihu take kwala masu kira tun a bakin k'ofa, a takaice Nadiya ta ce "Aunty Zuhra ke fa ake kira!" cike da shak'iyanci Zuhra ta ce "Na ji ai! dan Allah share da ita dan naga alamun ita ko gajiya bata yi da saka mutane bak'in shegen aikin tsiya da ba k'arewa yake b..." ba ta ida k'arasa zancen da take ba ta ji Balkisu ta kutso kanta ciki, tana ce masu "To babbak'un munafukai! wato kun zo kunyi zaune tun d'azu bakwada aikinyi sai gulmata ko?!." kamar daman jiraye suke da maganar gabadayansu suka yi mata caaa da cewa "Munafuka dik ta wuce ki, kin zo kin lab'e a k'ofa kina saurarenmu.!" daroyar borin kunya ta soma yi kafin ta ce "Na ji! amma dai ban kai ku ba!, kuma dan ubanku ku tashi kuje waje ku shigo da k'annen Mukhtar ciki.!" a fad'ace Nadiya ta ce "To su dan ubansu basu da k'afafuwan shigowa ne ciki har sai mun je mun shigo da su? wai iskancin banza wallahi sai dai kar su shigo.!" nan Balkisu ta washe bakinnan kamar gonar auduga tana dariya ta ce "Ke shegiya lefena ne fa aka kawo!." Aikuwa nan gabad'ayansu suka mik'e tsaye cikin murna suka ce "Wai ki barwa Allah dai.!" Balkisu ta ce "Annabi ya k'i ku! wallahi da gaske nake!." nan suka d'auki ihun murna ko waccensu ta d'auki mayafinta suka kama hanyar fita waje, Ita ma Balkisu'n d'akinta ta koma. ta d'an watsa ruwa,_

_ko da suka Nadiya suka fito bakin harabar gidan wajen da aka'ware domin parking d'in motoci, suka cinma su Uncle Aminu zaune a cikin motarsu ko wannensu na harkar gabanshi, cikin girmankai da nuna isa mai had'e da tak'ama ko waccensu ta gaida su tare da kauda kai gefe, amsa gaisuwarsu suka yi masu kamar yanda suka masu, domin a tsakaninsu kar ta san kar ce dan ba abinda za su nuna masu na rayuwa wanda su ma basu da shi, a shak'iyance su Nadiya suka ce da su "Bisimillah ko! za ku iya shigowa yanzu!." cikin su ba wanda ya ko kalle wajen da suke balantana suga damar Amsa maganarsu wanda hakan ba k'aramin k'ona masu rai ya yi ba
Suna fitowa daga cikin motar suka shiga fito da kayan a waje dibgi-dibgi suna jida suna kaiwa ciki tare da taimakon su Baba-maigadi da Ado-direba.
_Shigo da kayan ake yi a ciki  kamar ba za su k'are ba, su Nadiya kuwa sarkin girmankan tsiya sai famar k'idaye-k'idayen akwatunan suke kamar wad'anda aka saka dole, shikan Uncle Musaddiq tuni ya ji ruwanshi sun hau akan mugun jin haushin abin, sai famar tuk'uburi yake kamar ya fashe dan dan ya yi bala'in tsanar yaran da basu da d'a,a irin su._