قلوب بينها برزخ

بارت جديد

لمحت امي فتحت باب المطبخ من طلعت همستلها وهي مفزوعه
ها ميامي ماما خيرج
ماما ابويه وين
بنتي شكو صاير شي
فتحت الباب ودخلت
ابوج طالع تعالي ادخلي
دخلت واني احجي وياها يوم مرت عمي تريد تاخذني للدكتور
انزل الطفل
شلون تنزله هاي مخبله عاقله
شنو بكيفها غير اطيح حظها وحظ ابنها اذا هو يقبل
لا ماما ثمين ما يدري
تعالي اصعدي فوك بغرفتكم اخاف ابوج يجي
صعدت وياها
دخلت للغرفه التفتت مي مصدومه
هلو ميامي منو جابج
كعدت على الفراش جاوبتها امي
اجتي وحدها
هاي مرت عمج تريد تاخذها للدكتوره تنزل الطفل
شنو
والله يوم ماعدها علم اني حامل بس گلتلها دا احس
عندي اعراض
تخبلت هجمت عليه بالحجي
بديت اسرد  كلامها كدام امي ومي
امي تعصبت
الله لا يوفقها شنو هاللئم اوف منها هالمره شكد ظالمه
وله اكو وحده ماتفرح لابنها
شنو من قلب شايله هالمره عبالي غيرها العمر وهالسنين
بعدها نفس الحقاره والحقد صدك
الحقد والغيره ماكل قلبها حتى انسانيه ماعدها ماعندها مخافه الله
_ اتصلت على ثمين حتى ابلغه بحجي امه  بس مكدر يحجي ويايه
اكو يمه احد
واني بعد من سمعت هيج مكدرت ابلغه غيو بموضوع الحمل
بس ما حسيته متلهف او فرحان
اخاف هو هم ميريد طفل شلون
-شنو ميريد طفل لعد ما فكر بهالشي قبل ما يصير
_ يوم لعد شنو الحل
اخاف تصير مشكله وبعد ما اكدر ارجع ولا اكدر ابقى هنا ابويه ميقبل
وين اروح
- ليش انت شلون اجيتي
_ اجيت وحدي هي وعمي طلعوالبيت اختها متعاركه ويا رجلها اتصلت عليها ولهيب ديدرس
_ دقيقه انتظري هسه اجي
_ بقيت ويا مي بالغرفه تحاول تهديني
_ مي ادعيلي الله يخلصني من عمتي والله منغصه حياتي
ولا ودي ارجع اتمنى لو ابويه يقبل ابقى يمكم والله
حتى ثمين اتركه بس ارجع لهالبيت ولحياتي وياكم ما ارتاحيت
من يوم النيشان بدت سوالفها ويايه ولليوم منين ما اجيها وشلون
اعاملها احتاريت والله على اعصابي احس نفسي ويا عدو عنده حرب ويايه
طول الوقت متربصلي واني لازم اكون واعيه وحذره وصبوره
في سبيل اخلص من شرها
ثمين مامقصر ويايه ويريد يرضيني ويفرحني بالي يكدر عليه
بس هم هي امه شيريد يسويلها
هاي يسايسها وغير تعامله واسلوبه وياها حتى يرضيها وتبطل حقد عليه
واني ما اكدر ازيد همه واكعد اشتكيله من تصرفاتها ما اريد اخسره
من ورا افعالها الي هي متقصدتها حتى تخرب علاقتنا
هو يادوب ينزل اجازه يومين الحك اشوفه بيها كم ساعة لان يطلع يشتغل حتى يرتب امورنا
جذب مي اني ما اكدر اتركه ولا اكدر أذي
بس من الخوف والقلق حجيت هالشكل
- دخلت امي امشي اني ارجعج قبل ما تجي
هسه اتصلت عليهم طلعلي هذا الصغير
سألته انطيني ماما گلي بعدها طالعه
انزلي قبل لا يجي ابوج اتصلي على لهيب
تحججي صار عندج الم وعمتج وعمج طالعين
دكيتي عليه اني اجيت اخذتج وهسه ارجعج
_ وابويه اذا اجى ولكاج ماكو شلون
_ هاهيه كافي لهنا ويا لان سواها بلا ملح خوما
نعوفج لعبه بيد مها
مستغله وضع ابوج وياج اليوم اراويها العين الحمره
خلي تصبرلي
_ بعد ان اتصلت بلهيب وفهمته
اتصلت امي بجيرانا عنده تكسي حتى يوصلنا
لبيت عمي
من وصلت للفرع قلبي بدا يخفق بسرعه
التفتت عليه امي من حست بهالخوف وهي تهمسلي
شبيج بنتي لا تخافين اني يمج منو يكدر يأذيج لو يستقوى عليج
واني عايشه
اخ اخ كله من راس ابوج وله اني انطي مجال لمها تستفرد بيج بس غير
الوضعيه كلها تخربطت من ورا زلم هالعائله كلها مخابيل الله بلانا بيهم
- نزلت بصف امي وهي ادك الجرس
طلعلي عمي هبطت لان عرفت بيهم رجعوا
_ شلونك ابو ثمين
_ يا هلا هلا بيج تفضلي
_ وهو يمشي بجانبنا وجهلي الكلام
_ ها بابا خيرج لهيب كلي مالج خلك ليش ما خليتي
يتصل علينا اني اجي اخذج
_ بدخلتنا للهول امي جاوبته ماكو فرق
بس هي نحرجت تحجي ويا لهيب لان جانت محتاجه اخذها للدكتوره
وكالت عمتي طلعت بشغله طارئه
ويا ما كعدت امي واني بصفها عمي
جاوبها
_ اي والله صارت لغوه بيت اختها ورحنالهم عاد بقت اليوم هناك
واني رجعت
_ ها لعد مها ماموجوده اني اترخص عبالي اشوفها واحجي وياها بشغله
_ خيرج ام ميامي
_ لا والله ردت ابشرها ميامي حامل والدكتوره كالت وضعها
لان صغيره مقلق لازم ديرون بالكم عليها عبالي اوصيها عليها
يله اني باجر امرلكم العصر ان شاء الله
وانت اي شي تحتاجي حبيبتي خابريني اني خمس دقايق يمج
_ لايبقى بالج احنه يمها هي بنتنا
_ لا طبعا مايبقى بالي بس هم خطيه مها متعوبه اني اعينها
ساعة الساعه هي مشغوله طالعه اني
ان شاء الله يوميه امرلها هم اكضي وقت ويا مها وهم اشوف ميامي
_ كل الهلا
بس ميصير ابقي نتعشى سوا قابل انت غريبه
_ والله بيت اخويه
بس هشام طالع ميدري بيه يمكم ولازم ارجع احضرلهم العشا
والولد جيرانا ابو التكسي ينتظرني برا
_ يمعوده اني اوصلج
_ لا والله تسلم خطيه گتله روح ونص ساعة ارجعلي ماقبل كلي
لا خاله انتظرج كملي على راحتج
_ على راحتج
_ طلعت امي واني مرتاحه لان عمتي ماموجوده اليوم بالبيت
دخلت طلعت كم شغله من الثلاجه حتى اسوي العشا
دخل عمي وهو يسد باب المطبخ
_ عمو حبيبتي لا تعبين نفسج هسه ادز لهيب يجيبلنا لفات
من راس الشارع
روحي ارتاحي
_ لاعمو هسه اسويلكم عشى بسرعة
_ لا لا اصعدي لغرفتج غيري ملابسج ودزيلي لهيب بدربج
_ صعدت دكيت الباب
_ ها ميامي شلون صرتي
_ لا سلامتك ماكو شي بس عمو رايدك
_ على الخير
_ خير الي يصيبك ( حسيت بي غلط من باركلي
افتهم فهمت متصل بمي )
بررلي
_ مو اتصلت عليكم بالبيت حتى ابلغج ابويه يمرلج
بس مي طلعتلي گلتلي طلعتوا
_ اي والله من سديت الخط وياك طلعنا مباشره
_ يله المهم انت بخير خلي انزل لابويه
_ كملت طريقي لغرفتي حسيت نفسي تعبانه ومحتاجه
اسبح
تذكرت تعليمات مرت عمي باسل
شغلت سوره البقره بصوت واطي بالغرفه
اخذت ملابسي وطلعت للسطح جبت المي المقري عليه
بعد ان طلعت من الحمام
علكت الحرز بملابسي بديت اسرح بشعري
تذكرت بقت قنينه المي بالحمام
بسرعة طلعت اخذتها وطلعت للسطح خفيتها
ويا ما دخلت صار لهيب بوجهي وهو ديصعد الدرج
_ هاعيني محتاجه شي
_ لا سلامتك
_ لعد يله انزلي خلي نتعشى ابويه ينتظرنا
_ دخلت للمطبخ لكيت لهيب محضر الشاي والاكواب
استحيت منهم
ليش هوبي انت سويت الشاي جان صحتني اني اسوي
رد عمي
_ ماكو فرق بابا هو هم اخوج اني كتله انت سوي اختك تعبانه
تعالي اكعدي بصفي
كملنا اكل بين ما نظفت السفره وطلعت الفاكهه لعمي
لهيب اقترح نلعب دنمبله بقينا نلعب اكثر من ساعتين
تمنيت ثمين ويانا حسيت مكانه خالي
الى ان عمي تعب ونهى اللعب حتى يروح ينام
بقيت اني ولهيب بالمطبخ
بقينا نسولف جنت حاسه بي شي ومرتبك
يريد يحجي وميعرف شلون يفتح الموضوع
_ ميامي انت تعرفيني اني ما احب الف وادور ولا احب الحيله والكذب
_ ادري
_ ميامي اني احب مي
_اعرف
_ رفع راسه ونظرلي بخجل واكيد تعرفين اكو تواصل بيناتنا
بالتلفون
_اعرف
لان مي متضم عليه شي ولو ما اعرف اختي شنو وانت شنو
مجان بينت كدامك اني اعرف
بس لهيب انت تتصور ابويه بعد الي صار وموقفه لليوم من ثمين وعمي
حيقبل ينطيك مي
_ ميامي منا لكم سنه الف يا الله يجوز النفوس تتصافى
_ واذا ما تصافت
_ معنى يصير حالنا مثلكم
_ بس هالشي تبعاته صعبه عليكم
_ ميامي ثمين حبج لدرجه اني اخو مجنت مستوعبها
شكيت لوقت ان هو ديسوي هالفوضى بس حتى يرد اعتباره
لان اكثر من مره سامعه يحجي وينتقد جماعته الي يحبون
بس الشي الي تحمله من ملامه وانتقاد من الكل
بس يمي يفضفض
ويفرغ همه
بس اني اعرف اخويه شنو حس وقلبه شلون جان محترك
لحد ما رجعتي اله
_ اعرف
_ لا ميامي متعرفين اني دا احجي وياج هالشي
حتى اكلج ثمين تحمل كلشي لخاطرج انت هم تحملي لخاطره
ماكو شي يبقى على حاله بس انطي مجال يرتب اموره
وبنفس الوقت كونيك قريبه منه طمني دائما حسسي انت مقدره
الي ديسوي وشايفته
ترى ثمين دخل سلفه ويا جماعه بس حتى يرتب موصوع زواجكم
باسرع وقت ويجيبج يمه
هذا الموضوع محد يعرف بي غير اني وهو وحاليا انت
والمبلغ الي لازم يدفعه كل شهر مو قليل لذلك يمكن مرات تحسي
شارد او رد فعله على بعض الامور باهت
_ مي كلتلك اني بلغته بالحمل وكان رد فعله بارد
لذلك انت فتحت هالموضوع
_ ابتسم ميامي اني اكثر شخص بهالبيت حيكون دائما وياج
انت بت عمي يعني اختي قبل متكونين مرة اخويه
بس اني اريد اسهل عليج تفكير ثمين حتى تكدرين تفهمي بسرعة وبسهوله
لان اعرف مرات الشيطان يصورلنا امور مو حقيقيه
يله كومي ارتاحي ورانا دوام اصعدي يم هذال بالغرفه
_ ماشي يله تصبح على خير
_وانت من اهله
__________
صحيت ثاني يوم
نزلت احضر الريوك لكيت عمي صاحي
مخدر الشاي وجايب صمون حار
_صباح الخير عمو
_ صباح الخير
_ ليش عمو كاعد اني اسوي للولد ريوك
_ والله عمو بعد فزيت طلعت اجيب صمون
ماطول كعدتي لعد اني هم خلي اروح ابدل واكعد هذال
ولهيب
ومن اطلع للدائره اعتمد عليج انت تقفلين ذولي الاثنين
ميدرون بروحهم
_ روح عمو اني ارتب الامور
بعدها بنص ساعه التمينا نتريك
مكدرت اكل بقيت انتظرهم يكملون حتى اروح اغسل
متحملت ريحه البيض ترخصت منهم
_ عمو ما اكلتي
_ اخذت ويايه لفه
هذولي موتنسى تخلي اكلك بالجنطه
_ انطينياه خلي اروح اخلي
_ كمل اكلك
_ لا كملت
_ لعد ماطول كملتوا هم يله نطلع نوار ينتظرنا بره هسه
_ هوبي اذا انت صاعد بس چبك الغرف الفوك
بين ما اني اقفل جوه
بعد ما طلع عمي
طلعنا ما لگينا نوار
_ هذا وين صار
_ والله ما ادري بس اكيد صار ويا شي
_ تعالي خلي ندخل اتصل على بيتهم
_ بقى يرن التلفون محد يرد
_ هسه شلون بله اني اروح مشي انت شلون
_ عادي اروح مشي وياك مثل قبل ويا مي
_ بس قبل المدرسه مو كلش بعيده عن بيتكم عن بيتنا المسافه ضعف تقريبا
_ عادي هوبي راح نكضي الطريق سوالف ما نحس بي
_ يله لعد
استحيت اگلها انت حامل اخاف تتعبين
قررت اطلع على الشارع العام حتى بلكت نلگى تكسي واذا ما لكينا فنختصر المسافه بين الافرع
بين سوالف وضحك ما حسينا بالطريق مر تكسي
وگفته وصلت ميامي وكملنا لطريق مدرستي
دخل بشارع بيت نوار بابهم مفتوح وبكراجهم ملتمين الناس
قلقت
لابيه اگله للتكسي ارجع طلع من الفرع ولا بيه ما اروح للمدرسه عندي امتحان واني متأخر اصلا
بقيت طول الدوام بالي يم نوار
هذا ما اجى ولا انطاني خبر الا لسبب موهين
_ لنهايه الدوام نسيت موضوع نوار بقيت افكر بميامي
نسيت ابلغها عندي درس خصوصي
ولازم ترجع ويا مي
بقيت متحير اروح للدرس لان باجر عندي امتحان  لو اروح لميامي
قررت اخذ نكسي امر اوصل ميامي ومي لبيت عمي
واروح للدرس
وصلت لباب المدرسه ما لكيتهن
طلبت منه يطلع على الشارع شفتهن من بعيد
طلبت من التكسي يخفف يم البنات
ميامي
التفتت
_ هلو هوبي
_ يله اصعدوا
صعدن
طبعا نسيت عندي درس اجيت اوصلكم وارجع للدرس
_ يعني انزل ويا مي ابقى بيت اهلي الى ان ترجع لو حتوصلني للبيت
_ اني بالي تنزلين ويا مي وارجعلج بس اذا تريدين اوصلج
بكيفج
_ لالا انزل ويا مي انت هم خطيه حتى تلحك تروح للدرس
_ تمام
_ نزلنا سلم وتحركت السياره
دخلنا للكراج اخذنا المفتاح الي جوه السندانه
دنفتح الباب سمعنا صوت
سياره طبكت باب بيتنا
وحركه بباب البيت ثواني وصار وجه ثمين كدامنا
فزعنا
من شافنا كال افتحولي الباب
ركضت فتحتله الباب دخل قبلني من خدي لكن هالمره اللقاء
بارد حسيت بي شي
سلم على مي وطلب منها كلاص مي
واحنه دندخل للمطبخ
كعد على الميز
_ وين صرتوا رحتلكم للمدرسه ما لكيتكم افتريت بالافرع ماكو
رحت لبيتنا ما لكيتج انت ولهيب كلت ماكو  غير هي بيت عمي ولهيب عنده درس خصوصي
عاد اجيت
_ كعدت بصفه
ثمين خيرك شو احس بيك شي
_ ماكو شي سلامتج
انطته مي كاسه المي 
_ عاشت ايدج
مي انتبهي من ترجعين وحدج بالبيت
لا تفتحين الباب لاحد ابد
اكو عصابه بمنطقتنا صايره اكثر من حاله سرقه
اخو نوار اليوم توفى
انت تدرين بيهم يشتغلون بسيارتي تكسي الولد راجع لمنطقتنا
بالليل مأشرله واحد مسند شخص
طابك بصفهم گايله اخذنا للمستشفى الفلانيه
اخويه متخربط
الولد ماخذهم بالطريق جارين عليه مسدس
انزل من السياره
مخلي بصفه بوري سحبه ضرب الي بصفه
الي ورا شكله ميريد يقتله
طلع من السياره انهزم هذا الي بصف رافد  ضرب طلقه
ونهزم
رافد متصوب وصوابه حار ماحاس بشي مشغل السياره بوجهه لبيتهم
وصل للبيت
وهو ينزف
داخل على اهله بهالوضع اخوته ماخذي للمستشفى
ورا ٤ ساعات متوفي
لذلك اليوم نوار مكدر يجيكم ولا ينطي خبر للهيب
خابرني قبل ساعتين كملت تدريب اخذت رخصه اطلع و
لازم ارجع الفجر قبل التدريب
رحت بوجهي لبيت نوار وضعه يبچي الكافر
بس شنو بيدي اسويله لو اخفف عنه والله من هلكد ما قلبي انقبض
ترخصت منه اجيت عليكم وعبالي اشوف هوبي
_ الله يعينه ويعين اعله على هالمصيبه
هوبي خطيه مرلنا بتكسي رجعنا وراح للدرس
_ الله يرحمه والله خوفتني ثمين ابقى وحدي بعد بالبيت
_ لازم تنتبهين حتى لعمي وعمتي حذريهم لان حسب ما سمعت
هم عصابه بيها نسوان وزلم النسوان يدكن الباب على فلان بيت
بحجه افوت حمام او كلاص مي او متعرفون بيت فلان وعود هيه متيهه
وتريد تتصل من التلفون اشكال سمعت
هي هنا تچيك البيت وتاخذ معلومات وراها ينطون للزلم التقرير
وعليه يتم التخطيط والتنفيذ
فانتبهوا من اي غريب
_ ان شاء الله خلي اصعد ابدل واجيكم
_ طلعت مي انداريت لميامي خليت ايدي على كتفها وقبلت خدها تدرين اني حتى نسيت موضوع الحمل شنو اخبارج شلونه وضعج
_ الحمد لله بعدني بالبدايه بس اعراض الوحام
_ يعني شنو
_ يعني صايره ما اكدر اشتم ريحه البيض ومن اركب السياره ادوخ
هيج شغلات
ابتسم
_ وهم يله شوكت توصل امج
_ بعد ساعة ونص تقريبا
_ امممم شلون اني لابيه اترك مي وحدها
ولا بيه حيل ابقى كاعد هنا
وبنفس الوقت عيني على الباب اخاف عمي على حظنا اليوم يجي من وكت
_ لا ابويه ميجي قبل ال٣،٣٠
تعال تمدد على القنفه بالهول من توصل امي اكعدك ونروح
ثانيا ماسألتك عمتي رجعت
_ لا بعدها المغرب ابويه يروح يجيبها هاي اذا رجعت
_لعد شنو حيتغدون عمي ولهيب
_ لاتخافين على عمج متعلم على هالوضع من قبل ما تدخلين بيتنا
يعرف يدبر روحه
_ اخاف عمتي تزعل مني انت روح نام واني حطبخ النا شي بسيط ناخذه ويانا ومن تجي امي نروح
_ لاتعبين نفسج ماكو داعي هسه نلكيهم متغدين
_ لالا هيج احسن حتى لو متغدين المهم تجي تلگاني متذكرتهم
وانت ولهيب تتغدون
_ تحركت من الكرسي بوگفتي جرني حضني وهو هلى كعدته
ليش متعوفبن غده عمج وولده وتجين تنيميني
_ جاوبته واني اتلمس خده من نرجع هسه روح تمدد لحد ما نروح
يله كوم روح للهول
مي وينج من سمعت صحت على مي وجاوبتني وكف وهو يسألني
_ ميامي عمتي مامسويه كرات تمر
_ ميامي اني بالحمام شغلت الغساله هسه اجي
_ ما ادري هسه اشوفلك بالثلاجه
_ رحت فتحت الثلاجه لكيت راسه ورايه
_ ترى اني جوعان انطيني اي شي اكله بين ما نرجع
_ بهالاثناء دخلت مي وسمعته
_ ميامي طلعي الاكل احمي وصبي لثمين امي طابخه
مركه باميه والصبح طبخت التمن
_لا بس اريد كرصه خبز ثرديها وعليها شويه مركه
_ بين ما كان كاعد دياكل مي كاعده يمه يسولف وياها ويضحك
اني طبخت تمن احمر واول ما ذبيت البيتنجان بالمقلايه طفر الزيت
تحرك هو بسرعه جرني
_ خو ما احتركتي
_ لالا طفرت كم نقطه على ايدي
_دنتبهي يا عيني
من كملت كعدت يمهم هو راح يغسل
_اكلج ميامي ثمين كلج شي على الحمل
_ بس سألني على وصعي
_ يعني ما حسيتي منزعج
_ هو وضعه اليوم تعبان ومهموم غير عن كل مره بس
اتوقع من ورا موضوع الولد اخو نوار
_ زين اذا رجعت عمتج وبعدها مصره  تاخذج تنزلين الطفل وهو
وافقها شنو تسوين
_ بهالاثناء دخل غيرنا الحديث من دون ما اعرف بي سمع
مابقى شي للامتحانات وتخلص السنه
_ شدو حيلكم
_ اني هم باذن الله قربت اتخرج عاد نرتاح من هالوضع
ميامي اني حروح اتمدد اول ما تجي عمتي اخاف اغفى كعديني حتى نتوكل
_ ان شاء الله
_ بعد ما راح للهول ورحت غطيته رجعت لمي
_ تتوقعين اذا سمع حجج عمتي يگلي نزلي الطفل
شو خوفتيني
_ تريدين الصدك انت لازم تكونين سباعيه ومتسمحين لاحد يدخل بهالموضوع يعني هذا رزق الله ولازم تحجين لثمين الي صار ويا عمتج البارحه كافي ميامي تبقين ساكته اكو امور ميصير نسكت عنها
_ والله يا مي اني تعجبت برد فعلها معقوله ما تفرح يصير عند ابنها
طفل عمي والولد من سمعوا الخبر فرحوا بحيث عمي من وصته امي
ميريد يتعبني
كضاها يصخر هوبي حتى استحيت بس هوبي هم ورده تدرين مي
عمي والولد طيبين ونفسهم طيبه بس هي عمتي الله يهديها
منغصه حياتي وراحتي
وله عمي كل ما يحس بيها تغثني او يسمعها بالصدفه ادنغز ويايه
يدخل يطيب خاطري بتصرف او كلام وهوبي الولد هم مكضيها ويايه اتفاقيات حتى لا اترزل ولان ثمين موصي عليه
الولد لو اطلب منه الطلب يترك حتى دراسته ويلبي
وهذال برغم صغير واحس بيها مرات تخلي يتجسسلها
بس هم على نياته عنده براءه طفل توصي يخلي باله بس هو
باله يم اللعب والتلفزيون مع ذلك امرها عجيب ما تريد  لهيب وثمين يحجون كدامه اي شي يطلع عينه
مرات استغرب تصرفاتها بس اكول هي ام متريد تضر ولدها
واكيد تعبت بتربيتهم الي طلعوا هيج ولد
هي عدها بس ثمين تعتبره الطالع عن شورها
بس بالحقيقه هم كلهم گوايه طالعين عليها وعلى خوالهم
وله عمي ميكدرلها جربته يسمع نصيحه وحجايه ولده
حتى متگوي بيهم من يوافقوا الرأي على شغله
تكون هي رافضتها
تدرين شكد هو وابويه يتشابهون موبس بالشكل حتى بالحركات والتصرفات
مرات من يصفن على التلفزيون ويحرك السبحه يمين ويسار
عبالك ابويه كدامي
_ ميامي ثمين ما طالع على امه يشبه عمي باسل واني سامعه
هالشي من اهل ابويه
ولهيب يشبه عمي وابويه نفس الطيبه بس يا خوفي يطلع مثل ابويه
من يقفلها فد مره
_ صح كلامج ثمين عمي باسل حتى تحسي هو مربي يفهمه
والوحيد الي يكدرله وقلبه عليه
والوحيد الي احس ثمين يصغي له وياخذ بكلامه ونصيحته ولو يبقى ويا ايام وليالي ما يمل
_ هي هاي عمتج مصيبتها الغيره عاميه عيونها وقلبها
_ ندكت الباب التفتت امي وياها منى وهنودي
_فتحتلها الباب بوستها واخذت هنودي منها واني ابوس بمنى
_ شلونج حبيبتي اليوم تعالي سولفيلي البارحه شصار من رحت
_ اشرت لامي باصبعي معنى اشش واني ااشرلها على باب المطبخ
_ همست منو
_ ثمين بالهول متمدد
_ شعجب مر
_ هاي تسولفلجياها مي اني لازم اكعده حتى نروح
_ زين ابقوا تغدوا
_ لا ماما ثمين اكل واني طبخت لعمي وللولد حناخذه ويانا
_واني شفت سياره تشبه سيارته بس هو طابكها كدام باب بيت ابو
محمود
_ صدك يوم عدكم تمر لان اشتهى الكرات الي تسويها لابويه
_عندي بالمجمده اخذي
_ مي انت طلعيلي بين ما اروح لثمين
دخلت لكيته نايم
ثموني هم يله نروح للبيت امي وصلت
تحرك من مكانه وهو يمسح وجهه بايده  حتى يصحصح
_ يله ميامي اني ترى قافل فد مره من النعاس والتعب مدا اشوف
خلي اسلم ونترخص
_ دخلت امي للهول
_ ها عمه شلونك اخبارك
_ الحمد لله بخير انت وعمي ان شاء الله كلكم بخير
_ الحمد لله ليش ما تبقون تتغدون
_ لا والله عمه كولي روحوا ناموا
_ يله اني اذا صارلي مجال هم اسويلي مره مثل البارحه
اشوف امك واوصيها على ميامي
بعد هي حامل لازم اديرون بالكم عليها
_ التفتلي متفاجئ
شو ما گلتي عمتي اجتي
_ ما گالتلك لان هالموضوع رايدله نكعد اني وياك عشر دقايق
_ بعد ما كعد يستمع
خفت لا امي تنسى وتگله ميامي اجتنا وحدها محد يدري بيها
لكن من سردت الحدث مثل  ما اتفقنا ارتاحيت
_ من اتصلت عليه ورحت جبتها جانت منهاره من الخوف والبجي لان امك الله يسامحها من گايلتلها ميامي اني يمكن حامل ما كدرت تگلها امي اخذتني للدكتوره وتأكدت اني حامل حتى لا تزعل وتصير مشكله
امك ردها ان مو وقت هالطفل ولازم تاخذ ميامي للدكتوره اذا طلع حمل تخلي الدكتوره تنزله الها
اولا هذا اعتراض على رزق رب العالمين ثانيا يا ابني الطفل ربك هو الي يعينكم على تربيته ورزقه مو انت ولا هي الكم الفضل كله برحمه الله كبرناكم وهاي انتو
ثالثا انت افهم منها المفروض اذا جنت مخطط تأجل موضوع الطفل
تتفق ويا مرتك حتى ترتبون الوضع
رابعا اني متأكده انت ماتقبل تعرض مرتك للاجهاض ومخاطره وبالخصوص هي بهالعمر ترى بعدين الله يعاقبك حتى خلفه ما ينطيك
_ بقى ثمين يستمع الى ان كملت امي ابتسم
_ عمه اني ماعندي علم بهذا كله بس اطمئني الي ببطنها ابني
وهي بنتي اثنينهم اخليهم بعيوني
لا يبقى بالج وانت اذا تمرين كل الهلا بيج
اني ارتاح من انت تزوريها وتكونين قريبه عليها
لان هي ترتاح واذا عندها سالفه سؤال انت اقربلها
احنه نترخص
يله عيني كملتي
_ اي كملت
_ اول ما صعدنا السياره ثمين لهيب هسه يجي لهنا خطيه
شلون
_ عادي ينطوا خبر رجعنا
_ ميامي انت البارحه خابرتيني علمود هالموضوع
_ اي
_احجيلي بالتفصيل شنو الي  صار
وشنو رد فعل  امي بالحرف
- قصيت عليه السالفه من اخذتني امي للدكتوره الى ان رجعتني لبيتهم
- خلص انت هذا الموضوع عوفي عليه اني احجي ويا امي
_ وصلنا نزل ويا الاكل
اول ما دخلنا للمطبخ
_ ميامي احمي الاكل بين ما اشوف ابويه وهذال
_ ما ننتظر هوبي
_ لا من يجي هو يصب لروحه اني جوعان ونعسان
وانت نكمل الغده بوجهج للغرفه
_ خلي الاكل على النار  ويله نصعد نغير ملابسنا وننزل
_ طلعت من المطبخ ورا لكيته بغرفه عمي
يصحي حتى يتغده
تركتهم وصعدت اغير ملابسي
بعدها غسلت وجهي وفتحت ذيل الحصان
ويا ما فرشت المصلايه
فتح الباب
_ها عيني حضرتيلي ملابسي بالحمام
_ لا والله بس الدشداشه هسه احضرهن
_ لا كملي صلاة اني احضرهن
_ بعد ان سلمت بقيت اسبح
دخل للغرفه
_ تقبل الله اذا كملتي انزلي صبيلنا اني وياج ابويه
گال بعدين من يكعد
سمعنا صوت جرس الباب
نزل قبلي
نزلت دخل هو ولهيب
يسولفون
- ابويه انت صبيلنا
وانت هوبي 
اغسل ايدك على السنك خلي ناكل  واصعد بدل ملابسك وارتاح
_ كعدنا بقيت اتفرج واستمع اله هو ولهيب وهم يسولفون عن
نوار واهله واتفق ويا يروح للفاتحه ويا عمي بمكانه
بعد ان كملت التنظيف وهم مستمرين صعدت لغرفتي
شغلت سوره البقره
تمددت واني انتظر ثمين الى ان فتحت عيني بين الصحوه والنوم
والنعاس
على قبل مبعثره على خدي
_ نمتي يا تنمبل وعفتيني
_ ثمين والله نعسانه ورايه دراسه
_ يا ظالمه هي كم ساعه ولازم ارجع
_ تعال نام
مديت ايدي نيمته عليها واني ابهامي يتحرك على خده
بعد اكثر من ساعتين ونص فزيت
ثمين نايم بعيد عني ... الوقت عصريه
نزلت غسلت الملابس وصعدت اشرها
بالسطح بين ما كملت حسيت اكو احد يراقبني
ويا ما رفعت السله رفعت وجهي  ثواني لمحت شاب اكبر من عمر ثمين
منتجي على الحايط يدخن وصافن عليه  هي ابتسامه منه خلتني ادخل سريع واني مرتبكه
بقيت متحيره احجي لثمين عنه لو اتجاهل الموضوع
بس هو يمكن ماكان قاصدني لان ما تصرف بسوء واگف بسطحهم يدخن
الافضل ما احجي
دخلت لغرفه بعده ثمين نايم
همستله ثموني ثمين يله عيني كافي نوم
_انقلب على ظهره وخلى ايده جوه راسه
اكلج ميامي اني اذا ارجعج لهشام ومنيره احد يعتب عليه
_ لا بس ابنك شلون ترجعه ويايه
_ ميامي انت شوكت تتلحلحين وتسويلي ملاعيب النسوان
شويه دلع شويه هز شويه ملابس انثويه
شو انت كل ما انبهج ترجعين ورا هسه اول ما تزوجنا هم جنتي تلبسين
بالغرفه مدلع وقصير 
هسه ورا الحمل لابسه بجامه ابويه المقفله والله عنده وحده شتويه تشبه الي انت لابستها هسه
_ ههههههههههههههه
_ لا والله جديات بدون فطاريه
شنو الحل
_ الحل يمك تتقبلني بهالوضع
_ ليش
_ مو تگول تحبني
_ادري احبج يعني لازم تصيرين صاحبي !!
_ هههههههههههههههههههههه ثمين والله اني
لليوم بالكوه مدبره وضعي بين مدرسه ودروس وتنظيف وهسه حامل
_ دكومي سويلي شي اكله
قبل لا اروح
_ ليش مو كلت الفجر تروح
_ بعد شعندي باقي شفت ابويه واخوتي وابن عمي
- ابن عمك هذا الحلو الي جنت تصفن بوجهه وتتفرس بي
_ مو متدرين بيه اغبر
واعمى عين وقلب
_ انت شكلك جدي واني ماخذه الموضوع ضحك
خلي انزل اسويلك اكل قبل متروح
_ تعالي دا اتشاقى
_ نزلت وتركته لكيت عمي جايب كعك وحضرت الجاي
طلعت للحديقه لكيت عمي فارش حصيره ومخليله  كوشه متمدد مستند عليها
_ عمو اجيبلك الجاي هنا 
_ اي والله بابا وصيحيلي هذال والولد
_ بعيني ويا ما دخلت للمطبخ لگيت رجلي بيده خاشوكه
وواگف ياكل بجدر التمن الاحمر
_ التفتتلها عاشت ايدج كلش طيب
_ عرفت طيب من حسيته مغزر بيك
_ اهو هسه هو حتى بارد اكلته حتى ما اتعبج
هذا مو دليل مغزر
_ لا والله الظاهر ممغزر الا اصيرلك من الكيوليات الي جنت تروح تتفرج عليهن
واني مو كاوليه اطلع لعمي يريدك
بين ما اروح اصيح الولد ارجع اصبلكم الشاي
_ ابو سمره شو صاير عصبي ودماغك يفسر كلامي بلئم
_ بعد ميفيد عرفت الحقيقه
_ ههههههه حقيقتيش يعني لو تفترين بوجهي بهاي البجاما لو
اطلع موخوش
دصعدي بدليها والله ذكرتتي بعبد السلام النابلسي بافلام الاسود والابيض
يله يا حلو تهندم لا اصعد اكصكصها وداعه الي ببطنج
_ ههههههههههههههه
غير اني بالبيت البس شي مريح
_ انت ترتاحين واني شنو ذنبي كل شويه لامح حمار وحشي هههه
_ اوي شكد تنقنق
_ لاجديات من اني موجود اريد شعر مكياج خفيف واللوان انثويه
اني الاسبوع كله مكضي بس اشوف زلم
اجي الكاج حالج حال لهيب اخويه
_ هههههههههههههه والله حترزل من عمي من وراك
خلي اخذله الجاي وانت صيح الولد
بين ما حضرت الصينيه وطلعتها التموا الولد
اشرلي بعيونه
روحي سوي الي كتلج عليه
صعدت مبتسمه على سوالفه وبوجهي للمرايه اشوف البيجاما صدك هيج قبيحه
حسيتها عاديه بس تذكرت كلام مرت عمي باسل
من گلتلي اكو رجال بصري يقيم وينثار وينبهر باللي يشوفه
واكو رجال سمعي هذا ينثار بالكلام الي يسمعه
واكو رجال حسي هذا ينثار بالاحساس والافعال
ثمين من النوع الاول
اممممم اذن لازم نهتم
ربع ساعة  تقريبا نزلت  بعدهم بالحديقه
طلعت يمهم انتبهت على ثمين ابتسم من لمحني
كعدت بصف هذال اكل كعك واستمع لحديثهم
سألت عمي
عمو شوكت تروح على عمتي حتى احضر العشا
_ لا عمو عمتج باقيه هاليومين عند اهلها
اني هم لازم اروحلهم گلت لخالكم امرله
_ اني اجي وياك ( هذال)
_ تعال بس خاف عندك واجبات
_ كملت بالفرصه الواجب
_ دروح بدل
_ لعد يابه ذبني بدربك يم المكتبه اريد استنسخ
_ بين ما طلعوا عمي والولد
اختفى ثمين
_ صعدت اجيب كتبي حتى ادرس
بنزلتي طلع من الصاله
_ منو بالبيت
_ طلعوا
بلحظتها نزع الدشداشه وهو يبتسم
اصعدي بت هشام كدامي
_ لا اخاف يرجع هوبي وما نسمعه من يدك
_ لعد تعالي خليت الكتب على الطبله من لمحته تقدم
لعندي
شتريد ثمين
_ اركصيلي هسه اشغل المسجل
_ ههههههه والله انت اليوم بيك شي
_ دركصي بدون سوالف المستحى
_ ثمين ما اكدر
_تتعلمين عليه شويه شويه يله لخاطري
_ بديت اتمايل ويا صوت الموسيقى ونظراته كلها اغواء
بدا يتمايل ويايه وهومحتضني ويقبلني
دفعته واني اضحك مسك ايدي يسحبني
ثمين والله تعبت اريد اكعد
_ دتعالي
_كعدني على رجله وهو هيمان بيه
يحجي ويايه بهمس وهو يقبلني
دخلت براسي شغله نكعد وحدنا
وهيج تبقين كدامي
ووحدنا ما الج مفر مني
_ وضعيته خلتني اتجرأ واقبل شفايفه واني اهمسله
اموت عليك ثموني
وين متكون انت اني وياك المهم تبقى قريب عليه
شئ من الحوار دار بيننا بغوايه
همس ولمس كان بيننا من غير درايه
نهذي بمشاعر الحب في ما بيننا
من غير تعقل ولا هدايه
تجرأت ان انال من ذلك المتطلب الخبير
حتى يعلم ان في كل انثى غانيه وحكايه
انهيت معه ماكان يشك فيه حتى بات اليقين
يفشي سر رغبته بوشايه
ممكن يا حضره الملازم تفتح الباب يمكن هوبي
رجع
دقايق ودخلوا
للهول
تقدم من التلفزيون قلبه على قناة الشباب
طلعت اغنيه لالا ترحلين لرائد جورج
التفت واني كاعده على القنفه ولهيب كدامي يرتب اوراق الملزمه
من سمع الاغنيه رفع راسه وطلب من ثمين
_ خليها هالاغنيه احبها
_ ابتسم ثمين
شوكت حبيتها لو عرفتها مني
_ مو رجلج هاي الاغنيه رفيقته بفتره من الفترات
_ دخل شي من الغيره بقلبي واني استفهم بعقلي منو جانت المقصوده بيها
رديت بابتسامه متحفظه اخفي بيها ملامح التوتر والانزعاج
ترخصت منهم بحجه اروح احضر العشا
شويه ودخل للمطبخ ورايه واني كاعده اكشر البتيته
كعد بالكرسي الي بصفي
_ هاي الاغنيه جنت اسمعها ورا ما نهيتي الخطبه وبرغم جنت اكابر
بس من اشغلها  جنت امر بكل فرع وشارع مشيتي بي
واتذكر المواقف الي صارت بيناتنا
سامعه كلماتها
_ سامعتها بس ما حافظتها ولا مركزه بكلماتها
التفت وتحرك من مكانه باتجاه الكراج دقايق ودخل بوجهه للهول
رجع بيده المسجل
گلي كومي احميلي الجاي
_ ضهري للطباخ من بدت موسيقى  الاغنيه
بين ما صبيت ودا انطي استكان الجاي
خلى ايده على ايدي ويا اول كلمه من الاغنيه
اسمعي شنو حسيت من نزلت الاجازه ودخلت البيت
وبلغوني انتهت الخطبه وراها عرفت انخطبتي
لالاترحلين من بعدج يموت ورد الياسمين
حالي من بعدك يكون
بس هم وسكون
ويزيد الانين
ليش
ياما قلتي شلون انسى
انسى لا مستحيل
بكل كياني بدمي انت
وليلي من بعدك طويل
تالي عفتيني بجروحي
أهمس باسمك ياروحي
القلب شيفيده
وانفاسك بعيده
تمطر الدنيا حنين
تمطر وتحيا الزهور
بالسما المح عيونك
تداعب احلام الطيور
واسال الطير اليجيني
اشرح احساسي وحنيني
بلكي يدري بهالصدود
منك وبلكي يعاتب
انتي يااغلى الحبايب
ليش تنسين الوعود
تالي عفتيني بجروحي
أهمس باسمك ياروحي
ارجوك .. ارجوك
تسمعين العتاب
الهم والعذاب
ليش
لا ترحلين رائد جورج
——
_ حلوه كلماتها هسه يطلع هوبي هم گايل لمي من اسمعها اتذكرج
_ ميه بالميه متشوفي بقيها بقيها
_ اوعدك هالمره اني وياك على الحلوه والمره ما استغني عنك
اگلك سر
اني جنت كل يوم يمر وانت بعيد وما كو منك اي رد فعل
عايشه صدمه
مرات ومرات ابقى بالليل اتذكرك وتنزل دموعي من اتخيل كل الي عشته وياك بهالفتره جانت مشاعر كذب وتمثيل منك
اروح ارفع سماعه التلفون وبدماغي اخطط اذا تجاوب انت
اگلك حسبي الله ونعم الوكيل بيك
_ هههههه يعني انت فاسخه وعينج صلفه تريدين تتحسبين عليه
_ هههههههه اوي ثمين
انت متعرف اني شلون جنت عايشه بدوامه مشاعر مايعلم بيها بس
رب العالمين اكرهك واحبك انتقدك وامدحك مره احسك سجن وسجان  وحريه ومره ابتلاء ونعمه مخليت عندي عقل ولا قرار
_ وهسه
_ هسه
صرتي اهلي وناسي انت وياما عرفوني غريب
عشت سنين عمري قلبي خالي بلا حبيب
_ًاني الاول والاخير
_ استاذ اول بدا الغرور اگوم اكمل العشا
_ سويلنا وياج بيض مسلوگ
_ صار
_ ابو الميش الحك اوصل لراس الشارع واجيب شغله وارجع
_ شو ابو الميش
ليش مو ابويه انتِ
_ مره هيج ومره هيج
_ نص ساعة الاكل جاهز مو تتأخر
_ طلعت للشارع انتبهت البيت الي بصفنا بي مؤجرين جدد
دينقلون بالغراض
من مريت من يمهم سلمت
وصلت للسوك لكيت الولد ملتمين من لمحوني
اشرولي
توجهت عليهم سلمت وتحججت لازم ارجع للدوام
ماخذ اجازه زمنيه علمود نوار
اشرت لعباس
_ عبوسي
_ ها حبيبي
_ خليلي حمص ربع وحب احمر وحب شمسي وفستق عبيد
عبوسي هذا الحلقوم جديد
_ لا موجديد قبل اسبوعين جبته هاك ضوگه
_ لا طيب خليلي منه
عبوسي اذا اريد تمرمجبوس منو عنده
_ حجي ريحاني عنده تمر كربلاء اني اخذ منه للحجيه
_عاشت ايدك
سلملي على علاوي والحجي
مريت اخذت التمر ورجعت للبيت
فتحلي لهيب الباب
اكلك هوبي ذولي الجيران الجدد صارلهم كم يوم من نازلين
_ راح يصيرلهم اسبوع بس دينقلون غراض بعدهم شكلهم
ديباتون بي وينقلون
_ عاد شلونهم
_ والله ثمين ما اعرف بس شكلهم عائله جبيره
_ عدهم شباب
_ والله الى هسه ما اعرف
_ ها عيني صبيلنا العشا بين ما اغسل ايدي
_ من دخلوا لهيب وثمين بين مدا اخلي الاكل على الميز
سمعت ثمين گلي
_ ميامي فرشي جرايد خلي ناكل بالهول
_ رحت خليت الجرايد حتى ناكل عليها ولهيب جاب المنادر
وبقى الولد يساعدني
سمعت ثمين سأل عمي
_ يابه ذولي الجيران تعرف عنهم شي
_ والله ابني الي اعرفه عدهم ٤ ولد واحد منهم متزوج
وعنده طفلين والبقيه من كصتكم وامهم ومره جبيره بالعمر
ابوهم متوفي
_ زين هو هذا ابو عامر يوميه جايبلنا عالم هسه احنه
شنعرف من هالاوادم
_ كعدنا على الاكل واني استمع اجيت احجي لثمين
على الشاب الي جان وجهه على سطحنا وديدخن
بس تراجعت كلت ليش اورط. نفسي واحجي شي ينقلب عليه واترزل
او تصير مشكله بين بيت عمي والجيران
بس حسيت ثمين ما مرتاح
لان گله لعمي
_ اني من شفتهم ما ارتاحيتلهم سبحان الله قلبي لعب منهم
يابه انت ليش متفكر تبيع الكاع وناخذ بيت ابو عامر
يجوز يفكر يبيعه عاد نخلص يوميه جايبلنا نماذج
هو هذا مادي ميهمه الجيره ولا المن يكعد اهم شي
يستلم فلوس
_ بابا الكاع متجيب فلوسها هذا البيت
_والله يابه لو تبيعها وناخذ بدل منها بيت مساحته اصغر و نأجره
_ هم فكرت بس امك ما رضت كالت خليها للولد بعدين يبنوها
من يتزوجون
_ وهو ديسولف التفت لي
_ حبيبتي جبت تمر
اكعدي هسه سويليا اخذه ويايه
_ ان شاء الله
بعد ما انتهيت من تنطيف المطبخ طلعت للكراج خليت كيس الزباله
سمعت ورايه
صوت همس
بس بس بس