قلوب بينها برزخ

١٨

في ديار اليل اشكو خلوتي فلا ارتويت من شربةٍ
ولا استأنست بطيب عطرها قلبتني بكفيها متمكنةً
فلا حول لي منها ولا نلت مراد ما ارجوه من دون
اذنها
حكمت علي بعشقٍ يرضخني كادت ان تلدني تلك الطفلة
فكنت انا طفلها
بقيت طول اليوم مخنوگه ... احساس عدم الراحه غالبني ... للمغرب
دخلت للصاله ... اتصلت على رقم اهلي ...
اجاني صوت مي ...
الو
_ الو ميامي شلونج حبيبتي والله على بالي اخابر ... بس ابويه كان موجود بالهول طول الوقت كدام التلفزيون
قبل ساعة طلع ...
_ امي ليش ما اتصلت ... يعني والله ما اعرف شحجي ... ليش هيج تخلوني بموقف محلو كدام ثمين ... يعني والله من كذب على اهله ان امي اتصلت تطمئن عليه صرت بنص هدومي ...
_ ميامي لا تضوجين ترى امي وابويه ميتحاجون بسببج ...
_ مي هاي كلها حجج ... ليش زعل امي من ابويه يمنعها مني حتى لو بس ترفع السماعة تسال كلمتين
(ميامي شلونج )... هاي صارت صعبه عليها ...
على العموم ... اني بعد من هاللحظه عرفت ... ماعندي اهل حتى لا اتأمل
منهم شي
متحملت ... يله مي بعدين نحجي
غلقت التلفون ... اول ما حاولت تنطق ... لان اعرف راح تبرر وتحاول تهديني
سمعت اصوات جايه من المطبخ طلعت للهول سمعت ترحيب صعدت بسرعة لغرفتي
لگيت ثمين صاحي بالفراش يتفرج تلفزيون
نهض وخله راسه على كف ايده مستند بعكسه على الفراش
_هاي وين عايفتني وحدي نايم واتگلب اريد احضن شي بصفي ماكو فتحت عيني ملگيتج  .
_نزلت عبالي اروح اساعد عمتي بس دخلوا خطار رجعت صعدتلك
_منو اجى
_ ما ادري ما شفت منو
_ اكيد احد من الگرايب احسن ما شافج بهالبجامه
_ليش شبيها البجاما
_عمري انت عروس لازم تتكشخين خلال هالفتره على الاقل لان اكيد
راح يجون الكرايب يباركون ورا السبعه عود اخذي راحتج شتلبسين اللبسي
هسه اريدج تلبسين فد فستان مرتب
_ لبست هالبجامه بسرعة فوگ ملابسي لان ردت انزل
تحرك من الفراش  وگف كدامي يتغزل وهو يفتح ازرار قميصي
هاي شنو
_ وخري خلي اشوف شنو لابسه
_ مو شفتني من فزيت من الحلم
_ والله ما انتبهت جنت نايم فزيت على صوتج بس ردت اطمئن عليج ورجعت نمت ثانيا شنو داعي هالمجادل  ابتسمت
تركت القميص ونزلت ايدها عن وجهها بخجل
جانت واكفه كدامي عاريه اليدين والاكتاف  خجله مثل الطفل المتعاقب
التفتت لباب الكنتور فتحت المجر طلعت علبه  صغيره
التفتت الها هاي هديه الزواج  جان عاجبني اجيبلج شغله عاجبتني بس الفلوس الي عندي ما كفت ،خلصت على ترتيبات زواجنا وبقيت  على الحديده على كد المصرف يطلعنا هالايام بين ما تجيني فلوس 
_ فتحت العلبه جان بيها زنجيل كارتير عريض يبين فخم لكن وزنه خفيف
ومحبس شكله مثل الموجتين المتقاطعات 
فرحت بالهديه لان جان الها قيمه معنويه اكثر من ماديه عندي، بالخصوص
ظروف الحصار الي مضيقه على الناس ما جنت متصوره راح يذكرني بشي
بعد كل هالمصاريف الي صرفناها ولان اعرف هو الي شايل نفسه محد ساعده
بنفس الوقت فشلت كدامه لان اهلي ما ذكروني ولو بشي بسيط انحرجت
منه... حاولت ما اخلي نفسي بموقف كدامه قررت احجيله الي دار بيني وبين مي
بعد ما سألني عن سبب دموعي  اخذ العلبه مني  ديلبسني الزنجيل
ويستمع الي
_غلقت القفل وابتعدت خطوه
ميامي شنو حجينا مو گلنا ننتظر الايام تصلح كلشي ليش تبقين توترين الجو
ثانيا اذا شايله هم احد عود گولي الزنجيل هديه من اهلي
امج سلمتها الج بيوم الزفه لان صارت مشاكل ويا عمي حسبت يجوز عمي ميخليها تمرلج وخلص انتهت القصه
_ فتح الكنتور بدا يتفرج على ملابسي
طلعلي بنطرون سمائي ويا قميص ابيض حرير بصدره طيات من نفس القماش تنزل من جانبي الرقبه وتتقابل بالوسط على طول القميص يسموها (كشكش ) هذولي حلوات والوانهم فاتحه مال عرايس
ثمين والله ما الي خلگ ابدل ولا اجامل احد اولا استحي وثانيا احس
تعبانه نفسيا
_ ربع ساعة الكاج مكمله حتى ننزل سويه
_ كان واگف على راسي يحسب لي الدقايق بعد ما انتهيت تحرك وهو يرتب بشعري من الخلف
_ يله راح انزل وانزلي ورايه
فتح باب الغرفه ونزل اول كم درجه التفت اشرلي انزل
كانت بيناتنا فقط اربع درجات
هو دخل واني دخلت ورا بعد ما سمعت هلاهل انطلقت من شفايف
من دخلت عرفت الضيوف خالته وعائلتها
المريح بالموضوع ان هم ماخذين على البيت ويتصرفون بحريه ما تقيدت كدامهم ولا استوجب ان اضيفهم
لان بعد اكثر من ساعة دخلنا للمطبخ حتى نحضر العشا صفيت كاعده ويا
بت خالته اكبر مني ومنفصله بنيه اجتماعيه بقت تسولف ويايه
بعد ما امها وعمتي استلموا موضوع العشا
بقيت منتبهه عليهن في حاله رادن مساعده حتى ما انطي على نفسي لزمه لعمتي تحجي عليه كدام ثمين
بعد ما انتهينا من العشا واتكفلت بتحضير الشاي والفاكهه واني اترقب
الوقت حتى يطلعون الضيوف
واصعد لغرفتي اخذ راحتي لان طول الوقت احس نفسي متقيده
لحد ما اجيت ارفع الصينيه لفت انتباهها لمعه الذهب على رگبتي
وسألتني
_ حلو هذا الي لابسته بالعافيه
_ شكرا خاله كدامج
_لا بالعافيه ... ثار هالكلام فضول عمتي وسألت
_على شنو بالعافيه
_ التفتت الها .... قصدها على الزنجيل
شفت نظره ما فهمتها ... لحد ما سألت
_ حلو منين الج
_ بلحظتها فشلت اكذب وثمين موجود بنفس المكان
لكن من حسن حظي ما كان كدام عيني جالس خلفي ... كدرت اكذب واگول
هديه اهلي انطتنياها امي يوم الحنه
_ ليش مراح يجون
_ والله عمه ما ادري بقت يم ابويه
_ ادري مو انت بنته الجبيره وعود العزيزه جانو يگولون
لا تضوجين عمه هواي عالم يستثقلون خلفه البنيه بس ينطوها للرجال بعد يخلصون ميريدوها يگلك الرجال يحير بيها
_اخذت الصينيه وبطريقي للمطبخ سمعت ثمين ردها
_ صح اكو هيج عالم بس مو عمي هشام لو هالحجي صحيح مجان بعده
باقي زعلان مني ومخاصم حتى ابويه لان جبرتهم اخذ ميامي ونهيت عليها كان رأسا انطاها وفضها لو مثل ما تگولين ثانيا لو مو على ايدج المذابح الي صار
خالتي مو غريبه اكيد تعرف ابن اختها شسوى من عمايل بس تستاهل
بت عمي
_ كان كلامه مي بارد على قلبي ردلي اعتباري كدامهم .. رجعت كعدت بصفه
خالته حاولت اتغير الموضوع لان الجو حسته توتر
اتفاجئت بي يلف ايده على كتفي وهو يقربني منه
_ خاله الله عليج شلونها مرتي مو خلقه واخلاق
— ابتسمت بخجل مستغربه تصرفه
_ الله يسعدكم خاله هي بعد منكم وبيكم وابوك واهله ونعم منهم
_ بعد الساعة ١٢ يله طلعوا ضيوفنا وصلتهم ويا البقيه لباب المطبخ لحد ما
اخذولهم وگفه بالكراج يستذكرون سوالف ومواضيع
دخلت رتبت الهول بسرعة ولملمت المطبخ جانت باقيه شغلات بسيطه
وهم بعدهم مستمرين
بعد ما انتهيت ... صعدت للغرفه غيرت ملابسي ب دشداشه ودخلت للحمام
غسلت وجهي من المكياج ورفعت شعري حسيت براحه لكن بقى الصداع
ملازمني بقيت متحيره ارجع انزل لو ابقى انتظر ثمين يصعد
قررت ابقى انتظره ... اذا تأخر انزل
بعد ربع ساعة شفته تأخر ... نزلت لگيته هو وعمي والولد متمددين على القنفات يتفرجون على التلفزيون والغرفه ضلمه على اضاءه التلفزيون
من شافني تحرك وكعد سوالي مكان بصفه ... سألته
عمتي نامت
_ لا دتسولف بالتلفون بالصاله
_ عمو تريد اجيبلك شي
_ لا عمو حبيبتي سلامتج
_ اني اريد جيبيلي مي
_ من طلب هذال تحركت من مكاني تذمر ثمين
_ وليش انت متكوم تشرب مي العجز كاتلك
_ لا اني رايحه للمطبخ بدربي اجيبله ...
دخلت اخذ كوب المي سمعت عمتي تحجي ويا ثمين
_ادري مرتك معرفت تنزل تكعد ويانا شعدها معلگه بغرفتها
_ مو انت جنتي ملتهيه تشيلين غيبه بالتلفون متدرين بيها نزلت وراحت للمطبخ تجيب لابنج مي
_ ولك ويا منو اشيل غيبه خالتك سوداد دتعتذر لان ما كدرت اليوم تجي ويا خالتك سندس گالت باجر تمر
وانت شويه اثگل بعدك اول يوم وترجف على بت منيره بعد سنه تتخوصرلنا
_ يا مره عيب من البنيه شلج بهالحجي لا تجي وتسمعج
_ انتظرت يكملون كلامهم اخذت المي ورجعت انطيته لهذال
انتبهت لهيب سرحان وشارد مو يمنا ...
وعمتي كاعده بصف عمي تفرك بقدم رجله وهم يتفرجون على الفلم
والي كاعد بصفي مخلي ايده جوه خده يتفرج على التلفزيون بس حسيت اكو حسبه باله ما مريحته وجهه كان مغثوث تكهنت ان يكون كلام امه هو السبب همستله
شبيك
التفت وهو يعدل كعدته سلامتج مابيه انتبه على كعده عمي قلدها ورفع رجليه ورجع نزلها
امشي نصعد ادري بيج راح تستحين كدامهم
يله تصبحون على خير احنه صاعدين
بطريقنا حتى نصعد ثمين كفخ لهيب على راسه وغمزله
الثاني ابتسم فهم الرساله
صعدت قبله بخطوتين خطى بسرعة وهو يخلي ايده على كتفي وبدا يقبل خدي وعنقي
_عيب ثمين لا احد يشوفك
_ عمج صار يغار من ابنه هاي اول مره اشوفه هيج يدلل على امي
وابن عمج ضارب صفنه يفكر بأختج بس بقى الزقج خايف لا بعد كم يوم الكى نايم على التلفون يحجي ويا بنات
_ لازم انت كضيتها بعمره نايم على التلفون
_ظلمتيني والله مو بعمره اكبر
_ جاوبته واني افتح باب الغرفه دخلنا
بعد ماكو هالسوالف عيب كبرت
طوقني بأيديه
_ حتى لا تفتحين هالمواضيع بعد
من خطبتج اول مره وحتى بعد ما فسخنا ورجعنا لليوم ماعندي شي الله الشاهد
_ميامي تعلمي ادلليني لا تبقين فاهيه
_ ابتسمت شلون بله علمني
_يعني نيميني على رجلج والعبي بشعري ،احضنيني من هالسوالف مال النسوان الي اداري رجلها
_ والله شكلك انت الي غرت من عمي مو العكس وانت وين شايف سوالف النسوان الي اداري رجلها
_ ما شايف سامع اكو زلم تسولف من باب يتباها
_ وانت هم راح تسولف ؟
_ لا بله اسولف شيصير بيناتنا كدام احد ليش كلولج عليه غيره سز
_لعد شلون اكو تگول يسولفون
_ اغبياء ماعدهم غيره يحبون يتباهون ويجوز نص حجيهم مو صدك جذب
عكبه ورانا دوام يعني بس اليوم اجازه
_ بينما كان يداعب شفتاي تحت الضوء الخافت ويتسلل مستغلا انصياعي
غلبه الشوق حتى شعرت بضيقا يطبق على صدري  كدت اصرخ
ابعدته عني ... فأبتعد فزع لا يعرف ما الذي جعلني انقلب عليه فجأه
_ ابتعدت ... شبيج ميامي سويت شي زعجج
_ باوعت بوجهه هو كدامي لملمت الشرشف على نفسي حسيت النفس
يضيق عليه  مثل الظهر من جنت نايمه وفزيت
تحرك من السرير  لحد نقطه الاضاءه شغلها
ارتاحيت على الاناره
رجع كعد بصفي
_ميامي لا تبقين خايفه مني لازم تتعودين عليه ... شنو الشي الي ضوجج احجيلي
_ بقيت مرتبكه ما اعرف شنو اجاوب
ماكو شي
_ شلون ماكو وعلى غفله تبدل حالج ... اكو شي خلاج تنفرين مني
_ ما نفرت بس بعدني ما متعوده عليك ... الله عليك عوفني خلي انام
بعد لحظات كان مستلقي بجانبي حسيت بي متضايق وهو يتقلب بنومه
مرت اكثر من نص ساعة واني اصارع الارق الي صابني التفتت لگيته
فاتح عينه ومخلي ايده على جبينه صافن على السگف
التفت الي
عبالي نمتي
مدا اكدر انام صار عندي ارق هنا احس اكو ضيق بصدري
فتح ايده
تعالي نامي هنا قريب مني
تحركت وخليت راسي على كتفه بدات شفايفه تتحرك على راسي
وجبيني وخدي لحد ما رفع بأيده وجهي حتى تقابل شفايفه شفايفي
صارت عندي نفس الحاله ابتعدت عنه وضميت وجهي
جوه ذراعة واني محتضنه صدره بخوف
رد فعله بنتر
_شبيج يمعوده مو خبلتيني
خلاني افزع وااطلع صوت كتمه بكف ايده وهو مفزوع من رد فعلي
_ شكوشكو
_ من الخوف بدت دموعي تنزل واني احاول افهمه
والله ما اعرف بس احس نفسي ما مرتاحه اكو شي كاتم على صدري
عبالك حجاره والله دا اختنگ
_ يعني شنو
_ ما ادري والله مدا اكذب
_ ميامي ميخالف بعد ما اسوي شي منا لحد ما تتعلمين عليه وما تخافين مني
لا تبجين ولا تخافين عادي شغله طبيعيه تصير بدايه الزواج
ويمكن لان صار عندج رد فعل مني من البارحه
_ كلامه طمني واقتنعت بي يمكن يكون هذا السبب
طلع الفجر واني ما نايمه وهو نايم بصفي بدا صوت شخيره يدل
تعمق بنومته
شكد ما جنت خايفه بس سمعت اذان الفجر حسيت براحه نفسيه
اخذت ملابس ودخلت للحمام
بعد ما رجعت للغرفه بقيت اذكر الله حتى الصداع بدا يخف
تمددت بفراشي وبقيت اقرا ايات الى ان فزيت على صوت النشيد الوطني
فتحت عيني
لكيته واگف يم التلفزيون التفت وهو ينصي الصوت
_ ارجعي نامي  شغلت التلفزيون بعد ماكو بث
_طفى الجهاز ورجع  استلقى بجانبي  ما كعدنا الا ورا ما سمعنا
صوت دگ  على باب الغرفه
منو
_ ثمين امي تگول اكعدوا صار الظهر
_ التفت عليه
ميامي ترى الساعة بالوحده  راح يصبون الغده
— هسه اكوم  ثمين راسي راسي...
_ لان بقيتي سهرانه ...فزيت الفجر لكيتج تصلين
اكلي واخذي حبايه وجع راس هسه ترتاحين
_نزلت بيومها جانت بدايه لاول محاوله لافتعال المشاكل استقبلتني بيها عمتي
_ ست ميامي ببيت اهلج منيره معلمتكم على النوم للظهر اني ولدي معلمتهم يكعدون من الصبح يتريكون تتعلمين على نظامنا اني ما اقبل بهالحال الاعوج
_ بقيت بس استمع بدون ما اجاوب ... لحد ما كملت جاوبتها
ان شاء الله
احس ايدي مكبله بهالبيت ما اعرف شسوي وشنو المسموح وشنو لا شنو الي يرضيها وشنو الي ينطيها مجال تحجي عليه وتنتقدني
اخر شي سألتها
عمه اني اريدج تعلميني على البيت انت شتريدين مني شلون ابدي ومن ارجع من المدرسه شنو الي عليه .وان شاء الله اسوي مثل ما يعجبج بس اتعلم على ذبتج بالشغل
نظرتلي نظره حسيت كلامي خفف من عصبيتها ورد فعلها بين الي حسيته صح
_ دسوي الزلاطه  وراها حتى اعلمج شلون اطرگين اللبن عمج والولد يحبو
ثخين
_صار
_ ورجلج وينه شو ما شفته
_ يمكن بالحمام
_ بعد مده سمعت صوت ثمين يحجي ويا عمي
دخل للمطبخ توجه يم عمتي خلى ايده على كتفها  وسألها
_ شطابختلنا اليوم
_ سويتلكم برياني من لحم الذبيحه
_ رفع كف ايدها وقبله  هذا المصباح الحلو
_شكو اليوم شو الله هاديك
_ وليش اني شبيه مامهتدي ... والله حرنا نحجي
ولك شو انت قلبك مو عليه ... ابوس واحضن شكو شو اليوم الله هاديك
هسه غير افتهم انت تريدين ذاك لو هذا الي واكف كدامج هسه
_ رد فعله كان مفاجئ
خلى عمتي تضحك من كل قلبها وهي تضربه على كتفه بالجفجير
_ اخ والله اذيتيني
_ التفتت الي
هذا رجلج ترى محد يلحگه باللسان لا تصدگين بي
_ لا عمه وياج اصدگه لان هواي يمدح بيج كدامي ويحبج
بس هو يمكن ميعرف يعبر
لمحت نظره سريعه منه رفع تك حاجبه ورجعه بسرعة  ويا نظره بيها
بريق اعجاب ودهشه  ختمها بأبتسامه خفيفه
_ سمعتي حتى تبطلين تظلميني ...
_ اها بعد انت  حيال وهي كدرتلك يعني احيل منك اني وين اكدرلكم
_ دصبولنا الاكل بين ما اصعد وانزل
_ وهو بطريقه يطلع من المطبخ كان ظهره لعمتي ووجهه الي
تحركت شفايفه بسرعة وهو يرسل قبلات ويا ملامح الحيله والابتسامه الماكره
_ صعدت للسطح جان  وضعه مزري  انضافت اله هوسه تحضيرات عرسي من صبغ  والاخشاب القديمه
رفعت راسي للسما الشمس عاليه ... خليها فد ساعتين ثلاثه
اصعد الولد ويايه انفضه
_ بعد الغده دخلت للهول بعد ما كملت تنظيف وجبت الجاي ،عمي وعمتي
فهمت لازم ياخذون قيلوله الظهر والولد وثمين  يبقون يتفرجون على التلفزيون لو يغفون لو ينتظرون العصر يبدلون ويطلعون  هو اخر واحد انطيته استكان  الجاي
كعدت بصفه نتفرج على مسلسل مصري
كمل الجاي رفع ايدي وخلى راسه على رجلي ورجع ايدي على شعره
وهو يخزرني دلليني لا احرك امي عليج
_ ابتسمت وهمستله
ما غزر بيك دافعتلك كدامها
_ انت من مصلحتج ادافعيلي لان عريس وكاعد بالوحده عبالهم  سهران
للصبح عاد هسه اگلها بت منيره البارحه نيمتني مكسور الخاطر
والله تكوم تهتف عليج
_ضحكت شفت عمي وعمتي انتبهوا عمي ابتسم على ضحكتي
خجلت منه  لان  حسيته افتهم ثمين سوا شي خلاني اضحك  بسببه
حسيت عمتي ما عجبتها الضحكه
عصبت و
نترت بثمين  واشرت على الولد متمددين بالكاع  يتفرجون قريب التلفزيون
_ دكعد عدل مو كاعدين
_ ادري انتِ من يمي مو كاعدين بس من  يم ابو ثمين حلال 
_ ضحك عمي وضرب بعكسه عكس عمتي
يمعوده خلي براحته ... هسه بعد كم شهر ميلحگ حتى يكعد  وياها من يصير عندهم طفل
_ اسمعي اسمعي ...وانت مستكثره عليه هالايام  والدلال
_ عضت عمتي اصابعها وهي ادردم عليه متكدر تحجي كدام الولد
لا ينتبهون
اخ منك ليش اني وين اكدرلك  ابو راس الگوي
_ بقيت مرتبكه واحاول ارفع راسه بأصابعي من دون ما ينتبهون حتى
يگوم يكعد عدل  وهو يبتسم وعينه على المسلسل
بقيت الح الى ان جر كفي  وحبسه بكفه على صدره
وبدا يداهر عمتي وعمي
— شوفي يمه من وراج زرفت راسي باصابعها  متريدني ابقى مرتاح
حتى ويا مرتي حظي ما كاعد ... شوف يابه لا مرتك ولا بت اخوك
مريحاتني 
_ ضحكوا حتى الولد وهم يلفون راسهم للخلف حتى يشوفوا 
نتر بيهم
_لك انت ويا لفوا وجهكم على التلفزيون هسه امي تگلي طلعت عين اخوتك
متدري واحد منهم قلبه طار والثاني يسوي قلوب بنهايه دفاتره وهو بعده طوله شبرين
_ عمي وعمتي مستمرين بالضحك ... وهو يذب الكلام بفكاهه لكن من غير ما يتصنع او يحاول يضحكهم
عنده قابليه خلتني ابقى اضحك فوك راسه الى ان التفت هو هم ضحك على ضحكتي
_ اوي عيني راح اطگين على كيفج
همس بصوت بالكاد كدرت اسمعه لان طلع من بين اسنانه
بت منيره اليوم اذا تسوين سوايات البارحه غير اشمرج من السطح
_ بقيت اضحك والكل يبتسمون ويايه من دون ما يعرفون الي سمعته
عمتي دخلت للصاله تتصل بأختها  وعمي اترخص راح ينام
التفت لهيب
_ والله انت الله لا يوكع احد بلسانك  اني شورطني وسألتك بذاك اليوم
_ صدك ولك هذال انت هاي القلوب المن ترسمها
_ يا قلوب ما راسم
_ جذاب اخذت من جنطتك دفتر دا اسجل رقم ديردولياه
لكيتك راسم قلب
بس اني عرفتها وراح اروح باجر للمدرسه اگلهم اخويه يحب هالبنيه
وااشرلهم عليها
_ والله هي علا تحبني مو اني
_ ضحك ثمين بصوت عالي  بعد ما كدر يبوك لسان هذال
لك انت والله زلمه رأسا  بعتها طلعت هي الي تحبك
بيها الخير
_ ارتعد هذال بغضب وهو يتذمر من مزاح اخوته الكبار
وبدا يرشقهم باسرار يعرفها عنهم  خلاهم يركضون ورا حتى يلزموا
_ ترى ثمين جان مصادق دعاء بت جيرانه  واني انطيها الرساله
ولهيب هم يحب وحده سمعته يحجي وياها بالتلفون
_ بعد  ما تغيرت نظرات ميامي لثمين وهو بقى ساكت يبتسم
وطلبت منه ان يوخر تريد تصعد لغرفتها
تركتنا واني ويا واحد يبتسم بوجه الثاني
_ لك اليوم اعلگ بالبنكه اذا صارت مشكله بيني وبينها بسببك زقج
_وانت الثاني من تخابر انتبه من هالزعطوط  طلع كلشي يفتهم
خلي اصعد لبت عمك اعدل وجهها شفتها انعقجت
_  بعد ما صعد ثمين
اختليت بهذال جنت قلق ان يكون سامعني واني احجي ويا مي ويعرف الاسم او منو هي
_ لك انت جذاب وين عندي صديقه واخابرها
_ والله سمعتك تحجي احبج
_ هي منو انت تعرفها
_  اي اعرف منو